السلام عليكم. ان شاء الله الجميع يكون بافضل صحه
ياشباب احتاج مساعدتكم وارائكم . انا انسان حركي من الدرجه الاولى واحب انواع الرياضه كلها الا الكوره كان ودي اروح العسكريه بعد الثانوي ولكن اللي حولي اقنعوني اني اطلع ادرس برا "امريكا" وهذا انا على وجه التخرج ان شاء الله تخصصي هندسة كمبيوتر وبرضو باقي ودي ادخل عسكريه. الصراحه مليت صحيح المعدل وضعه بالسليم ولله الحمد ولكن ماابي ارجع واشتغل بدعم فني او برمجه التخصص ولله الحمد فاهمه من الى وبمرتبة الشرف ولكن احس اني تشبعت من امور وسوالف الكمبيوتر لدرجة اني مليت منه !!

انا جسمانيا: طول اشطف الـ172 سم وزن 73 نسبة ونسبة الدهون 10% وهي النسبه المثاليه 100% لمن هم بعمري<<العب حديد لمدة ثلاث سنوات متقطعه اخر سنه شبه مستمر ،
العب boxing "ملاكمه" لي اكثر من ٦ سنوات متقطعه ،
دورات اخذتها من امريكا Thai boxing "الملاكمه التايلنديه"
، دورات martial arts and self defense "فنون القتال والدفاع عن النفس"
مثلا Filipino Martial arts -Inosanto method وهي فنون القتال الفلبينيه من مدرسه روسيه، تسببت لي بكسر "شعر" بيدي قبل تقريبا اربع سنوات! جزء من هذا الفن تتعلم فيه كيف تتصرف اذا جاك شخص معه سكين او سيف او حتى مسدس مع شخص قريب وانت bara-hands او يعني مامعك شي غير يدينك!!
وبرضو عندي شهادة احتراف skydiving "قفز مظلي" مع احترافية التحكم بالجسم!
وناوي ان شاء الله اذا لقيت وقت اخذ دوره اسعافات اوليه!

زبدة كلامي اني ماني راعي جلسة كمبيوتر وخربطه فاللي ودي اسأل انا ودي ادخل قطاع عسكري كاضابط ولكن ودي اعرف ايش هي اقوى القطاعات العسكريه؟ اقصد باقوى قطاع مايهمني الراتب او الراحه ابي قطاع يكون مهم بالدوله وفيه دورات وابي فيه كررررف وميداني اهم شي مافيه حاسب وقعده انا لي صاحبي ملازم اول بالحرس خذا الصاعقه وصار بعدها كل فتره يطلع دوره لامريكا دورات ست شهور وثمان شهور غير الدورات الداخيله ، انا ابي شي زي كذا سمعت ان المارينز او البحريه قويه وعندهم دورة الضفادع البشريه <<انا ابي شي زي كذا بس ما احب السباحه مره! وبرضو سمعت ان القوات الخاصه عندهم تدريب جااامد ، وفي شغله سمعت عنها اسم بس بدون معلومات وهي الانتربول السعوديه وحتى سآلت والد واحد من العيال لواء "مباحث" يقول مااعرف عنهم كثير بس اكثر من مره يتعامل معهم بخصوص امور واوراق عن مشاكل "ماليه" !!

المشكله اللي اوجهها الان هي المكان انا من الشرقيه وودي اتوظف فيها او اقل شي في الرياض !

الخيارات اللي سمعتها
-اتوظف وظيفه مدنيه كم سنه واذا ماعجبني الوضع ادخل عسكريه
-ادخل دورة الضباط المتفوقين <<بس هذولا بيحطوني بمركز المعلومات

اخيرا شفوني كتبت موضوع وطولت السالفه عاد لاتسحبون علي وخلوني اسمع ارائكم ، اي رأي مرحب به

والله يهدي لسواء السبيل

شف وانا اخوك اذا تبي عسكرية رح كلية الملك فهد الامنية تتخرج ضابط والله يوفقك
بس المدنية راحة وبدون وجع راس

الله يوفقك

ماشاء الله عليك عندك دورات حلوة
وبعدين طولك ووزنك ممتاز
قدم في الامنية
ووبالتوفيق لك

اللي وده يعرف عن فن القتال الفلبيني يتابع هذا الفيديو ، طبعا هو فن معتمد على مستوى الجيوش العسكريه وكثير دول تلزم الضباط بتعلمه! وفيه اكثر من ٢٧ نوع او على الاقل اللي سمعت عنه!

http://

اخوي فكككر مو ابو سنه وسنتين قدام فكر بعشر او 15 سنه قدام والله شخصيا يقربولي ناس مهندسين بالقوات الجويةة وربي عاضين اصابع الندم يقول ناس ادج منا بالمعدل راحو مصلحة المياه ويستلمون ع 40 الاف وحكومي وحنا ي العسكريةةة تحت العشرين يقلون ماحسينا فيها الايوم بغينا نتزوججج
وفكر باالاجازات وانا اخوككك فكككككر زينننن للاتخططي خطوة بعدين تندمم

والله أنك حمستني الله يوفقك

الطواري تصلحلك

طابور صباحي ودورات ومداهمات وعلى كيفك

من رتبة جندي إلى أخر رتبة

افادوك الاخوان يا غالي با التوووووفيق لك

بتوفيق ..

بس مدري يا اخي احس الدورات الي انتا اخذهااا ماشاءالله تبارك الله
ماراح يستفيد منها غيرك انتا بس

ولا هنا وش يعرفهم انتا جاي من امريكا تري الوضع ما تغير عندنا حنا مثل ما حنا ولاشي راح يغيرنا هعع

الكلية الامنية خلاص على الابواب ،،، بعد اختبارات طلاب الجامعه بأسبوع او اسبوعين ،،،


قدم عليهم والله يوفقك وان شاء الله تنقبل نهائي ،،،


وش حلاتها العسكرية وضابط بعد ،،، يصير لقبك ضابط مهندس


الله يوفقك

يعطيكم الف عافيه جميعا على الردود والله يوفق الجميع وبما اني اصلا ماني صاحب هالعضويه فا مااقدر ارد على الكل!

اقتباس:

المشاركة الأصلية كتبت بواسطة راحل من الدنيا والله أنك حمستني الله يوفقك الطواري تصلحلك طابور صباحي ودورات ومداهمات وعلى كيفك من رتبة جندي إلى أخر رتبة