[align=right]
السلام عليكم ورحمة الله وبركاته
صباح الخير احبتي اعضاء ومشرفين وادريين قروب منتدى البطاله الذي اسال الله عزوجل التوفيق لمن اسس هذا المنتدى ومن سانده في فعل الخير وتوظيف الشباب
موضوعي بسيط ياساده ياكرام انا ابحث عن عدسات الكروموجين لعمى الالوان سمعت انها تباع في القصيم والرياض مركز رعايه النظر ومركز طارق الحبيب والله انا ما انا متاكد من مصادر الخبر وحبيت استفسر منكم اغامر فيها لاني اعاني من عمى الالوان وهل اذا كشفني الدكتور هناك عقوبه ؟؟؟ سعر العدسات على ما اعتقد 3700 ريال ارجوا منكم من يستطيع ان يوفره لي بسعر ارخص يراسلني على الخاص

[/align]

[align=center]وعليكم السلام

حبيت اقولك يغالي اذا كشفك الدكتور مافي عقوبه بل يسقطك بنظر وثاني شيء والله الدكاترة يفرون عينك فر يشوفون انت مركب عدسات ول لا قبل ماتكشف وبعدها من واقع تجربه والله[/align]

يكشفك الدكتور ويرسبك مافيها عقوبة بس واضحة العدسات بالعيون
كثر من الاستغفار ودعاء الوالدين الله يسرها لك

فيه كشف على العين ،،، وراح يلاحظ العدسات

لآ يغالي عقوبة مآفيهه ، بس فيه فحص نظر وينقآل انهم متشددين والله إعلم

مافيه عقوبه بس يرسبوك في النظر

الله يكفيك شرها خليك طبيعي ولاتنسى دعوات الاهل والله يوفقك

وأنا أخوك قبل لا يختبرك .. بيدخل الكشاف في عينك من زود الحرص ..!

شف يا اخوي بقلك شي
انا كان لك نصيب بالقطاع الي مقدم عليه صدقني انك بتاخده
محد بياخذ نصيب غيره
انا ولد خالي عنده ضعف بالنظر طبعا الجوال لمن يجي يشوفه يقربه الين عينه
ماعاد يشوف مره
قدم على كذا قطاع ورسب بالنظر
قدم على البحريه
ومشيت اموره
قلت له بشر كيف الكشف قلي
ربك سهلها من عنده
قلي والله ما كشف على عيني ولا سوى لي اختبار
ساله الدكتور قله كيف النظر عندك قال له الحمد لله تمام
يقلي والله من بعد ما قلت له ذي الكلمه
حط لايق على النظر
وشوفه الحين بالدوره له تقريبا ثلاث اسابيع
ماقلت لك ذي القصه الا عشان تعرف انه الي كاتبه لك الله بيصير
وبالتوفيق لك ولكل من شاف ردي
لاكن اتمنى دعواتكم انبي اقبل بالامن العام

يمكن ربي يسخرلك دكتور يمشيك
ادعي دايما انو ربي يسخر لك خلقة وقبل لاتروح للكشف اقرأ دعاء أنس بن مالك
والله يوفقنا ياااارب