السلام عليكم ورحمة الله وبركاته اخواني راس المال17000 هل هي كافية لتاجير الدبابات بالثمامة وفكرت في وضعها عند اللي ياجرون الدبابات السودانيين لكن كيف احفظ حقي وكيف اتفق مع السوداني وجزاكم الله خير الجزاء

السلام عليكم

والله ان هالفكره جات في بالي ولكن اهملت الفكرهه

طيب آخوي روح الى سوق حراج بن قاسم اللي بجنوب الرياض تقريبا مخرج 21 معن بن زائده تطلع معاه يجيك يسار او يمين اجباري خذ يمين اجباري بعدين اول ديوار ( فوق تحت ) وارجع وبعدين تجيك محطة عندها صراف عربي ادخل بعد الصراف يمين راح يدخلك مباشرة على السوق اسأل اطرف واحد قول له وين الدبابات ؟ يعلمك لانه قريب مرهه .

وهناك دبابات بأنواعهم بانشي والمتوسط والصغير حق الاطفال ..

وبعدين نظيفه واسعارهم مو غاليه مره ..

لو تشتري بانشي عدد 4 مثلا .. واللي يجي وسط عدد 5 مثلا .. والصغير مره 2 فقط .. صار عندك 11 دباب الان //

تقريبا تكلف كلهم 13 الف او اقل ماراح تزيد . ولو اخذت كل الدبابات من محل بينزل لك كثييييير انا اخذت منهم قبل شهر دباب حق توصيل بقاله بـ 800 ريال بس جدددا نظيف وبعدين ماشي 5000 وهونداي وموديله 2012 .


انصب لك خيمة اطلق لك من انك تحطهم عند سودانين صدقني بتضمن حقك بنسبة 30 بالميه لو عند سودانين ومافي رقابه ..

انصب لك خيمه طال عمرك ومجهزه بكل شي ماطور فرن صغير لمبات صفراء وجيب لك سودانين 2 .

طبعا الافضضضضضليه انك تنفذ هالمشروع بداية شهر 10 لانه بداية الشتاء هو الافضليه لكن بالصيف م راح يمشي .

وخل اسعارك ميسرهـ ولو سالت اللي قبلك كأنك زبون وشوف اسعاره عشان انت لو نزلت بس 10 ريالات منه راح يأجر منك الزبون مباشرة .
مثلا البانشي بـ160 الساعه .. نص الساعه بـ 80 ريال .
الدباب المتوسط بـ 100 والنص ب 50
والصغير ب 70 والنص بـ 35 ريال .

طبعا بالنسبة لـ ضمان حقك افضل شي فواتير .


مشروعك ترى والله فكرته طيبه خصوصا بالشتاء بيصفى لك يوميا بإذن الله 1000 ريال ولو لاسمح الله لاسمح الله مشروعك م جاب لك نتيجه ترى بتخسر يمكن من فلوسك 1000 ولا 2000 لانها كلها ادوات تبآع تعتبر كهربائيه وليس طعآم بتخسر فيه او ديكور او او او ..

اتكل ع الله والله يرزقك يارب

اشكرك ياعبدالعزيز الله يجزاك خير وننتظر الردود هل ١٧٠٠٠ كافية للدبابات والخيمة والماطور؟؟؟

تكفي ي الغالي بس خل كل شغلك من الحراج .. لاتجيب شي جديد لان كل اللي تحتاجه مو لازم شي جديد ..

[align=center][/align]طيب كم تترقعون الارباح الشهرية وهل فيه شغل ايام الاسبوع ولا بس الاجازات؟

توكل على الله خذلك دبابات اسمها سويدي حجم 100 مره ممتاز وانصحك خذ جديد بـ4500 تقريبا الواحد

وابعد عن الصيني يجننك بقطع الغيار والاعطال

وانصحك تكون انت تأجر الدبابات أفضل من الزول

واذا اضطريت خلها ثلثين لك وثلث للزول

بالتوفيق لك

لو انك بمكة كان اخذت دبابين تكفي بمواقف السيارات وراح تطلع ذهب

اي واحد يبغى يدخل مشروع الدبابات وهو من مكة يكلمني انا املك الفكرة فقط

الله يجزاكم خير اشكركم على الردود وننتظر افكار اخرى