عندي فكره مشروع والي يبغاها حلال عليه

راجيه خير · #1 (**permalink**) 15-05-2008, 04:08 AM

السلام عليكم ورحمة الله

عندي فكره بس مادري هل راح يتقبلها المجتمع او لا او هل يسمح بتصريح ام لا

لان معروف مجتمعنا يرفض اي فكره تكون المراه لها دور فيها حتى لومافيها اي مخالفه شرعية <<< الله يصبرنا

المهم الفكرة ببساطة هو مطعم نسائي مغلق بمعنى ان مايدخله ولارجال

تعرفون الحريم ياعيني يطفشون ويبغون يرفهون عن انفسهم بس مايقدرون يطلعون الا اذا كان ابو الشباب فاضي او له نفس وهذا نادر يصير

لذلك لو صار لهم مطعم نسائي ياخذون راحتهم فيه من غير منه هالرجال كان وش كثر الزبونات عليه والاهم من ذلك الي عندها مثلا صديقات ودها تعزمهم بدل ماتعزمهم بالبيت تاخذوهم للمطعم وسيدات الاعمال يجتمعون وهكذا

يعني بالمختصر مطعم يظمن خصوصية المرأة وراحتها اولا

ثانيا يشغل عدد من العاطلات في المطعم

طبعا هالفكرة متاحة لاي احد يبغى يتبنى المشروع حلاله سوا كان له راس مال او حب يشترك مع مجموعه وممكن يتفق مع مجموعه من بنات منتدىالبطالة لكي يديرون المطعم

والله يوفق الجميع واتمنى المجتمع يتخلص من عقده ادري راح يهاجمون المطعم في البدايه

بس اقولهم تهاجمون النسائي وتسمحون بالمختلط قمه التناقض !!!!

فضل · #2 (**permalink**) 15-05-2008, 04:14 AM

عليكم السلام ورحمة الله

الفكرة جيدة وأهم شيء انها تحتاج رأس مال قوي

من اكثر الناس حظا ً · #3 (**permalink**) 15-05-2008, 04:43 AM

عليكم السلام والرحمة...

جزااااك الله كل الخير فكرتك حلووووة وياليت نشوفها على ارض الواقع...

الله يكتبلك الاجر والرزق خيتي..

heavenmoon · #4 (**permalink**) 15-05-2008, 11:34 AM

[GRADE="FF1493 FFA500 32CD32 4169E1 FF1493"]
المشروع هذا موجود منه في مدينة ( مكــة - جدة - الرياض )

ويلاقي نسبة حلوة من الاقبال عليه .

اظيفي انه في ( مقهى + مطعم ) في الرياض مسوي نفس الفكرة وفاتح كمان قسم لحظانات الاطفال و ياخذ عليهم اجر بالساعة

يعني حتى الام اللي معاها اطفال و تحب تقضي وقتها بدون اي ازعاج يوفرون لها طلبها .. و ما عليها الا انها تنبسط باحلى الاوقات عندهم ..

هذه اظافة خفيفة على مشروعك .. و اتمنى من اي وحدة ترغب في إنشاءه انها تستفيد منها

جــزاك الله كل الاجر و الخير ... على مشروعك الحلو

موفقة يا رب .. لكل خيــر

والقسم بانتظار جديدك
[/GRADE]

سحر العيون · #5 (**permalink**) 15-05-2008, 12:32 PM

الله يعطيك العافية يالغالية ... جزاك الله خير

فكرة جدا جميلة ورائعة ... الله يوفقك ... آآآآآآآآآآمين

طموحي أكبر مني · #6 (**permalink**) 15-05-2008, 12:36 PM

والله يااختي فكرتك حلوه ماشالله عليك

بس يحتاج لها راس مال قوي ..لاننا نبغاه مطعم متكامل الخدمات (:

<<يتشرطون الحريم لازم ض1

والله يجزاك خير ع هالافكار الحلوه