السلام عليكم ورحمه الله وبركاته

موضوعي ياجماعة الخير اني وقعت عقد في شركة يوم الخميس موظفتني عن طريق الموارد البشرية (العقد الي وقعت علية من الموارد البشرية )

المهم

1-مسمى الوظيفة مهندس لاكن الوظفية اصلا فني والراتب حق فني
2-الدوام قالولي 8ساعات مع الراحة اكتشفت انو 9ساعات مع الراحة من 7 الى 4 العصر
3- الخميس قالوا نص دوام وايضا اكتشفت انو دوام كامل

الان هل بإمكاني اترك العمل ومايضرني شيء خصوصا وانهم سجلوني في الـتأمينات والموارد البشرية يوم الخميس امس كان العقد ولسه مادومت بكرة اول يوم لاكن الدوام مره ماهو مخارجني خصوصا ان الشركة تبعد عني مشوار 45 دقيقة
..................................................
القصة بالتفصيل

دقوا علي الاربعاء الي راح قالولي فك حساب قلت ورني العقد اول قال مو مشكلة فك حساب قلت طيب فكيت الحساب وتاخرت في البنك قالولي تعال الخميس جيت الخميس طلعلي العقد مو مكتوب فية ولاشيء قلت هاته باقراه المهم خلصت منه (الكلام الي فية عام جدا ومافي شروط للشركة ) قال تمام قلت والدوام قال تعرفة بعدين قلت مو مشكلة ووقعت (هم من اول شرحولي من 3شهور وقت المقابلة الشخصية 8ساعات مع الراحة الخميس نص دوام وغالبا راح نخلية اجازة)

خلصت سوا ورقة المباشرة وقالي خلاص جيبها معاك السبت قلت والدواااااااام
قال دق على رئيس الورشة دقيت قال من 7 الى 4 انا ضغطي ارتفع هنا وماني عارف وش اسوي المشكلة


طبعا قبل كل شيء اعرف انو خطأ خطئي اني وقعت لاكن المسؤول الي هو المدير اعرفة شخصيا ومن اصحابي لاكن علاقتي ضعيفة معاه شوي وانحرجت منه ووقعت هو اداري مايدري عن الورش كيف شغلها في الشركة وافتاني في الدوام وطلع الكلام ماهو مثل ماقال وفوق هذا كل يقلولي ماتروح من عندنا من زين الراتب ولا الوظيفة

والله اني محتاج الخبرة لاكن احسهم ذلوني وماباليد حيلة