سلام عليكم ورحمه الله وبركاته

ابيكم تفيدوني بهال معلومه متخرج من معهد صحي وقدمت على الديوان وانتضر اسمي يزل وقلت ابي اشتغل في مستشفى خاص قدمت وانقبلت بالمستشفى وقالولي الوظيفه بتكون مدعومه من الموارد البشريه وانا سمعت الي يتوظف عن طريق الموارد البشريه يتسجل اسمه عندهم اني موظف خاص . خايف لو نزلت وظايف حكوميه عن طريق ديوان الخدمه المدنيه وانا متوظف في مستشفى خاص يشوفون اسمي موظف ويطنشوني يعني ما ينزل اسمي .

هل اتوظف بال مستشفى الخاص مافي اي مشكله ولا لا

مشكور اخوي على الرد والله ما تدري هم صادقين ولا كذابين بس موضوع الموارد هذا ما يطمن انا قمت على المستشفى وقالو الراتب 3000 ومدعوم شي قلييل فيه نصب بالموضوع

ياا متعب قضية الدبلومات الصحية مطولة توظف يارجل لا تنتظر احد انا لي سنتين وفي خريجي كلية 3ونص بالخاص الامر معقد مادام هالربيعه موجود

الله يعين يرجال المشكله اي متخرج من قسم نادر شوي فني صيانه اجهزه طببه واغلب المستشفيات الي شغالين فيها اجانب لين متى يعني

وانا نفس طريقتك جتني وظيفه فني اشعه عن طريق الموارد البشريه في مستشفى والراتب 5 الاف لكن خايف يطير اسمي من الخدمه المدنيه

بالله افيدونا

يا اخوي عاطل اذا لقيت وظيفه عل التامينات بس بدون موارد ادخل بس انا سالت واحد من الشباب يقولي خوييه كان عن طريق الموارد ونزل اسمه والله ما تدري

يا اخوا ابيكم تفيدوني لحد الا مافي احد فادني

ياابن الحلال مافي استبعاد بالقطاع الخاص

وبالعكس انت مرغوب لانك موظف وعندك خبره

انا موظف بقطاع خاص ومطابق بديوان الخدمه



ماعليك من سوالف الفيس بوك الي يقولون مستبعد من القطاع الخاص


اصلا مافي شرط بالخدمه المدنيه يقول يستبعد من يتوظف بالقطاع الخاص



توظف واستلم الراتب الين يجي تعيينك



واصلا شهادتك ماتقدر تججدها الا وانت موظف بقطاع خاص


والله يهدي الربيعه