السلام عليكم




اخواني انا كنت متابع من دون تسجيل وحبيت اسجل عشان اطرح لكم موضوعي وان شاء الله استفيد من كلامكم




انا شخص كنت مبتعث رحت كندا ولكن ربي ماكتب لي اني اكمل ورجعت السعوديه


المهم اشتغلت في مكتب استقدام

ولكن هالوظيفه مو وظيفه رسميه او وظيفه مستمره او وظيفه تواجه


دورت بحثت حطيت جبت وديت مافي شي ماسويته

لكن للاسف مالقيت لان شهادتي ثانوي

اللغه عندي متوسطه لان قاعد فتره بالسعوديه من دون ما اي تعامل او تحدث للغه



بالاخير ابي نصايحكم


انا ودي اكمل دراستي

لكن محتاار


مره اقول اكمل انتساب

لكن التخصص ماراح يكون تخصص من التخصصات اللي انا اهواها لاني احب الحاسب الالي

وحبيت اشوف وش اقتراحاتكم ان شااء الله استفيد منها


ادرس انتساب في تخصص انا مابيه


او دبلوم في تخصص انا ابيه مثل الشبكات

اتمنى تفيدوني بقتراحاتكم

محد يبي يرد ولا مافي احد ��

والله شوف يابعدي كان تبي تكمل دراستك

شوف الجامعه السعوديه دراسه عن بعد وفيها التخصص الي تبيه انت

وعلى حسب ماسمعت انه شهادتها منتظم

وراح يردون عليك باقي الاعضاء ، بس حبيت اقول لك بهالشي ويكون عندك فكره


والاكيد تكمله الدراسه سوائا وانت عاطل او على رأس العمل مفيده لك حاليا كعلم

ومستقبلا كوظيفه

يعطيك الف عافيه ياسعودي مرجوج




قبل شوي اتصلت بـ نيوهرايزن ،،، ( الخليج)

قالي دبلوم سنتين وتقدر تكمل باكلوريس برا السعوديه لمده سنه فقط

وش رايكم

وعليكم السلام ورحمة الله وبركاته

بعد إذن سعودي عاقل
بالنسبة إذا أخذت دبلوم من هنا وناوي تكمل خارج المملكة حط في بالك لازم تدرس سنة تحضيرية ثم تدرس السنة الأخيرة ( النظام هذا في UK ) طبعاً غير مرحلة اللغة الانجليزية لو ما قدرت تجيب الايلتس المطلوب , يعني انسى الدبلوم والتكملة بالخارج بالوقت الحالي لان احتمال تدرس بالخارج 4 سنوات :
سنتين لغة حتى تجيب درجة القبول الجامعي باللغة ثم سنة تحضيرية وإذا أعتقوك من السنة التحضيرية راح تبدأ تدرس من السنة الثانية ثم تكمل السنة الأخيرة من الأكاديمية , وبذلك تكون أخذت 6 سنوات للحصول على البكالوريوس ( تراني حسبت السنتين تبع الدبلوم مع الاربع عشان كذا طلعت 6 )
وليتك سألت موظف نيوهورايزن أي جامعة اللي تدرسك سنة وإنت معك دبلوم؟ عشان نتأكد من صحة كلامه قبل ما يجيب العيد بالناس

وإذا تبي العلم اللي يجمد على الشارب ونصيحة أخ لأخوهـ
قدامك طريقين لو أنا مكانك ولازم تحدد إحداهما حتى ترسى على بر
1- حسب ما فهمت بأنك كنت تدرس بكندا وعندك لغة متوسطة , ليه ما تكمل دراستك هنا لغة انجليزية ( عندك جامعة الملك فيصل حسب علمي فيها انقلش , وأدخل موقعهم وشيك بنفسك )

2- دراسة مجال IT هنا بأحد الجامعات مثل ما ذكره الأخ سعودي , وعندك الجامعة السعودية وهنا تفاصيل التسجيل
http://seu.edu.sa/pages/view/509
أنا درسة فيها اول ترم وجلست تقريباً شهرين أو أقل وفقعت منهم
لان نظامها علّم نفسك بنفسك
يعني تروح المحاضرة ويعطيك رؤوس أقلام وإنت تروح تقرأ وتبحث وتثقف نفسك , ليست كمثل الطريقة التقليدية يجيك الدكتور ويشرح المادة بالتفصيل , وبالمناسبة انسحبت ناس كثيرة معي
إذا إنت راح تكون متفرغ أو على الأقل دافور وتبحث وتتعب فأنصحك بهذه الجامعة لسببين 1- لان دراستها بالانقلش من أول سنة معهد لغة إلى التخرج ترطن انقلش 2- على قد ما تبحث وتقرأ على قد ما تكون فاهم وملكع <- أقصد بالتخصص

كمان راح يتم افتتاح اول بكالوريوس تطبيقي بالحاسب في كلية الدراسات التطبيقيه وخدمة المجتمع بعليشة , وهذا موقعهم بس يبغالك تتابع معهم ولا أعلم إذا كانت بعد الإجازة دراستها أو متى بالضبط
http://colleges.ksu.edu.sa/Arabic%20Colleges/AppliedStudies/NewSite/Pages/default.aspx

عندك كلية خدمة المجتمع بالملز فيها IT سنتين ودراستها انقلش حسب الخطة التالية
http://colleges.ksu.edu.sa/Arabic%20Colleges/CommunityInALRiyadh/CS/Page/Plan.aspx

وإذا لم تخني الذاكرة تقدر تكمل دراسك بجامعة الملك سعود إذا كان معدلك مرتفع ( اسأل كلية خدمة المجتمع حول ذلك )
وفيه نظام التجسير للدبلوم لبعض الجامعات.

نجي لزبدة النصيحة: أما ما يحتمه الان سوق العمل هو وجود شهادة جامعية + لغة انجليزية
لو تأخذ جولة على الاعلانات الصادرة خلال 7 أيام على سبيل المثال راح تجدهم يطلبون شهادة جامعية بدون تحديد للتخصص + لغة انجليزية

وأنا أرشح لك دراسة اللغة الانجليزية لان عندك فكرة متوسطة عنها + هي الأمان المستقبلي بعد الله , وكذلك كثير من الوظائف إن لم تكن جميعها تتطلب اللغة , وتقدر تأخذ لك دورات جانبية لتدعيم سيرتك الذاتية , مثل السكرتارية - الموارد البشرية - الإدارة )

أضف إلى ذلك لا تنسى هناك مئات الخريجين كل ترم من الجامعات الداخلية والابتعاث على تخصصات الـ IT يعني راح تقل فرصك الوظيفية المستقبلية إلا إذا راح تطور لغتك الانجليزية ذيك الساعة أشد على يدك بدراسة الـ IT سواء هنا أو بالخارج لانك راح تجمع بين حبك للتخصص وقوة اللغة.

كلامي السابق بناءً على معطيات الواقع والمستقبل

أعتذر عن الإطالة ولا تنسانا من دعائك بظهر الغيب.

وفقك الله.

اهلين اخوي عمله نادره


بخصوص اللغه اتوقع لو اختبر اقدر اجيب خمسه بالايلتس
وماراح اخذ سنه برا
هذي وحده
وثاني شي والجميل تقريبا دقيت اليمه مره ثانيه وقالي تقدر تكمل بجامعه القصيم
والجامعه الالكترونيه جميله بس مدري اعرف شخص هناك يقول ماش موب ذاك الزود خصوصا انها اول سنه


اللي قريب اني اسويه ادخل هالدبلوم واخذه واذا توظفت عليه ويفه زينه حل. على حلو ماتوظفت كملت بالقصيم او اذا قدرت اكمل برا طلعت


شكرا لكم وانا حاليا قاعد اشاور واشوف واقارن واتمنى اوصل لشي اقتنع فيه ميه الميه

طالما أنك بمرحلة الإستشارة فلا تنسى الإستخارة ثم إختمها بالتوكل على الله

اقترح عليك تبعد عن موضوع الدبلوم

اذا حاب تكمل تعليمك ادرس في جامعة (الدراسة الجامعية هي دراسة اكاديمية وليست مهنيه)

اما بموضوع الشبكات فيه شهادات عالمية تؤهلك انك تدخل هذا المجال وتشتغل فيه

وبما انه عندك لغة مو صعب تدرس بنفسك وتقدم على الاختبارات فقط

بامكانك تتوجه لشهادات سيسكو او مايكروسوفت او CompTIA

صراحه

بديت احتار اكثر واكثر

وش الحل مدري


ادخل دبلوم واخذ شهاده وطبعا بكون متوظف
او ادرس جامعه بتخصص انا مابيه