11-05-2013, 07:46 AM
|
 |
عضو ماسي
|
|
تاريخ التسجيل: Mar 2013
الدولة: المدينة المنورة
المشاركات: 1,533
معدل تقييم المستوى: 9944469
|
|
اسمع وانا اخوك ابوك مابيده شي،،، محد يكره الخير لعياله،، ماراح تعرف قيمة الاب وش كثر شايل من هم وماكل الا لا سمح الله بعد عمر طويل،،حنا من ابوي مات حسينا اننا فقدنا كل شي الله يرحمه، وعلى فكرة الشغل مو عيب،، انا اشتغلت بمحل هدايا وبمحل ملابس وبمحل اكسسورات،،، وتوصيل مشاوير ماخليت شي لين ربي اكرمني بوظيفة ابرك منها بشركة كمبيوتر واجهزة امنية،،، بديت بياع اشيل واحط واتحمل اهانة الاجانب والزباين والكلام الجارح من الاقارب والناس عشان بس اعيش بكرامتي ومن حر مالي واصرف على نفسي بنفسي وبكيفي واستمريت بشغلي واخذت دورات على حسابي دورة ادارة ودورة حاسب،،، لين ربي اكرمني وصاحبة الشركة عينتني مدير المبيعات بعد 3سنين وماقصرت قالت لي ماراح اسجلك بالتامينات عشان تستفيد من حافز او تسجل اسمك عند احد نظام سعودة عشان تزيد دخلك والله جاتني كل الامور هاذي بدون سبب وبدون تفكير وبدون ماحسب حسابها كذا من ربي فتحها علي يارب لك الحمد بس يبيلك تخلص نيتك لله وابوك وامك وخواتك تراعيهم بالله وتسعدهم،،،،، وصلاتك ،،ياما ناس اشتغلوا اخس الشغلات واحقرها واقلها بس بغمضة عين ماشالله تلقى له اسم وكيان،،، لاتحاول تبدا من فوق لازم تتعب عشان تكسب بس خل عندك طموح واترك عنك التعالي والتكابر والاستحقار وهذا زين وهذا مو زين ،،،، اصلا انت كيف تبي ربي يوفقك وانت ماخليت ولابيقت في والدك الله يحفظه،،، ابوك لو يذبحك يحقله لانه ابوك اكسب رضاه قبل تندم وانا اخوك،،، انزل روح دور وظايف قطاع خاص،،، اربع الاف وثلاث الاف تعيش منها ،،، ياخي اشتغل سنه بوظيفه راتبها 4الاف يطله معك 48الف ريال اخصم منها 8الاف مصروفك خلال سنة ،،، تبقى معك اربعين الف رح اخطب فيها بنت الحلال وعطها مهرها 35 الف والباقي اكشخ والبس وظبط امورك منها وقل لاهلك واهلها الزواج بعد سنة لااحد يناقش ولااحد يحاول ،،وخذ عقد النكاح على بنك التسليف وخذ 45الف وعلى المعارض
،،، ورح اشتر سيارة جمس نظيف ورح وصل معلمات الوحدة تعطيك اقل شي الف وخمسمية،،، يعني اذا هن سبع يطلع لك بالشهر عشرة الاف وخمس مية!!!!! يعني بالسنة مية وعشرين الف،،، بيدك ،، اخصم عشرين الف مصاريف زيت وكفرات خلال السنة تبقى بيدك مية الف 100الف ريال،،، وسيارة ،،، وقبل توصل معلمات رح شيل اسمك من التامينات ،،، ورح لواحد ثقه قله سجلني بوظيفه بدون شغل يعني سعودة واخذ عن اسمك 1500 ريال طبعا تتفق مع راعي الشركة عشان تكون فلوسك حلال،،، ويحق لك تسجل بوظفتين قطاع خاص يعنتي 3الاف ريال بحسابك من هالشي ذا،، تتحول على رصيدك كل اخر شهر،،،، مية الف +ست وثلاثين الف راتبك من اسمك= 136الف رريال
صلح منها زواجك بنصها والنص الثاني افتح مشروع حلو او عمر شقه بنفس بيت جدك تسكن فيها
صدقني ورب البيت مو صعب ابدا لاتقول يوووه سنة مشوار مالك شغل ولاتتشرط صدقني تعدي السنه تقل حلم او برق،،،
اهم شي صل وسبح وادع ربي والقرءان مو مخليه من رمضان لرمضان ،،،، وربي يفرجها من عنده
،، انا من قلت الكلام ذا كله مو عشان اعطيك انجازاتي او سيرتي الذاتية ،، لا صدقني بس حبيت اقولك الامور كلها بيدك ولاتستحقر الاشياء مهما كان حجمها،،،مو عيب تشتغل بمحل او مستوصف خاص او او او،،، لين ربي يجيب لك وظيفه حكومي،، انا اقسم بالله شهادتي متوسطة،،، وعمري 26 سنة،، ضيعت الدراسة واهملتها وقاعد اكمل انتساب بس عشان اطور نفسي والقى شي احسن،، لاتوقف ولاتتحطم كل شي بيد الله،، امسك صلاتك وبر والدينك وصدقني تنتفتح الحياه قدامك بدون سبب وبسرعة،،، والله لو معك شهادات العالم كله وانت مقصر بصلاة ورضا والدينك ماتشم السعادة والرزق لو تفحط سنين ،،،، هذا كلامي واذا ماعجبك البلا منك مو من ابوك
التعديل الأخير تم بواسطة احمد بطي ; 11-05-2013 الساعة 08:12 AM
|
العرض العادي
