السلام عليكم ورحمه الله وبركاته
اخواني المشرفي والاعضاء
اتمنى يتقبلوا المشرفين موضوعي لانه بذكر معاناه المشتركين في اهانه حافز

في البدايه انا استلمت جميع دفعات حافز كامله من بدايه الاعانات الى نهايتها
اي 12 شهر ولم يخصم مني ريال واحد لاني كل اسبوع ادخل مرتين
وبعد شهرين من بدايتها جاني اتصال من برنامج الفشل طاقات
يعطونك محاضره عن التوظيف وتحصل اللي معك ثانوي ومتوسط ومختلف التخصصات
ويقولونك اذا غبت يوم بدون عذر تخصم عنك الاعانه يعني نرسل لحافز خبر عنك اذا غبت
الزبده ماغبت ولا يوم ولا رفضت اي اتصال منهم

لكن بدايتها لازم يعطونك كذبه يذكرونها لجميع من يأتي لطاقات من باب الحماس والاكشن
وهو " انه هناك شخص قدم على رجليه على بعد 10 كيلو
وهو ليس لديه سيارة فقط عشان ينضم لبرنامج " مادري البرنامج يوزع وظايف مباشرة للجميع !!!
وخذلك محاضرات لمده شهرين كل اسبوع مره او كل اسبوعين
طيب وين الوظااااايف !!!!
اخرتها اتصلوا علي قالوا في مقابله وانا مجهز ومكشخ واخرتها
اللي يسوي المقابله هندي من احد شركات الشحن ولا قالولي انه المقابله باللغه الانجليزيه
يعني وش فايده المحاضرات اللي سوينها واخرتها راعي المقابله هندي !!!
الزبده الهندي انا وهو صرنا نكلم مكسر لاهو يعرف عربي ولا انا اعرف بشكل كثير انجليزي
حتى كلامه الانجليزي غير واضح كعادته الهنود في كلامهم للانجليزي
واخرتها قال الهندي " سوي صور بطاقه يعني الاحوال وبعدين ان شاء الله ياخذ وظيفه "

" الزبده الموظف البرنامج اعتذر عن اللي حصل من المقابله اللي جرت باللغه الانحليزيه
وهم ما توقع فيه انجليزي ولاتوقع يأتي شخص هندي من الشركه لكي يعمل المقابلات "

وبعد اننتها المقابله وانتهت محاضرات طاقات وسحبواااااا علي ولا خبر عنهم الى اليوم
وماعندهم الا الخراط واذا احرجت الموظف قال "وش رايك في وظيفه كاشير "احاول" اشوف
معهم امكانيه اقامه مقابله لك " !!!! كل الشهادات اللي املكها واخرتها اصف كاشير على 3000 ريال
يعني اللي معه ثانوي او متوسط فقط ما يفرق عني !!


نرجع لحافز

في السابق كانوا يذلونك " سجل دخولك الاسبوعي "
وانا وقتها منتظم مثل ما قلت في السابق
لكن ماشفنا منهم تدريب ولا وظايف
اللهم تدريب ماتدري وش يبي وهو هرج مجمع مثل ما انتم تدربتوا عليه
وهو التدريب الالكتروني واخرتها لافايده تذكر ولا وظايف !!!!!
راحت سنه ولا شفت شي واخرتها انتهت مده حافز
وقالوا فارق !!!!
طيب والتدريب والوظايف وينها ما شفنا شي
مرت 4 شهور تقريباً واخرتها تجيني رساله سجل دخول على البرنامج
عشان يزيد فرص وظيفتك !!!
وسجلت دخول والى يومنا هذا لا اتصال منهم ولا خبر يشعرك انه في وظايف

و وزيز العمل كل اسبوع له تصريح بالجرايد
وظفنا 100 الف
وظفنا الالف من الشباب في القطاع الحكومي والخاص
وظفنا الالف من البنات في القطاع الخاص
وظفنا البنات في المدارس الخاصه
البطاله في انخفاض
قريباً تنتهي البطاله في السعوديه
الخ ................


عطونا حافز عشان يكحلون وضع العطاله في السعودية
وقالوا مافي مثلنا بالعالم واخرتها طلع دول الجوار افضل منا برامج للعاطلين
وفي الاخير ينتظرون فقط 12 شهر عشان يسحبون عليك
لكن ما اقول الا حسبي الله ونعم الوكيل على كل فاسد بالبلد

اصلا النظام باكمله فاشل انا الي قاهرني 2000 الي صرفوها وش ضرهم لو خلوها مستمره لحين الحصول على وظيفه بينزل من ميزانيتهم شي ليش احنا كذا متاخرين في كل شي ليش ينقطع ابغى افهم مو كفايه نتخرج ونتنظر ولانتعين كمان يرفعونا فوق ويفرحونا بنظام حافز وفجئه وبدون سابق انذار ينزلونا اسفل سافلين استغفر الله وربي قهر ذل واهانه انا استكملت حافز كامل لاتصلوا عليه ولاكلموني على وظيفه نهائي وعلى هذا قطعوه على الاقل حافز كان جبر خاطر وراضين لكن كذا طلعنا زي ماكنا ولا أستفدنا شي الحمدلله والشكر
اسفه أن كان طلعت عن موضوعك ............. فيني حره وقهر
يعطيك العافيه اخوي

اولا الحمدلله انك خذيت الاعانه كاملة

حبيبي ليومك ذا مافيه مبنى او مركز او على الاقل مكتب اربعة في اربعة اسمه ( حافز )

حافز مجرد موقع واسم مؤسسي وهمي يتبع لوزارة العمل حتى هاتف الاستفسارات والشكاوى يرد عليك واحد من وزارة العمل وهو ممكن مايعرف شي عن حافز وماهو من تخصصه لكن مجبر يرد الموظف.. بس يحفظ بضع معلومات عن حافز عشان يمشي اموره مع المتصلين


اللي ابي اقوله لك اذا حافز عجز يحط له مركز ومبنى خاص فيه ويحط فيه موظفين متخصصين .. شلون تبيه يوظفك !!


الله يوفقك ويرزقك

وزارة العمل كان امامها طرق كثيره بالامكان ان تحل مسألة العاطلين بل وتحولهم الى رجال اعمال وتجار في البلد لكنها لاتريد ذلك

تخيلو مثلا لو انه بدل ماتعطيك اعانه وتقول ارتاح في البيت انها ساعدتك في بناء مشروع صغير او شركه واعطتك دورات على ايدي اشخاص ذو خبره عالميه في مجال التجاره واعطتك قرض ترجعه لهم موو لك لا رجعه وكمان عطهم عليه زياده المهم تسهل لك الطريق وتمهده لك حتى تصبح مدير مشروع ناجح واعتقد ان شباب البلد فيهم الخير ولديهم القدره ولكن من استثمر هذه الطاقات للاسف

ماكسبنا شي من حافز حتى الاعانه ناقصه حسبي الله ونعم الوكيل عليهم رددوها

اقول وش سالفه نوف وهند

ووش الاجووبه ؟

حسبنا الله سيؤتينا الله من فضله انا لله واناالئ الله لراغبون

ياناس اللي عنده حساب بتيويتر يحشر وزير العمل عشان الناس تفزع معكم هنا ماينفع الشكاوي كلنا بالحال واحد ادخلو الفيس بوك وتويتر قدمو شكاويكم لوزير العمل علني عشان توصل للملك عبدالله حفظه الله نصيحه....