السلام عليكم ورحمة الله وبركاته انا اخوكم عبدالله من الرياض وانا متابع للمنتدى من زفترة بس هذي اول مشاركة لي واتمنى تفيدوني لاني في حالة مايعلم بها الا الله ي اخوان جزاكم الله انا رجال في ثالث ثانوي ووضعي في الدراسة مش ولا بد وانا محتار الحين اللي يقول كمل جامعة وش تبي بالعسكرية واللي يقول منت راعي دراسه واللي يقول خش تقنية وخذ وكيل رقيب واللي يقول شد حيلك وتدخل الكليات العسكرية وانا الضحية الاول والاخير بعدين لو تلاحظون انا الوحيد اللي بين اخواني ماني شاد حيلي يعني ماشاء الله اخواني واحد في وزارةالتربية والتعليم والثاني مدرس والثالث على وش تخرج من الكلية الحربية جامعيين يعني وضعي بيكون صعب بينهم فالذلك ابيكم تنصحوني وش اسوي بعد التخرج وهل كليات وزارة الدفاع فيها واسطات فعلا وقالوا ان البحرية ما فيهاواسطات ايه ونسيت اقولكم وناس قالوا بي خش معهد الدراسات النفسية والله ضعت بالطاسه تكفووون ي جماعة الخير ساعدوني واسف على الاطالة

استخير الله ورح تعرف الحل ان شاء الله والله يكتب لك اللي فيه الخير

بس ي اخوك م خاب من استشار

شوري وانا اخوك مقلت لنا النسبه والطول قول نسبتك وطولك وابشر با الي يفيدك

السسلام عليكم


إولا إخوي إستخير الله قبل كل شيء


ثاني شيء من وجهه نظري المتواضعه


إذا طولك فوق 168 إو 170 و وزنك حلو وما عندك إمراض وراثيهه

ف إنصحك لو إنك مستعجل على الدنيا وتبي زواج ؤكذا ، توظف ف إحد قطاعات
وزارة الداخليهه ، مثل الأمن العام ، السجون ، المباحث ب رتبة جندي .


إما لو إنك ودك تصبر ؤمنت مستعجل و ودك تدخل العسكريه ب رتبه عاليهه

ف إدخل إحد الكليات العسكريه ؤلا تشيل هم الواسطه إذا طولك ونسبتك فوق آل90 راح تتيسر بإذن الله


إما لو نسبتك ما تساعد


ف الخيار الأخير تدخل التقنية وتختار تخصص زين

وتقدم ب قطاعات الداخليهه لو طولك زين ؤتإخذ لك وكيل رقيب إو عريف حسب القطاع

ؤلو طولك مو زين ؤإنت مإخذ التقنية قدم على البحريه إو البريه ،إو الدفاع الجوي » وفيها تخصصات على فكره
رواتبها إعلى من رواتب الداخليهه مثل الاستخبارات ف البريه والشرطه العسكريه
والشرطه العسكريه ف البحريه


# لو تذكر بياناتك من طول ونسبه راح نفيدك إكثر


تمنياتي لك بالتوفيق ، دعواتك

السسلام عليكم

إولا إخوي إستخير الله قبل كل شيء

وجهة نظري .. لو كنت بالثانوية وسنك صغير 17 أو 18 ... ترى باقي صغير .!
وانصحك تكمل دراسة .. أحسن لك

والوضع معآك والله بخيير اخوان شغالين والحمدلله وهذا اكبر نعمة
يساعدونك أكثر من كونهم عاطلين بس موظفين والحمدلله وان شاء الله يدعمونك
علشان تكمل دراسة .. لا تقول وضعي صعب علشان انهم موظفين وانت عاطل
بالعكس راح يساندوك ويساعدوك وتكمل دراسة ولو طولك حلو وما فيك اي شي

كمل جامعة وحاول تشد حيلك شوي أو بعد الثانوية تدخل تقنية
بس اشوف لك تكمل دراستك وتجيب معدل حلو وتنتظر تعين كمدرس أحسن من عسكرية
او إنك تكمل جامعة وتدخل كلية الضباط او ما شابه

معي ولد اختي ما شاء الله هاللحين السنة الثانية بالجاملة توه صغير
طوله 178 تقريبا ووزنك تقريبا 75 وفوق يعني حدود 80
ومعدله ممتاز ما شاء الله عليه تخصص كيمياء
بيكمل دراسة عمره تقريبا ما دخل في العشرنيات
ويبي يدخل كلية الضباط ربي يوفقه ان شاء الله ويرزقة ويفتح بوجهة كل خير يا رب
يملك طموح معه طموح
وانت حاول يكون لك طموح أحسن من إنك تدخل عسكرية بثانوية جندي .!
صحيح انا هاللحين ابلغ من العمر 25 عاماً ومعي ثانوية عامة بنسبة 81.83
وشهادة حاسب آلي 6 شهور معتمدة
ومقدم ع الامن العام ومخلص كل شي والحمدلله ومنتظر الفرز
ومن قبلها تركت وظيفة بحرس الحدود كان دورتي بشهر 3 بيوم 14 في جدة
وتركتها علشان الامن العام بصراحة .. وهاللحين قدمت بالطوارئ والحمدلله اخذوني
وعندي يوم الاثنين الجاي اختبار لايقة بكمل اوراقي فيها
ان نزل اسمي بالامن العام تركت الطوارئ اما ما نزل اسمي وقدر الله عليه ما ينزل اسمي ونحمد الله على كل حال
بكمل اوراقي بالطوارئ والله يوفق الجميع ..

ان شاء الله تاخذ فكره من كلامي وربي يوفقك

الله لا يحرمكم الاجر ي النشاما

طولي سلمكم الله 177 ونسبتي اتوقع 82 حولها والقدرات 75 رايكم الله يزرقكم من فضله

الله يرزق كل من رد على وخفف من همي جنة عرضها السموات والارض

طيب ي النشاما الكلية البحرية م يمديها ماعندي واسطه الا ربي