24-02-2013, 03:01 PM
|
عضو جديد
|
|
تاريخ التسجيل: Feb 2013
المشاركات: 6
معدل تقييم المستوى: 0
|
|
[align=right]انا رحت المعرض, ماكان فيه 85 شركه!! يمكن بالكثير حول ال35 اكثر شوي اقل شوي بس مايوصلون 85.
التنظيم ماكان جيد لانه تاركين مساحه بالنص فيها الرعاة الرئيسيين والباقي حاشرينهم بالاطراف, مو مهم
الشركات بعضهم فيه اهتمام وياخذون طلبات ويتفاعلون مع الباحثين عن وظايف, اخص بالذكر هاك قروب, شركة للتأمين ناسي هي التعاونية او العربية, شركة روابي, جامعة الدمام كان فيه واحد يقال له ابوناصر مهتم الله يوفقه ومتفاعل مع الناس (هذا اللي انا شفته)
شيفرون كانو موجودين لكن يبون مهندسين او التخصصات الهندسية والفنية ومايبغو اداريين على كلامه انهم متشبعين اداريين وعندهم طلبات كثيره وما اخذ اي اوراق
شركة الحفر العربية نفس الشي, لكن مسؤول كبير من التوظيف كان موجود شكله اللي يحتاجونه يعملون له مقابله
شركة نسمه عندهم بوتين واحد للهندسه وواحد للتجاره وحاطين ورقه فيها التخصصات الهندسية اللي محتاجينها
فيه شركات غير بس ماجيت عندهم مثل الزاهد قال يبون محصل, الجميح والتوكيلات العالميه يعطون فورم تعبيها وياخذونها من كل الناس, صندوق المئويه كان موجود وكم شركة تجارة عامه مثل ابو داوود
شركة بيت واخطبوط للتوظيف كانومتواجدين, جريدة اليوم, مجموعة القصيبي والراشد ايضا متواجدين وشكله مجموعة القصيبي عندهم تقديم مفتوح لانهم ياخذون اوراق من الكل ويخلونهم يعبون فورم
فيه كافيتريا للي ممكن يجوع ومكان للجلوس فيه 5 او 4 طاولات
هذه طبعا مشاهداتي وتجربتي الشخصية, انا خريج ماجستير من امريكا ومعاي بكلوريوس هم من امريكا ومحد عطاني وجه غير 5 شركات وشكلهم كانو مترددين فيبدو انه الفرص اغلبها للثانوي والدبلوم او التخصصات الهندسية واكرر للمره الثانيه هذه وجهة نظري الشخصية ويمكن اكون غلطان
اخوكم ماجستير محاسبة ولازلت عاطل ولاتنسون من صالح دعائكم[/align]
|
العرض العادي
