انا بصدد فتح مكتب عقار
استاجرت مكتب حلو وجاري تاثيثه
موقع المكتب في شارع حيوي يخترق حي كامل يعني السيارات رايحة جاية والناس

تقريبا هو المكتب الوحيد في هالشارع


حول المكتب كثير عمارات جديدة وتستاجرها شركات باستمرار

والي مستلمة اغلب هالعمارات مكاتب بعيدة جدا عن الحي


انا مااعرف في العقار

فودي اهل الخبرة يساعدوني
وش البداية ؟


وش متطلبات الترخيص ؟ مع العلم انا ماابي اطلع اي تاشيرات اطلاقا


شريت اثاث مكتب متكامل من مكتب فخم عدد شخصين وكنب للجلوس للعملاء ودولاب لحفظ الاوراق والملفات

حطيت انترنت وتلفزيون وقنوات رياضية علشان مااتكاسل من القعدة فيه

عندي خوي من اهل الحارة مصري خلص ثانوية وابحطه فيه لاوقات الصباح واوقات عدم تواجدي لارتباطي احيانا ببعض الاعمال


سالت كثيرين قالوا يبيلك تدور العروض من اهل العمارات والاراضي الي لو انبعات من خلالك بيجيك نسبة طيبة

كيف اوصل لاهل العمارات
والا مجرد فتح المكتب بيجيبهم ؟
والا احط لوحة على باب المكتب نستقبل عروضكم ؟


وناس قالوا صلح لوحات جاهزة فيها اسم مكتبكم ورقمه وجوالك
يقولون علشان لو جاتكم عماير او اراضي يمديك تحط الاعلان عليها فورا


اتمنى من الاخوة الي خاضوا هالمجال او لهم خبرة فيه يعطوني نصايحهم وافكارهم


ميزة موقع المكتب انه وسط مدينة وحي معروف وفيه حركة اجانب ومواطنين وناس تسكن وناس تطلع وايضا فيه حركة بناء وتاجير واراضي


اتمنى لااحد يبخل علينا بالتوجيه والخبرة
او حتى لو كان هناك موضوع نزل بالمنتدى قديم فيه تقرير شامل عن مكاتب العقار

الله يرزقك ويوفقك ماحبيت ادخل وماارد

بالتوفيق يبي لك رد مفصل من واحد خبرة والاعضاء مابيقصروا معاك الله يجزاهم بالجنه

بالتوفيق يالغالي

[align=center]
الإرادة والعزيمة مطلوبة.. وانت عندك هذا الشي

إذا كُنت ذا رأيً فكن ذا عزيمةٍ.....فإن فساد الرأي أن تترددى.

شد حيلك والله يوفقك..بالتوفيق.,!
[/align]

مشرف. عقاري. فلل عمائر أتمنى لك التوفيق بس. لازم. اللوحات

[align=center]
السلام عليكم ..

سوق العقار سوق قوي جداً ودخله ممتاز جداً

بس بنصحك ؟؟

دائماً أجعل الفكره التقليديه غير تقليديه وغير طبيعيه


مكتب العقار لا يحتاج الا تلفزيون وانترنت لا تحتاج إلى واحد يتحرك ويتنقل

وأول ما تشوف واحد يبني تنقز بحلقه وتقوله انا اسوق الشقق وادير العماره

إذا ما لقيت صاحب الحلال تروح للعمال الموجودين بالموقع عندهم رقمه أو الحارس

مجرد ما تأجر احد العمائر تجديد العقد وإصدار عقد جديد بـ 500 ريال أو أقل ..

مكتب العقار يحتاج مظهر مرتب و أسلوب راقي و ضيافه .. أهتم في نظافة المكتب ورائحته


لا تفكر بالمكسب السريع لا فكر كيف تكسب العميل أصحاب العماير .. لا تضع أوراق على الباب تكتب فيه لا يوجد

أستقبل الجميع عزاب ومتزوجين .. وأحتسب الاجر ..

أستقبل جميع الطلبات وابحث عن عروض ولا تتوقف

ولا تعيش نفسك في حلم أبيع عقار بملايين .. تأكد ان الله كتب رزقك وبالتوفيق حبيبي


أخوك


المفكر التجاري


[/align]

اخوي سجل في موقع (عقار ستي للتسويق العقاري) موقع متخصص بالاراضي بيع وشراء وتمليك ومحل عقارات

وانت ماشي انا مسجلن فيه واستفدت منها كثير وعرفت الاسعار حلوه ماعلينا اتمنى تدخله لو بس تصفح وتستفيد

منه بشكل كبير ويعطيك معلومات تقدر تمسك السوق صح

متطلبات الترخيص تذهب للسجل التجاري والبلديه ويفيدونك بالظبط بكل بساطه
لاظن هناك شروط معينه سوي مساحه معينه للمكتب علي حسب كل بلديه
برنت خلو سوابق
اما بخصوص كيف تشتغل
المجال هذا يعتمد علي العلاقات حاول تبني علاقاتك وتحاول تكون جريء أي عماره بجوارك فاضيه حاول توصل للمالك
وتساله بكم الأيجار وان عندك ناس تريد تستاجر ثم اعرضها عندك ان قدم أي شخص للسؤال
مع مرور الوقت سوف تكتسب الخبره اللازمه للعمل في هذا المجال
لاكن صدقني بالدرجه الأولي يعتمد علي العلاقات الشخصيه علاقاتك ممكن تجيب لك بيعه ارض بخمسه مليون ريالا
تاخذ منها سعي 125الف مكسب في بيعه وحده هل تخيلت العلاقات وش تسوي

طيب وين موقع المكتب

شكرا لكم جميعا على هذه النصائح
وانتظر نصائح من اشخاص مارسوا او مازالوا يمارسون التسويق العقاري للاستفادة منهم ومن تجاربهم