اول شي الحمد لله على كل حال
ثانيا بكالوريوس لغة انجليزية
اتوقع بدخلين ذهب بعد توفيق الله عز وجل
بس مادري عن أهلك يوافقون واهم شي ماتقولون صعبه وعيب وفشيلة
1- استهدفي الطالبات شرح الكتاب كامل للترم بمبلغ وقدره (والطالبة هي اللي تجيك على البيت )
2- استهدفي جميع الفائات العمرية بحيث تحديين لهم خطه دراسية ومنهج لتدريس بمبلغ وقدره
هذا اللى جاء في راسي ولي رجعه ان شاء الله

طيب اللحين اللى ابيه تسوين سيرة ذاتية بالعربي والانجليزي (سيره متعوب عليها ماهي اي كلام )
وتحطينها في قسم السيرة الذاتية
وطبعا رغبات في العمل اكتبيها بدون اختلاط وغيرة
والاهم من هذا كله انك تكونيين متفائلة وثقتك بالله كبيرة
وبإذن الله لي رجعه

أختى أكتبي بقوقل
أرقام المدارس الأهلية بالدمام - دليل الهاتف منكم وأليكم
ادخلي على اول موضوع
وغدا الصباح اتصلي عليهم
طبعا قولي بأمكان ادرس اي تخصص غير تخصصي
والله يوفق الجميع

السلام عليكم ورحمة الله وبركاته
اخ رسام
اولا الف شكر مقدرة مساعدتك لي والله يجزيك خير

تصدق بالله لو قلت لك :
اني مسوية سيرة عربية وانجليزي بعد
واني سويت اللي قلته انت طلعت ارقام المدارس الاهلية اللي
بككككل الدمام واني مو بس اتصلت رحت لهم بنفسي!!!!

والله العظيم كل هالاشياء سويتها
لكن دام الكل شغال بالواسطة المريض بيموت
والفقير بيموت جوع
والله العظيم ربي يشهد علي وحدة من عمري لكن تخصصها
تاريخ ( لاحظ قلت تاريخ) يعني مو مطلوب مرة مثل تخصصي ووظفها
واحد بالواسطه بالتعليم وهي قالت لي بنفسها وموظف٣ من بناته بالواسطة

بس عشان ابين لك وش اللي صاير ..

بالاخير وربي مابي من الناس لا مال ولا شي
ابي بس اللي بيده يساعدني بوظيفة اعتمد فيها على نفسي وخلاص


ويشهد علي الله اني صادقه بكل كلمة كتبتها هنا

نسيت اقولك اني ايضا كتبت بقسم السيرة الذاتية وطلبات التوظيف
لكن مافي بالاغلب قطاع خاص وشركات واختلاط

اللي يقدر يوصل صوتي ورسالتي هذه لاصحاب الخير
والقادرين على المساعدة لاينساني وماراح انساه من دعائي

اختي رددي. هذا الدعاء في صلاتك وفي اوقات الاستجابه. اللهم ارزقني الخيركله عاجله واجله ماعلمت منه ومالم اعلم. وكفني من الشر كله عاجله واجله ماعلمت منه ومالم اعلم. والله لو بيدي شي نفعتك

والله ما نملك الا الدعاء وما عند الله خير وابقى
الله يوفقك وييســر امرك ويبدل ضيقك بفرج انه قادر كريــم
كثري من الاستغفار ولا تقنطوا من رحمة الله
وتاكدي بأن الله لطيف بعباده سبحانه وتعالي

الله يجزاكم خير عالرد والدعاء
ولكم بالمثل يااارب

والله ودي أساعدكك لكن الشكوى لله العين بصيرة واليد قصيرة
مثل ماقالوا الأخوان عليككي بالأستغفار لأنها هي مفتاح الرزق ولاتنسين صلي ركعيتين في أخر الليل وطلبي ربككك يحقق مرادككك و أن شاء الله تتوظفين عاجلا غير أجلا