السلام عليكم إخواني
ياشباب أنا طالب ثالث ثانوي طبعا احلم بالكلية العسكريه نسبتي ثاني 81 والفصل هذا 84 طبعا قلنا بتخرج بنسبة 83 علوم طبيعه والقدرات جابي فيها 62 هل وضعي في السليم ولا

اسمع خذ دوره حاسب 6 شهور قبل تتخرج من الثنوي عشان مايروح عليك الوقت بعدين

والله ياخوي ماقدر اقول الا الله يوفقك فيها يارب وتنقبل

لاكن اعرف ناس نسبتهم 98 وما انقبلو فيها لانها الاغلبيه واسطات تروح

فانا انصحك يكون عندك اكثر من طموح

بالنسبه للاخ خالد الحرربي اعتقد والله اعلم ان شهادة الحاسب في القطاعات العسكريه تكون بعد الثانويه

موفق يارب

دعواتك

إخواني ياليت تفهمو سؤالي هل نسبتي تدخلني أو لا وبعدين وش استفيد من دورة الحاسب أخوي ?

للرفع

شوف يا اخوي احكيلك ما صار معايه من ناحية دوره الحاسب انا فكرت اخذها وانا في ثالث ثانوي المهم رحت قدمت ودرست حول اسبوعين وكان في ناس يقولون ما راح تفيدك ما صدقت وقلت خليني اكمل بعد الاسبوعين قلت خليني اسأل وكيل القبول والتسجيل تبع الكليه الي ادرس فيها دوره الحاسب قلتله انا ادرس في ثالث ثانوي وادرس دوره الحاسب بعد ما اتخرج من الثانويه دوره الحاسب راح تفيدني قال اسمع يا ابني انا ابيلك كل خير دوره الحاسب ما راح تفيدك لانها بتكون قبل الثانويه راح تفيدك بشهاده الكفاءة لانها تكون بعد الكفاءه قلت طيب دام ما تفيدني ابي اسحب وبعد ما اتخرج اجي ادرسها قال اسمع مني اجل الدوره ويوم تتخرج وتستلم الملف في يدك تعال عندي وانا ادخلك في اقرب دوره لا تسجب فلوسك ويروح عليك نص المبلغ اجلها يكون افضل لك قلت اوك اجلها افضل هاذا ما حصل معي في دوره الحاسب ما انصحك تدرس دوره الحاسب وانت باقي ما قد تخرجت من الثانويه لانها تعتمد على اخر مؤهل حصلت عليه >>ادري اني كثرت عليك بس انا ابي اقولك نصيحتي

من ناحيه الكليات عندك كلية الملك خالد العسكريه تقبل بالثانوي بس من شروطهم اذا انت تخصصك شرعي لازم ما تقل نسبتك 85% واذا انت تخصصك علمي ما تقل نسبتك عن 80% ولازم تكون القدرات من فوق 60 ما شاء الله انت قدراتك 62 عداك العيب ولازم يكون طولك فوق 160 سم ومتناسق مع الوزن
اتمنى ان اكون افدتك

والله يوفقك

الله يوفقك

كلية الملك خالد العسكريه
شروط القبول والتسجيل

1-أن يكون المتقدم سعودي الأصل والمنشأ ( يستثنى من ولد أو نشأ مع والده أثناء خدمته للدولة خارج المملكة ).

2-أن يكون حسن الأخلاق والسمعة وغير محكوم عليه بحد شرعي أو في جريمة مخلة بالشرف والأمانة،.

3-أن يكون حاصلاً على شهادة الثانوية العامة ( العلوم الطبيعية - العلوم الإدارية والاجتماعية -العلوم الشرعية والعربية ) فقط ومن خريجي هذا العام 1428هـ ( انتظام نهاري ) ولا يقبل خريجو الأعوام السابقة.

4- أن لا تقل نسبته عن ( 80 % ) للتخصص العلمي و ( 85% ) لتخصص العلوم الإدارية والاجتماعية والشرعية والعربية .

5-أن يكون قد أدى اختبار القياس والتقويم الذي يعقده المركز الوطني للقياس والتقويم ( لجميع الكليات ).

6-أن لا يقل عمر الطالب عن (17) عاماً ولا يزيد عن (24) عاماً عند بدء العام الدراسي بموجب بطاقة الأحوال المدنية.

7-أن يتناسب طوله مع وزنه بحيث الحد الأدنى ( 165سم ـ 52كجم ) والحد الأعلى ( 188سم ـ 95كجم ).

8-أن يجتاز الفحص الطبي والمقابلة الشخصية واختبار القبول الشامل ( الاختبار التحريري ) واختبار اللياقة البدنية .


شروط القبول في كلية الملك عبد العزيز الحربيه
شروط القبول بالكلية :

1- أن يكون الطالب سعودي الأصل والمنشأ .
2- ألا يقل عمره عن 17 عاماً ولا يتجاوز 24 عاماً .
3- أن يكون حاصلاً على شهادة الثانوية العامة .
4- أن يكون حسن السيرة والسلوك والسمعة .
5- أن يجتاز المقابلة الشخصية .
6- أن ينجح في الكشف الطبي .
7-ان يكون غير متزوج
8- اي شروط تحددها الكلية.




ياخوك الله يوفقك بس بقولك شي نسبتك حلوه ان شاء الله وان شاء الله ان باقي الشروط كامله بس ياخوك شبه مستحيل انه احد يقبل في الكليات العسكريه بدون واسطه يمكن صح اذ الله كاتب لك بس اغلبها تروح واسطات وانت ادعي ربك وان شاء الله مايخيبك والله يوفقك