السلام عليكم
انا جامعي تخصصي لغة انجليزية وانقبلت في الجوازات رتبة وكيل رقيب ...
ماعندي مشكله ادخل معهد الجوازات بس ابي استفسر عن الراتب لوكيل رقيب مستجد بعد التخرج كم ؟
الي عنده خبر عن الراتب وعن لبدلات وكل شي كم يستلم وكيل رقيب تول مربوط ...
ولكم جزيييييل الشكر مقدما

الراتب الاساسي 4455 ريال

بدل جوازات 1200 يعدل بعد كل سنين ويزيد 200 ريال الى ان يصل 1600 تقريبا

بدل نقل 500 ريال

بدل اعاشه 1000 ريال

اذا عندك شهادة حاسب تعطى بدل حاسب 15%

بدل عدواء 600 ريال

فيه بدل اخر والله مدري عنه بس تقريبا 600 ريال


تقريبا 9200 ريال ولاني متاكد لكن ممكن ينقص ما يزيد عن 9200 اول راتب

الدوره 9 شهور في معهد الجوازات في المربع

بالنسبه لترقيه فيه ناس جالسن عشر سنوات ما تم ترقيتهم وفيه ناس 13 سنه


الكلام هذا مقتبس من العضو (جندي الداخلية)

//

اذا كنت على المنفذ ممكن يوصل راتب 8 الى 8 ونص
وواذا كنت فالادراه والا فالمطارت اتوقع اقل من 7



على الكلام الي جاني
بس اذا فالاداره كثير حلوه لن يجيء فيه شغل وفلوس تعقيب ومعارف

معقوله 7 الف اخوي اذا متاكد انه 7 او حولها قلنا خلنا نسحب من بدري
اسمعت ان وكيل رقيب ف المطار راتبه يوصل ل10 الف
وهذا اللي حمسني بس اذا 7 انتظر التدريس افضل

الراتب 9500 لـ وكيل رقيب فني جامعي في المطار (مع البدلات)
هذا الكلام من شخص متخرج الدورة الثانية للجامعيين السنه اللي فاتت في مطار الملك خالد بالرياض .

//

والله الواحد يحتار التدريس يحتاج اجتياز اختبار المعلمين وبعدها يجيك التعيين وانا مستعجل وراي زواج ومصاريف ومحتار جدا

انت جامعي استخير
ترا العسكريه مرمطه مابي اكرهك فيها لكن اذا عندك اخوان عسكر استشيرهم

العفُو اخوآني الكرآِم اذا يسمح لي صاحب الموضوع باستفسآرَ
أنا مقدمِةَ على الجوازآِتَ !
كيف وضعناَ هل مثل الشباب ندخل دُورِةَ بالمعهدَ و كذاَ ؟ طبيعة الشغل إذا بالمديريِة هل مكتبيِةَ إو ميدآنيِةَ ؟
علما بإني اعلمَ أن الرتب افرآِدَ للنساء فقطّ !
من ناحية الفحص الطبيّ ( غير الطُول و الوزِنْ ) هل يدققون على شئ معيِنْ مثل النظرَ مثلاً ! او فحص عآمَ و آضمنهَ

آشكرِكمَ
بانتظآر الإجابِةَ