السلام عليكم و رحمة الله و بركاته

اي احد عنده خلفيه يا ليت يساعدني
انا اشتغلت في مستشفى على عقد مؤقت مدته 3 شهور و على نهاية الشهر الثالث بلغوني انهم انهوا خدماتي خلاص
اللي حصل انو لي الحين شهر مو راضين يعطوني راتب اخر شهر اشتغلته و لا راضين يسقطون اسمي من التامينات و لا راضين يعطوني اي شي لا مكافات و لا حقوق

انا هنا كيف اتصرف حتى اخذ حقوقي منهم
هل اتقدم بشكوى لمكتب العمل والا كيف اتصرف
و لو بغيت اقدم شكوى كيف اقدمها خصوصا ما في فرع نسائي اروح له

انا من القصيم عنيزه اللي يقدر يساعدني لا يبخل علي الله يرضى عليه و يرضيه

دقي على وزارة العمل و قولي لهم كذا كذا
تلقين رقمهم في موقعهم او ادخلي على نزاهة

و ممكن يطلبون تروحين لفرعهم
يا شيخة حتى لو مافيه فرع نسائي حقك لا تتنازلين عنه ولو هو ريال ما ياكلونه
بالعكس الرجال بيعطونك حقك اسرع من الحريم

بس لا تسكتين عن حقك

والله يرد لك حقك يارب

موفقة

بدون نقاش معروض على مدير مكتب العمل

وضحو فيه الموضوع كامل وطلباتكم كامله ويطلبونهم على طول ويمسحون فيهم الأرض

وينزلون أسمك من التأمينات ومكتب العمل ويعطونك راتب الشهر الأخير وفوقها بوسة راس


مايحتاج فرع نسائي ولي أمرك يروح ومعه دفتر العائله وتكوني معه بسياره لو بغا يطلع الموضف يتأكد وتمشي أمورك أن شاءالله

ولي أمرك أبوك ولا أخوك

يعطونكي غصبن عنهم اشتكي عليهم باي فرع او اتصلي عليهم والله ماتخذي يوم واحد الا وموضوعكي انحل