مشورتكم في مشروع منزلي

ربي سهل دربي · #1 (**permalink**) 05-04-2013, 10:45 PM

السلام عليكم ورحمة الله وبركاته

لي فتره يدور في بالي مشروع منزلي , المشروع ماكان فبالي أبد
لين سويت حفلة لولدي وكآن كل شغل العلب والهدايا وتنظيم الحفله
من تصميمي وشغلي
ويوم شافوها المعازيم مره عجبتهم وكلهم يقولون لي اشتغلي
وكثيررر سمعت مدح
وحتى لما حطيت الصور فالواتس اب كثير سالوني وين مسويه الحفله
ومن وين الاغراض
فبدأ الموضوع يدور فراسي

أنا الحمدالله عندي خبره حلوه فالتصميم وسبق عملت في تصميم
مواقع الأنترنت والستايلات ودعم المنتديات وكان عندي موقع شخصي
لكن تركت هالمشروع لما تزوجت لأنه كان يآخذ الكثير من وقتي على الاب توب
وكان يجيني منه دخل مايستاهل التعب بحدود 1000 إلى 2000 شهريا

ذلحين أفكر في مشروع تنسيق الحفلات وتصميم علب هدايا
وتصميم دفاتر ونوتات واوراق وهالاشياء

المنطقه اللي راح يكون فيها المشروع المنطقه الغربيه

أول سؤال : هالمشروع تشوفونه ناجح ؟
ثاني سؤال : وش أقتراحتكم وخبرتكم ؟
ثالث سؤال : أبغى أتعامل مع مكتبه تطبعلي الدفاتر والنوت
بسعر حلو علشان تكون لي فايده انا بعد مين يعرف مكتبه توفرلي هالشي
في الطائف او جدة ؟
رابع سؤال : اذا بديت ودخلت شي حلو ودي اتعامل مع موقع صيني
أطلب منه علب الهدايا والأكياس والهدايا التذكاريه ؟ في أحد يقدر يفيدني بهالشي ؟
خامس سؤال : مستقبلا أقدر أتعامل مع مكاتب تبيع النوت والدفاتر بنسبه ؟

وأخيراً .. اللهم إني لا أحسن التدبير فدبر أموري ..

بداية النجاح · #2 (**permalink**) 05-04-2013, 11:56 PM

مشروع حلو الله يوفقك ان بعد احب هالمجال وعندي رغب اعمل فيه

ربي سهل دربي · #3 (**permalink**) 07-04-2013, 02:21 AM

لازلت محتاجه اراء واجوبه على اسئلتي
ياليت الل يعرف مايبخل علي
ماودي ابدى مشروع مو دارسه خطواته مضبوط

وش أختار · #4 (**permalink**) 07-04-2013, 03:46 AM

تعاملي مع محلات هدايا واعرضي عندهم
إما تبيعين لها بالجمله أو تعرضينها عندهم ولو انباعت لهم نسبة ..
وبالنسبة للمطبعة اللي بتطبع النوت والدفاتر
أنصحك تروحين لمنتدى اكتبي في قوقل ( المنتدى الطباعي العربي )
ادخلي هناك واسألي واطلبي من يقدر يطبع لي بأقل الأسعار
وهناك راح تلاقين أهل المطابع ..

هذا اللي قدرت افيدك فيه
أتمنى لك التوفيق

ربي سهل دربي · #5 (**permalink**) 07-04-2013, 07:21 AM

اقتباس:

المشاركة الأصلية كتبت بواسطة وش أختار

تعاملي مع محلات هدايا واعرضي عندهم
إما تبيعين لها بالجمله أو تعرضينها عندهم ولو انباعت لهم نسبة ..
وبالنسبة للمطبعة اللي بتطبع النوت والدفاتر
أنصحك تروحين لمنتدى اكتبي في قوقل ( المنتدى الطباعي العربي )
ادخلي هناك واسألي واطلبي من يقدر يطبع لي بأقل الأسعار
وهناك راح تلاقين أهل المطابع ..

هذا اللي قدرت افيدك فيه
أتمنى لك التوفيق

شكرا شكرا شكرا
الله يجزاك خير ماتصدق قد ايش افدتني
اول مره اسمع بهالمنتدى دخلته ذلحين مره مفيد

ام حنان ولمى · #6 (**permalink**) 07-04-2013, 08:37 PM

بالتوفيق------------

طهر النور · #7 (**permalink**) 07-04-2013, 09:14 PM

اقدر افيدك بخصوص الموقع الصيني اذا حبيتي حددي طلبك بالظبط وارسليه لي وبالتووفيق

أم أولادي · #8 (**permalink**) 08-04-2013, 08:15 AM

بالتوفيق

bigheart · #9 (**permalink**) 10-04-2013, 03:03 AM

اقتباس:

المشاركة الأصلية كتبت بواسطة ربي سهل دربي

رابع سؤال : اذا بديت ودخلت شي حلو ودي اتعامل مع موقع صيني
أطلب منه علب الهدايا والأكياس والهدايا التذكاريه ؟ في أحد يقدر يفيدني بهالشي ؟
..

أختي الله يوفقك وييسر أمرك صراحه المشروع ذا عاجبني من زمان لاكن أفتقد لأهم شيئ فيه ألا وهو التصميم لاكن الحمد لله على كل حال

بالنسبة لسؤالك الرابع أنا ممكن أوفر لك أي شيئ تبينه من الصين بالطلب عن طريق الأنترنت ولي خبرتي في ذا المجال