بسم الله الرحيم وبه نستعين
السلام عليكم يعطيكم العافيه الموضوع بختصار
اخوي يبي يتزوج وهو موظف بشركه قطاع خاص وراتبه تقريبا 3700 ريال الشقه موجودة ولله الحمد بس المشكله الله يهداه له سنه موظف ولا معه ريال واحد،،، ويبي يتزوج ،،،، وكل ما الوالدة الله يحفظها تبي تخطب له وتكلم له الناس كلهم يطلبون المهر قبل كتب كتابه،،
وانا وضعي مثله موظف قطاع خاص وراتبي محدود ماينفع اخذ قرض او شي ماتتوافق شروطهم علي،،، وبنك التسليف مايعطي الا لين تجيب عقد الزواج وكفيل موظف حكومي،،، وصراحه لنا فترة ومحتارين انا والوالدةوش الحل للمشكلة ذي،،، طبعا الوالد متوفي الله يرحمه،،، والجماعه ماحولك احد،، نفسي نفسي واصلا شبه منقرضين،،، مابقى احد واللي نخطب منهم اغلبهم من قبيله ثانيه ،،،، واغلبهم مصرين المهر قبل العقد،،، فاياليت تدلوني على طريقه او حل نقدر ندبر مبلغ 40الف ريال مهر ،،، وفيه كافة الضمانات لو تعرفون موسسه او جهة تمول ماعندي مشكله نجيب كفيل حكومي ،،، والله يكتب لكم ولي التوفيق

الله يسهل امورك وتفرحوا فيه
للاسف ماعندي خلفية

انا واجهت نفس المشكله لما كنت بالقطاع الخاص
ودي اشتري سياره يرفض البنك وترفض الشركه تحويل راتبي

الحمد لله انا سمعت ان بنك انماء يعطي قرض بدون تحويل الراتب
يعني يقدر ياخذ من انماء وهو في نفس البنك حقهـ
خليه يروح ويسئلهم ان شاء الله يعطونهـ

الله يسهل اموره وتفرحوا فيهـ

الله يسعدكم ويعطيكم العافيه مشكوريين على الافادة

الله يسهل ي رب

أكثروا من الإستغفار