العسكريه تبي شجعان ..

ونآ شجاع واتحداها



شركات مافيه امان وظيفي حتى لو وقعت عقد 5 سنوات وبعدها كرشوك مع الباب تغيب كم يوم مايقولون لك الله يستر عليك لا بيقولون انقلع ولانشوفك ياللي ماتستحي



لاكن القطاعات العسكريه والحكوميه سلملي عليها مايجيك فصل من مديرك ومديرك مايقدر يسوي شي لك الا يرفع خطاب ويجي الرد وتجي لجنه تقيمك وتشوف وش السالفه يعني تبطي تنفصل وتقدر ترجع اما شركه تقعد تحت رحمه مدير مايسوي ماطئ رجلي ..



يارب وفقني باحسن وظيفه حكوميه او عسكريه


والعسكريه تبا شجعان وانا شجاع واتحداها الله الله
مع الزكرتيه بالميدان نمشي والبدله ابغاها الله الله
ظابط خفر مستلم زعلان كل السرايا مجازيها الله الله

اشكر الجميع على الردود

بالنسبة للي يقول انت تكره الناس في العسكريه اقول له ارجع واقراء الموضوع زين والعسكر هم اكثر ناس تكتب بالقسم هذا وانا ما أجبرت احد يفصل او يترك عمله بس حاولت اقوي الايمان بالله انه الرازق وضربت كم مثال لناس مشهورين تحرروا من قيد العسكريه ورزقهم الله باافضل منها وترى مؤ شرط انك تترك العسكريه وتحصل افضل منها
وهذا مصطفى ادريس لاعب نادي النصر السعودي كان عسكري وفصل وتوجه لكرة القدم والآن هو يشتغل حارس امن براتب زهيد
ولي عودة ولدي الكثير من الامثله
وشكراً

بس اخوي مدني ودمي عسكري .


عسكري ويمديك تاخذ قرض وتكون نفسك وتشتغل باسم زوجتك ولا باسم اي احد من اهلك


وراتب حلو يعني يمديك تسدد وتقارب .. احسن من تكون بشركه ومصري يسفل فيك وراتبك مايسوي ويمكن مايمديك تاخذ قرض على الاقل العسكريه تقدر تخدم وتتدرس وبعدين تتقاعد ويجيك تقاعد مبكر وغير كذا معك شهاده توظف باحسن مكان وغير المشاريع يعني يمديك تزين امورك


للآسف انتم تدورون راحه ماتدورون الشغل .. تقولي راحه نفسيه وما نفسيه ..


اصلا مافيه راحه نفسيه بالدنيا الراحه النفسيه والابديه بالاخرة اذا خذيت كتابك بيمينك
اسمع محاظره الشيخ صالح المغامسي يقول لاراحه لمسلم مؤمن بالدنيا الراحه بالاخره دار الخلود ..


<< مدري احس اني شاطح هههههههههه بس ياخي مافادنا الجلوس تحت مكيف وعالايفون وايباد وافلام واكل ونوم حتى تجيب لك امراض .. وجعلنا اليل سباتا وجعلنا النهار معاشا .. صل الفجر مع المسلمين بالمسجد وبعدها رح امسك خفاره لين الظهر وبعد الظهر نم لين العصر وبعد العصر رح اشتغل مع الرجال لين بعد العشى وبعدها رح للاستراحه طقطق وسولف وخذ واعط مع العالم لين الساعه 12 ورح نم

شوي شوي لين تكون مضبط امورك وعندك اشغال غير دوامك وعارف الشغل .. بعدها لاتفصل من العسكريه ولا تتقاعد رح لدوامك ورح لمديرك الظابط واصطره على وجهه قله تحملتك بما فيه الكفايه ولاضني ابتحملك ثاني هههههههههه وخلاص كمل حياتك عندك مشاريعك وعندك وضعك وعندك مبلغ وكل فتره تسافر مره المغرب مرره نيويورك ومره الصين واذا تبي تتزوج ثانيه عادي ابسط حقوقك



طبعآآآآ بعد كلامي ذا كله تراني عاطل هههههههههههههه ولاني متزوج للحين عمري 23

وعسى الله يرزقنا يارب

يعطيكم العافيه

المدينه حلووه

العسكرية يقولون ماهي زي اول ما ندري وش معنى اول

الا ماقلتلنا انت وش عندك بالضبط

انا ابي اي شخص ماهو مرتاح في عمله سواء عسكري او غيره يشوف أحسن حل لراحه نفسه وانا دايم احب اختار اساس المشكله واقتلعها من جذورها يعني افصل والرزق على الله وانا خصيت فئة العسكر خاصه اللي في هذا القسم اللي دايم شكاوي وكان الدنيا وقفت على العسكريه
نصيحه للجميع
(( دائماً ابحث عن اساس المشكله واقتلعها من الجذور ))