[align=center]السلام عليكم ورحمة الله وبركاته .. الأخوة الأعزاء استفساري كما هو في الإعلان لو تكرمتوا


هل يحق للموظف بالمرتبة السادسة التقديم على نظام جدارة والإلتحاق بالتعليم وماهي الطريقة في حال ظهور الإسم في المفاضلة .. وشكراً لكم [/align]

وعليكم السلام ورحمة الله وبركاته


إذا عندك مؤهل وتطابق الشروط للتعليمي (من مؤهل بكالوريوس+اختبار كفايات معلمين) توكل على الله وقدم.

طبعا مع ذكر بياناتك بشكل صحيح. منها فيه سؤال إذا كنت على رأس العمال حاليا، تذكر= نعم

ألف شكر أخوي الكريم .. لكن بعضهم خوفني وقال يمنعون

اذا عيونوك في وظيفه تعليمية أداريه راح تكون على المرتبه السادسه نفس مرتبتك الحاليه
وإذا تم تعيينك مدرس هنا يفرق راح تكون على مستوى أعلى

يعني انت قدم بجداره. وشوف تعيينك. راح يكون إداري ام مدرس وبعدها قرر. اهم شئ ماتترك وظيفتك الحاليه أبدا حاليا


بالتووووفيق

اذا انت جامعي ومتوظف على السادسه مايطلع أسمك بالتعليم لأنك تكون على درجه مستحق لها
لكن اذا على الخامسه مرتبتك تقدر تقدم على التعليم ....

كلام كشكول صحيح ١٠٠٪


السادسه توازي التعليم في نظام وزارة الخدمة بغض النظر عن فرق الراتب ،،

انا سمعت ان اللي موظف بمرتبه اعلى او تساوي المرتبه بجداره مايقبلونه

أخوي .. لو حبيت ارجع لتغريدات عبدالعزيز الخنين.


أنت الآن على وظيفة بمرتبة (سادسة) يعني إدارية .. يحق لك تقدم على التعليمي (المستوى الخامس) فيه فرق.


طبعا لاتفصل ولا تستقيل.
قدم ومثل ماقلت لك اكتب بياناتك صحيحة كلها (البيانات الشخصية) +هل أنت على رأس العمل + مسمى شهادتك ..الخ

وطبعا تختار المفاضلة على التعليمي فقط.


لو الموضوع مايصلح مرح تطلع مفاضلتك ولو صحيح وبياناتك صحيحة رح يطلع بإذن الله بس تابع الإعلانات.


فيه البعض يكون عسكري ويدخل مفاضلة التعليمي ويتوظف. وغيره.


اللي نعرفه. لما تكون على مرتبة سادسة.. وتبي تفاضل على مرتبة سادسة (نفسها) مايصلح. (بمسابقة وظيفية) لابد تكون منافسة على مرتبة أعلى من مرتبتك الحالية.


والأفضل اتصل بوزارة الخدمة المدنية واستفسر أو أرسل استفسارك للخنين ويرد عليك.


هذا اللي أعرفه، والله أعلم واحكم.
بالتوفيق لك.

يااخوان اللي كان يحق لهم يفاضلون حقين الاداري بالمدارس (المكرمه) هم اللي يحق لهم يفاضلون عالتعليمي لمدة سنتين فقط ثم ماعاد يفاضلون

اما الاداري بالمدارس مكرمه وانتهت والان اللي يتوظف ع السادسه موازيه لشهادته وللتعليمي

وبخصوص العسكريه اي رتبه اقل من ملازم يحق لك المفاضله لانك ماخذت الرتبه المستحقة للجامعي وهي ( ملازم )

ارجوا ان الصوره وضحت وموفقين ،،،،