السلام عليكم ورحمة الله وبركاته ..

كيف حالكم يالربع ان شاء الله انكم بأتم صحه وعافيه ..


يالربع انا فكرت بمشروع .. واتمنى افادتكم لي كم يكفيني لـ ذالمشروع .. واذا عندكم بعض النصائح بناخذ فيها..

افكر افتح صالة بلياردو .. طبعا تتكون من 10 الى 12 طاوله .. كم المساحه اللي احتاجها ..

ثانيا باحط مجموعة اجهزة بلايستيشن تقريبا 8 اجهزه مع البلازما ..

ثالثا باحط محل قهوه منعزل عنهم ويقدم فيه جميع المشروبات و فيه تلفزيون او اثنين عشان اوقات المباريات ..

طبعا ابي تعطوني كم التكلفه لهالمشروع وكم يكفيني عشان احط ديكور حلو ..

كم عامل يكفي ..

اللي عنده تجربه سابقه بهالمشروع يعلمنا كم الدخل اليومي <<شاكر لكم

اسف لان موضوعي نزل في وقت متاخر من الليل

غريبه مافيه احد يعرف شيء < افيدونا ياجماعه

مرحبا ياالحربي
والله يالغالي ماعندي خبرة لكن على حسب كلامك اتوقع ان تكلفته عالية والله اعلم
وحتى الدخل راح يكون ممتاز ان شاء الله
وبالنسبة للديكور حاول يكون بسيط بلمسة فنية
وفالك التوفيق

التكلفة طال عمرك تعتمد عليك انت في البداية
يعني روح شوف
1- اسعار الطاولات بكم
2- مساحتها كم وكم تحتاج مساحة
3- دور مكان مناسب وفي تجمعات للشباب وشوف كم سعر الاجار
بعدين حدد وايش ناوي تفتح بالضبط وكم المبلغ اللي معاك
اذا بديت في التجهيز العمالة في البداية تحتاج عدد بسيط وتشوف كم الإراد اليومي عندك وكم احتياجك وبعدها
تعرف العدد المناسب

اذا وفيت الامور اللي قلت لك عليها فكر في الخطوه اللي بعدها

وأكيد الاخوان هنا مراح يقصرون
بالتوفيق

يعني يكفيني راس مال تقريبا 200,000 << الطاولات اسعارها من 4000 الى 7000 ..الديكور على حسب مانصحوني انه اهم شي بالصاله وخاصه انك قاعد تحاول تجذب شباب .. بالنسبه للموقع مافيه ولا صالة بلياردو حوله شقق عزاب والحي متطور وجديد..