[align=right]السلام عليكم ورحمة الله وبركاته

كيفكم اخواني إن شاء الله بخير ؟! المهم قاعد أفكر بمشروع واستقريت على فكرة حلوة
وهي تجميع أشياء مخصوصة في سي دي وأطبع غلاف للسي دي ...وأسوي منه نسخ كثيرة
وأبدأ بتسويقه .. أكيد المسألة يبغى لها وقت وشغل وتعب ومرمطة لكن قدها وقدود ان شاء الله

لكن أبغى آرائكم واقتراحاتكم لأني محتار اش الأفضل .. يعني للسي دي

1- تجميع صور ديكورات منازل وغرف نوم من إلى

2- تجميع مقاطع فيديو يعني مكتبة وثائقية منوّعة

3- تجميع كتب علمية وتلاوات مشايخ ومحاضرات واناشيد اسلامية

4- تجميع روايات بوليسية ودراما وقصص رومنسية

5- تجميع مقاطع رياضية متنوعة لجميع الدوراي العالمية

بصراحة محتار لكن متحمس لرقم 1 ورقم 3 وابغى آرائكم واقتراحاتكم للمشروع
وايضاً كيف استطيع تسويق السي دي بإذن الله وما هي المعوّقات في عمل السي دي
لأني أبغى أطبع غلاف موّحد واشوف مبرمج يمنع السي دي من النسخ ما هي التكلفة؟

وشكراً[/align]

الله يوفقك ويرزقك من واسع فضله

لكن أنا أصوت ل 1

و2 لدي اضافة عليه إنك تحاول تختار تخصص معين

مثلا تاريخ وتحاول تجمع (تاريخ قديم - أو حديث - أو معاصر أو اسلامي ) مقالات- أسماء كتب- بور بوينت - فيديو

أو مثلا فيزياء - نظريات - مقالات - رسوم بيانية

يعني باختصار توجهها لطلاب المدارس والجامعات علشان تضمن الشريحة المستهدفة للسي دي

وتعلن عنها في المنتديات الطلابية والجامعية

[align=center][align=center]
والله أشوف لو تسوي تجميع طبخات متنوعة وتسويله أقسام .. مثلاً هذا للمعجنات وهذا للحلويات وهذا للمشروبات ألخ..
صدقني بيمشي سوقه عند النسوان .. وخصوصاً رمضان جاي .. يعني كيف حالك[/align][/align]

[align=right]
النوارس .. لبى قلبك
الفكرة صعبة نوعاً ما لأنها تخدم شريحة معينة واستهدافها صعب
خصوصاً إن طلابنا حي الله مو ذاك الزود وخلينا واقعيين مشكور ع المشاركة
وبصراحة اعجبني موقف لك شفت اعلانك في قسم البيع والشراء
وشفت ردك على إعلان مشابه لإعلانك توقعتك بتحاشره لكن طلعت اخلاق
ودعيت له بالتوفيق .. المهم تواصل معي ع الخاص عندي لك هدية يحبها قلبك
لأني كنت اشتغل مثلك انشر اعلانات ..
[/align]

[align=right]

سلطان .. وربي فكرة مجنونة ما خطرت على بالي
ما شاء الله عليك .. الحين انا محتار بينها وبين رقم واحد في أول الموضوع
والله فكرة حلوة يا سلطان لبى قلبك لازم نتناقش حولها هل أبدأ فيها الحين
عشان رمضان .. وكم تحتاج رأس مال ؟ التجميع من النت ازهلها هذا لعبتي
لكن كم تكلفة المشروع وكم سي دي أطبع ؟

شاركونا .. الموضوع هذا اعتبره ورشة عمل وانطلاقة فعلية ان شاء الله[/align]

[align=center]
حبيبي ما يمنع انك تعمل على الفكرتين و تسويلها جدوله يوميه .. يعني تعطي لكل فكرة عدد ساعات معينه يومياً بالتساوي
وصدقني ما يمر أسبوعين إلا و أنت منتهي أو على أقل تقدير شارفت على الإنتهاء
الله يوفقك أخوي ويوسع لك في رزقك
دمت بحفظ الله
[/align]

شوف ياغالي فكرتك ممتازة وحلوة , بس لو انا مكانك ماكتنت بسويها تدري ليش ؟ ولا ابي احطمك ولاشيء

لأن الناس اللي راح تسوق لهم مايبون سيديات وحطه في الكمبيوتر وانتظر وشغل وشوف , فيه قنوات خاااصة تعرض على التلفزيون للأمور هذي , فيه قنوات ديكور + طبخ + قنوات دينية والناس ماعاد تستخدم السيدي زي اول عرفت

بالنسبة لحماية السيدي من النسخ ماتحتاج مبرمج ولاشيء مجرد سوفتوير


الشي اللي ممكن تكسب منه هو الافلام ! بس انتا خابر الافلام كلها اغاني ومقاطع سيئة وراح تدخل لك فلوس حرام , والشي مايرضيك

هذا رأيي وحبيت اقول باللي عندي واقترح عليك ومو شرط تاخذ بكلامي ترا انا اقول رأيي فقط لاغير

وما اقول الا الله يرزقك من واسع فضله

الله يوفقك ويرزقك

بالتوفيق

جميع اللي بتحطه في السي ي متاح عالنت مجانا