السلام عليكم
يعطيكم العافيه
اخواني اخواتي اصحاب الخبرة
انا لدي مشكله ولا ادري الى اين اذهب كي اخذ حقي من الموسسه الظالمه
اولا
ابدء بمشكلتي وهي كانو يتاخرو على في تسليم الراتب تاخير فضيع ومن بعد ما خجلو على حالهم وشافوني اطالب بحقي من بعد مضي شهرين قالو لي لاتجي لانه مافيه شغل واحنا بننقل الى مكتب جديد بلعلم كنت البنت الوحيدة في تلك الموسسه ومعاي شابين من جنسيه عربيه
المهم اخر راتب استلمته منهم قبل لايقولو لا تجي هو شهر 10 انقليزي وظلو يماطلو ويحقرو واتصل مايردو ارسل مسجات نفس شئ لين ماهددتهم بمكتب العمل قالو لي تعالي دوامي هذا الكلام متى نهايه شهر 2 المهم رحت 3 ايام ماشفتهم تحركو سحبت عليهم ولا رحت وقعت اتصل في المدير وارسل له مسجات لين ماجا شهر 3 عطوني شيك من غير رصيد المهم بعد تهديدات انصرف الشيك ولاكنهم ماعطوني رواتبي كامله عطوني حق 3 اشهر بس المهم باقي لي راتب شهر وغير كذا لغو عقدي معاهم من راسهم بلعلم انه مافيه اي انذار ضددي بحجه انه هناك خلاف بين المدير والمالك والضحيه اني
فا الحين اني كلمت المدير يرميني ع المحاسب المحاسب يرميني ع المدير وهكذا لين مارموني ع المالك للموسسه واني في عمري وحياتي ماشفته ولا سمعت حتي صوته قلت ليهم اعطوني رقمه بطالب بحقي مارضيو لين ماصارو مااحد يرد على من هلموسسه
الحين اني بشكوتي وين اروح ؟؟؟؟؟
اتمن تساعدوني
والف شكرا ليكم مقدما

حالتي نفس حالتك حسبي الله ونعم الوكيل بكل صلاة احتسب حقي عند الله

حسبي الله ع الظالم

لا بارك الله فيهم والفكه من امثالهم غنيمه

ألف شكر لك
ادري غنيمه بس حقوقنا

بس لحظه يعني أنتي الحين باقي لك راتب شهر عندهم
2- الغو عقدك بدون أي أشعار لك


الحين أنتي راح تشتكين بخصوص الراتب الباقي

والغاء العقد بدون علمك


على كل حال الفكه من الأشكال هاذي غنيمه


المهم تبلغيهم بأنهم لو مايعطوك راتبك راح تتوجهي لمكتب العمل

ولو صار مافيه تجاوب منهم


توجهي لمكتب العمل وتقدمي بشكوى ضدهم خطاب تكتبين فيه كل الي صار معك

وتطالبين براتبك وبشهادة الخبره وأسقاط أسمك من التأمينات ومكتب العمل


وبصراحه كان تحركتي من بدري من أول ماصرو يتأخرون عليك برواتب وأه لو تحركتي ومعاك الشيك الي

بدون رصيد كان بروسهم على طول

واضح من لهجتك انك انتي بعد اجنبية والظاهر سورية او فلسطينة

يعطيك ألف عافيه عزيزي وراء
اي هم يوم شافوني أطالبهم قامو يغلقو الباب الخارجي ولمن اتصل ليهم ما احد يرد وإذا وصلت وصلت البيت يرسلون لي مسجات وصار ليهم كم يوم ع هلحال لين حاصرت ما أروح قالو لي إحنا بنرتب المكان وبخليك تدوامي ولحد يومك ما أشوفهم كلموني
هم ماسجلوني في شي يعني بس وقعت معاهم العقد ولا سجلوني في شي
أخي أطير انا سعودية

اي اثاتات عندك روحي فيها قسم الشكاوي بمكتب العمل

خلي أحد من أهلك يدخل على صاحب هالمؤسسة ويقوله هالراتب في "ذمتك" يوم القيامة ..
أو انتي ادخلي عليه وروحي له وقولي له باقي لي عندكم راتب وترى لو ماجاني فهو في ذمتك يوم القيامة ,
وعطيه صورة من رقم حسابك في البنك وأطلعي من عنده
وروحي مع احد من اهلك لمكتب العمل وأستفسري من هالشيء وهم بيفيدونك
فيه هيئة تسوية الخلافات العمالية , في وزارة العمل او مكتب العمل
خذي صورة العقد وجميع الاوراق اللي عندك وروحي لهم وقولي مشكلتك لهم , وهم بيساعدونك بخصوص هالمشكلة
وبإذن الله بيجيك حقك

وأنا اشوف خصوصاً مع هالشركات والمؤسسات انك تكونين قوية ولك هيبة معهم ولا تخافين منهم ما دمتي متوكله على الله عز وجل

ادخلي على صاحب هالمؤسسة وقولي له ترى في ذمتك هالراتب ان ما جاني فبيني وبينك الله عز وجل في يوم القيامة , وارمي في وجهه رقم حسابك وقولي له حول المبلغ .. وأطلعي من عنده وأنتي واثقة بأن الله لا يضيع حق من حقوق العباد .

وازعجيهم بالاتصالات كل يوم الى ان يملون منك ولا تيأسين ابداً , وتذكري : لا يضيع حق وراه مطالب .
خلك يومياً تدقين عليهم من محاسب لمدير لصاحب المؤسسة الين ما تاخذين حقك غصبن عنهم

وصدقيني ما ينفع معهم غير العين الحمراء وأخذ الحق بالقوة ..

واقول هالكلام من تجربه مريرة مع هالشركات , وأكل حقوق العمال والموظفين وقت الخروج

ونصيحة لك لوجه الله عز وجل , لا تشتغلين في شغل فيه اختلاط , وتذكري أن من ترك لله شيئا عوضه الله خيراً منه
والرزق اولا وأخيراً بيد الله عز وجل , ماهو في يد عباده انما هم اسباب لا اكثر .
وتحري المجالات اللي ما يكون فيها اختلاط , وتكون ادارتها بالكامل نسائية .

بالتوفيق لك ,