السلام عليكم انا موظف في شركة قطاع خاص و راتبي 3500 والشركة تتعامل مع بنك الراجحي الي هو حسابي في الراجحي هل يسمحون لي باخذ قرض ؟ وكم يكون القرض ؟ لان ناوي اتزوج ماصار لي 15 يوم متوظف .. ارجو الرد من اهل الخبرة وشكرا

مع العلم الشركة بيسجلوني في التامينات بس الى الحين ما اتسجلت لان الموقع فيه مشكلة .. يعني مع التامينات بيكون كم راتبي بالظبط ؟

إذا انك موظف خاص بعد سنه من التعين ونصيحة أبعد عن القروض

الله يرزقك يارب ويسهل .. اخوي ليه مستعجل ع الزواج صدق هو تكمل نص دينك بس قرض بزواج يبقى م راتبك 2000 وعليها ولا راح تكفيك مصاريف نهاية الشهر ..

نصيحتي لك اخذ قرض راح يعطونك حول الـ45 وافتح لك محل تترزق فيه ولاتفتح بالـ45 كامله ربما المشروع يكون اقل خضار فواكه تمور او تمور لحاله وصدقني م يجي نهاية الشهر الا معاك 20 الف بالراحه ويمكن بعد تفصل عن عملك وتتفرغ لمشروعك هذا وتحط لك احد فيه وانت ابد اداره وارباح وتتزوج وضامن الـ20 الف

مو 2000 كل شهر بعد القرض ..!

لاتستعجل العبها صح حبه حبه ي اخوي ..

موفق ي رب

الفريق اول ليه ابعد عن القروض من الصعب السعودي يتزوج بدون ماياخذ قرض ؟ انا مخطط زواجي يكون بعد سنه من الان يعني بالعطلة الكبيرة لعام 1434

اخوي بقلك شي انا مافي بنك ماجربته ،،، اذا شركة معتمدة عندهم لابد سنة تكون مدة عملك ،،، وثاني شي القرض اضرب راتبك في 18 وشوف مثلا:18في 3500،،،،، بس لو تبي نصيحتي القرض مرض ،،، يقعد معاك لاخر عمرك،،،، شف لك جمعيه اصرف لك،،، وعلى فكرة لو عندك واسطه في بنك كل شي يصير مسموح ،،،

أتمنى ماتكون ملكت وبعدين كم عمرك ترى الزواج مسؤلية وأهم شي يكون معك بيت ملك لأنه 3500ماتكفي تتستاجرر شقه ومصاريف وغيرها نصيحتي لك خلك في الوظيفه أدخل معهد انجليزي وحاسب وتعلم لا تقول مافي راسي تعليم بتكون دلخ

لا ما ملكت بس على وشك خطبة قريبا ان شاء الله والعمر 24 سنة بس بيت ملك ابطي عظم من وين لي ملايين بالعكس راضي ومقتنع بالايجار السنوي شسوي .. وبخصوص الزواج بدرري لاوالله مو بدري تعبنا دق نجر ههههه ونبي نستقر يا اخوي

احمد بطي 3500 اضربها في 18 يعني = 63000 شي ممتاز اذا انت تقصد في سنه ونص القرض مدته