السلام عليكم

ممكن تساعدوني يا شباب

ابغى اصير تاجر , ولكن ماني عارف وشلون ..

ودي ابيع واشتري او افتح لي مشروع ولكن ماعندي خبرة ولا خلفية

انا عاطل واشتغلت في كذا شركة ولكن ما اكمل فترة تجربة الا وانا طالع منها .. وعلى هالحال من سنتين , وقلت اشوف التجارة يمكن افلح فيها بدل الوظيفة

والله تعبت , ومحتار في امري وودي اشتغل في شيء استقر فيه واعمل به لنفسي
طبعا انا بالرياض ..

اذا عندكم شيء تنفعوني فيه ولو كلمة , الله يبارك فيكم

..

محلآت الجولآت

محلات الجوالات يمكن تحتاج راس مال
انا راس مالي 700 ريال في رصيدي ماعندي غيرها
الا اذا كنت ابغى اخذ دين

[align=center]التجارة بحر شاسع وتحتاج قبطان يتحمل الموج والعواصف إذا كنت لاتعرف تصنع قاربك بنفسك فلا يستطيع احد ان يصنعه لك

لاتطلب من أحد المساعده انت ساعد نفسك بنفسك في البداية لازم تكون عندك خلفية وشخصية تتغلب على الصعاب

من كلامك انك اشتغلت في كذا شركة وماكملت فترة التجربة أهم نصيحة لك من اخ محب طور نفسك بالقراءة وتعلم كيف تطور من نفسك أعرف كيف تستغل الفرص وكيف تواجه التحديات أبدأ بنفسك وطورها بعدها تجد كل ماتريد ,,,,

الخبرة لاتأتي بدون ممارسة الخبرة لاتأتي بدون محاولة إن كانت ناجحة استفدت وان كانت خاطئة تعلمت

تقبل تحياتي[/align]

السلام عليكم

هذه أرزاق مقسمه مو كل الناس تجار أو أغنياء ..سبحانه موزع الأرزاق

نصيحتي لك حاول تبحث لك عن عمل وتجتهد فيه ...ومع الأيام تكون جمعت مبلغ وتكون عندك خلفيه أكثر عن أمور البيع والشراء ...بتوفيق

طلع سيارة أجرة و شد الهمة. أو باص صغير انقل معلمات.

نصيحه بما إنك ماعندك خبره

توظف في المجال اللي تحب تكون تاجر فيه

مثلا ودك يصير عندك محل جوالات

توظف في محل جوالات وبأي راتب مع الممارسه راح تكسب خبره
وتستقل بنفسك بمحل خاص فيك
تكون عارف كل شي وفاهم السوق ..

مثلا ودك مقهى ( وأنا أشوف انه رائع ) توظف فيه وخوذ خبره
بعدين تستقل

يعني شوف نفسك وش تميل لأي مشروع وتحس انك راح تبدع فيه
وتوظف فيه اولا وخوذ خبره قبل تبدأ

بما انك ليس لديك رأس مال

انصحك تفكر في اللوموزين فيها خير ان شاء الله

كنت قبل اسبوع بالرياض وركبت مع شاب سعودي في لوموزين وحدثني كثيرا عن عمله واثنى عليه كثيراً


بالتوفيق

اشتغل بمحل لو كان المكسب قليل
ثم بعدين افتح لك مشروع خاص
التجارة حبة حبه
مافي شي يجي بسرررعه


والله يووفقك ويفتح لك باب الرزق

ولو تبي نفزع معك بشي حاضرين