25-03-2013, 11:50 PM
|
 |
عضو مميز
|
|
تاريخ التسجيل: Oct 2010
الدولة: في قلب بـنتي الله لا يحرمني منها....
المشاركات: 752
معدل تقييم المستوى: 238396
|
|
|
،، الا يالله لاتقطع رجـا داعيك يارحمـٰن،،
،
،
الا يالله لا تقطع رجا داعيك يارحمن
يا علاّم الامور الخافية والضيق والشده
على بابك واناشدك العفو يارب والغفران
وفيضٍ من عطاك ورحمةٍ ماهيب منرده
خذتني لوعة الوقت الصعيب مفرق الخلان
وقلبي ضامته سود الليال وبيحت سده
انادي بالوصال احيان وادعي بالفراق احيان
واخفي غايةٍ في داخل الوجدان منضده
احسب ان الخطا مردود والاحسان بالاحسان
واحسب الجرح يبرى والسنين تقصر المده
واحسب ان العهد بيتٍ قوى شامخ البنيان
عسير الوقت لو هد الجبال الصم ماهده
واحسب البعد تجفاه القلوب ويسكن الاوطان
واحسب ان المفارق يتعب المشتاق ويرده
واليا مريت يالصوت البعيد وجابك التحنان
معك قلبٍ يتوق ومعك قلبٍ مخلفٍ وده
تواعدني مواعيد السراب لخافق الضميان
و تتل الروح مني والنظر فدروبك الده
واجيك بخاطرٍ يشري رضاك بغالي الاثمان
وعنك والله اني ماعرف الهجران والصده
ابد ماكن به غيرك على وجه البلاد انسان
عليك الروح توله والنوايا معك منشده
الين ارخصتنى ياصاحبي فالموقف الخسران
وذقت الغدر منك بطعنة فالصدر ممتده
عسى ربي حسيبك كيف قلبي في يدينك هان
وانا مثل اليتيم اللي نثر دمعه على خده
خذاك الزود واعماك الغرور وجابك النقصان
تقول الحق ولا تنكره ولاّ تجي ضده
على ماتشتهي روّح ركابك والعذر له شان
مثل ماقيل كل يلبس ثيابه على قده
عسى لى منك مسـرا يقتفيه البعد والنسيان
وهجرٍ ماتجي له فالضلوع النايحة رده
وعسى قلبٍ يميل وينتزع لك داخل الوجدان
تمثناه الرماح النافذه فالصدر وتلده
،
،
|
العرض العادي
