احم احم


الحمد لله اجريت المقابلة وعديتها بخيرها وشرها .. حبيت ادخل المنتدى وانقل لكم تجربتي علَ وعسى ان تفيدوكم ولو بالقليل


طبعاً جيت موقعهم بالعليا دخلت عبيت الاوراق الاربع المطلوبة ومن ثم تدبيسهم وتخريبهم وتاكد الموظف المختص من جاهزيتها { ذاك الموظف الطويل ابو نظارة الي رابط النظارة بحلقه }


اخذوا الملف وقالوا انتظروا اختبار الحاسب انتظرت الين نادوا باسمي دخلت طق طقت شوي على الوورد جبت العيد شوي نسيت مكان القوسين وين موقعهم بس ما عليه مشت الامور



طلعنا وانتظرنا الين موعد المقابلة

لجنة مكونة من موظفين 2 ويقال انهم كلهم محققين كلهم طيبين للغاية


الاسئلة عرف بنفسك ومن وين ؟ ومتى متخرج ؟ وتشتغل ولا لا ؟ قلت لا قال سنة عاطل ليه ما تشتغل طيب


المهم كلها سواليف ودردشة ؟ قال وش تعرف عن مهام كاتب الضبط ؟ عبرت له شوي من راسي وقال توكل على ربك وتتيسر

وعقبها خرجت واول ليموزين واقرب مطعم من الجوع واحلى اكل وقتها

موفقين إن شاء الله تعالى

ياخوان : هل التعيين على الرغبات التي سبق وان اعلن عنها في هذا المنتدى او فية رغبات اخرى . مقابلتي الاربعاء القادم 19/7 عشان ما اتعب نفسي

يعطيك العافية أخوووي [ خريج لكن عاطل ]

اقتباس:

المشاركة الأصلية كتبت بواسطة موفق إن شاء الله ياخوان : هل التعيين على الرغبات التي سبق وان اعلن عنها في هذا المنتدى او فية رغبات اخرى . مقابلتي الاربعاء القادم 19/7 عشان ما اتعب نفسي

نعم نفسهاا مثل ما قال الأخ [ الوردة السوداء ]
موفقين

سبحان الله وبحمده سبحان الله العظيم

ياشباب

اعذروني على الكلام ولكن هذه الحقيقة وانتم تشاهدون بام اعينكم


للامانة هذا التجميع ضعيف جدا جدا ولا يليق بمتقدمين لوظائف الهيئة


اين التفاعل اين العطاء نبي نستفيد ونفيد اخواننا
وفي الاخير الفايدة صدقوني للجميع

انظروا لوزارة العدل تجمعهم مرة طيب وحلو واغلب المتجمعين هم هنا وهنا يعني مقدمين على الوظيفتين


معليش سامحوني على الكلام بس تحمست والله


بس والله مقهور

يالربع اللي راح للمقابلة لا يبخل علينا يسرد مقابلتة التوفيق من رب العالمين وأنا أن شاء الله مقابلتي بعد بكرة وبأخبركم أول بأول .



وشكرا

الله يوفقك لما تريد يااخوي وباذن الله بيرزقك الله

السلام عليكم ورحمة الله وبركاته
انا سويت المقابله قبل كم يوم ولكن اللي اخرني ما كان عندي نت. المهم يالربع
وصلت غندهم الساعه 2 وجلسنا شوي ومن ثم جاني الدور ورحت للموضف وعطاني اربع اوراق وحده حقت الرغباتووحده حقت البيانات الشخصيه ووحده حقت هل سبق لك ان توظفت من قبل ولا لا ووحده حقت المدن اللي تختار منها المهم عبيتها وجلست انتظر يجيني الدور ورحت سلمتها هي والملف حقي لانها صارت اللحين كامله اوراقي مع الاوراق اللي عطوني وبعد ما سلمناها قالوا اجلسوا وصاروا يجمعون ف الملفات وينادون دفعه دفعه والمجموعه اللي ينادونها ينزلون لاختبار الحاسب تحت واختبار الحاسب ابسط شي تروح للوورد وتفتح ملف جديد وتكتب قطعه وتحفظها على سطح المكتب ومعك من الوقت خمس دقايق وبعدين طلعنا فوق مره ثانيه وجلسنا ننتظر اللي بيجرون المقابله معنا لانهم ما يداومون الا 4 ونص تقريبا المهم جلسنا ننتظر ويوم جا الوقت وزعونا مجموعات وكل مجموعه تروح للجنه وانا رحت عند اللجنة 9 واظنها كانت احسن لجنة لاني اللي فيها كانوا طيبين مرره ونادانا واحد منهم وعطانا اوراق واقلام وصار يملي علينا قطعة ولخبطنا وقال تبون تعيدونها وعطانا اوراق من جديد الله يوفقه المهم يوم خلصنا قال اجلسوا برى وصار ينادي على واحد واحد وجا دوري ورحت عندهم وطبعا كانوا اثنين واحد شيخ والثاني اظن انه محقق وكان اسلوبهم جدا رائع وجلس المحقق يسٲلني يقولي وين ساكن قلت له قال وين الحي ا وقال وصفه لي وسٲلني الشيخ قالي وش تعرف عن هيئة التحقيق ورجع المحقق يسٲلني وقالي وش اهم صفه ينبغى ان يتحلى فيها كاتب الظبط قلت الامانه وزي كذا المهم قال انت عارف اللحين الموظفين والواتساب وكل ما شاف له قضيه صورها ونشرها وش تقول فيهم وقال كيف نظامك برنامجك اليومي وكيفك بالصلاة وكيفك مع والديك وبس كلم الشيخ قال تبيه قال الشيخ لا خلاص وطلعت من عندهم وكل الموضوع كان سوالف فقط والله الموفق