شلونكم وش اخباركم انا توي جاي من التقديم بالقصيم

المهم رحت الساعه 6 صباحا وقالو الدخول الساعه 7 ونص

المهم جينا نبي ندخل صفونا طابور يعدون بالاسماء ويدخلون كل واحد حاضر

الزي الرياضي لازم لازم والحلاقه لازم بعد لان رجعو ناس ماحلقو

المهم سويت الطول والوزن رحت اسوي المقابله اول ماجيت قال

ارفع سراوالك لحد ركبك رفتها وبعدها قالي حرك يدينك يمين ويسار

وطالع بعيونك يمين ويسار سويتها كلها قال اقرا سورة الناس قريتها

قال عد من 1 الى 10 عديتها بعدين قال عد بتنازلي من 10 الى 1 وعديتها

قال روح للي جنبي رحت للي جنبه قالي وش تتابع من القنوات الفضائيه

قلت له الجزيره ام بي سي و art ههههههههه الرياضيه

المهم قال وش مكتوب على صدرك قلت والله ماعرف انقلش كويس اقرا بس ما افهم قال مكتوب انا اواكب الموضه جلست اضحك يعني لحد يروح على فنيلته شي مكتوب انقلش يتوهق فيه المهم عديت المقابله رحت للكمبيوتر

اخذو الصور والملف وعطوني الملف حقي ومعه اوراق اللي هي

اوراق المستشفى + البصمات + الاحوال + كفيل غارم اذا هجيت من الدوره ترجع لهم اللي صرفت + ورقه انك طالب وتستلم (( 900 ريال )) طول الدوره ومدتها (( سنه )) مو تسع شهور مكتوب في الاورقه كذا

سئلت العسكري حق التسجيل قلت الحين اذا تخرجت اتعين على طول قال لا اذا تخرجت يعطونك رقم وتتنظر مكان شاغر عشان تتعين فيه والله المهزله وشي يقهر لكن نبي ناخذها ان شاء الله اذا قبلونا الشكوى لله وانا بكره بروح اراجع المطلوب من بكره لاني تعبان اليوم والمستشفى رجعني يقول لازم تحضر الساعه 7 ونص واللي يبي اي استفسار انا حاضر

ملاحظه = مافيه زحمه حوالي 70 طالب اللي حضرو اول ماتدخل تهرول 100 متر الى الصاله وتجلس في الكراسي وبراد ووناسه مافي شمس مافي لطعات وناس محترمه نفس حقين القبول يعني
فله مافي انتظار ولا شي انا جلست نص ساعه وخلصت كل اوراقي

طيب بنسبه لطول والوزن هم يدققون فيهن ولا مشي حالك
وهل هذا أول يوم ولا كم وهل لازم الأصل ولا لا الشهاده
وهل أسئلوك عن الجهه اللي ترغب بها أم لا
والله يوفقك ويقبلونك وأنا وياك نكون في دوره واحده

قصدي الجهة اللتي تود التوظف بها هل الدوريات أو...أو....
وممكن تراسلني على الإيميل للأستفادة منك
hamad_s_d@hotmail.com

يالغالي يطلبون الرخصه ولا لا ؟؟
وبعدين اللي ما عنده رخصه يردونه ؟؟
ويعطيك العافيه ولاهنت

الله يوفقك , وأنشاء الله تنقبل نهائي .