لو سمحتو يا اخوان انا استلم اعانة المطلقة وما عندي دخل ثاني
و هالأيام أتم سنة على استلامي المقطوعة وابي اقدم مرة ثانية، لكن

جتني فجأة قبل كم يوم رسالة ان زوج وحده قريبتي سجلني عنده موظفة بالتأمينات!!!!
انا لا وظفة عنده ولا جاني منه ولا ريال، وكلمتها وقلت لها شيلوا اسمي انا اتضرر كذا <
قالت لي طيب ابلغه،

طيب انا الحين وش اسوي؟ نتظره يشيل اسمي ولا انا اروح ادور مكتب التامينات واقول شيلوني
انا اعرف ان الحد المانع للضمان 2000 ريال بس هو الله يهديه مسجلني براتب اكثر من كذا!

والحين انا متروعه انه ما يجيني راتب الضمان اللي بعد كم يوم

شوركم الله يجزاكم خير!

حسبي الله. وش ذا استغلال اسمك لمصالحه بدون علمك ورضاك

لا اله الا الله


اختي الحل انه

١- اما يسلمك راتبك الي مسجل وتقتنعي به.

٢- تتفاهمون وديا. بلغي اسمك

٣- تشتكي التامينات عليه وتبلغيهم انو اسمك عندهم ونتي مو موظفه
وهم يتخذون الاجراءات اللازمه وقتها


الله يكون بعونك ويوفقك

انا ما ابي فلوس! واصلاً ما اظنه بيعطيني شيء ولا كان استأذني قبل
ابي يشيلون اسمي، انا خريجة جامعة لي كم شهر وانتظر الوظيفة الرسمية
وحافز للحين ما راح يصرفون لي عشان ما تميت سنة متخرجة،


سجلي المدني عرفوه عشان عطيتهم اياه ايام الاكتتابات يوم شركة موبايلي اللي من سنين

اللي يقهرني كيف التأمينات يسجلوني بدون ما اوقع على اي اوراق او يبلغوني!
انا عندي بطاقة هوية وطنية خاصة فيني!
كيف كذا؟

وش وضعي الرسمي الحين؟ هو الاسم ينشال بسهولة؟
و كيف بالنسبة لمرتب شهر 8 ، راح علي

فرج الله عنكم

الضمان ماييفصلك على طول الا اذاااا انتهت البطاقه او قدمتي على مقطوعه فأنهم يراجعون كل شي وبالتالي يدرون انك موظفه المهم هو كيف تجرا وسجلك وانتي ماتدرين اخص ياقليل المروه ماعليك منه قولي انك تبين تشتكين واكيد راح يفصلك على طول وذااااا مافصلك قدمي بلاغ عند التأمينات وهم يورونه الاجراء الي ماراح ينساه وعلى فكره ترا التأمينات تشيل اسمك من اول يوم يعني لا يلعب عليك ويقول انه قدم لك اخلاء طرف بس للحين ماشالوك ترا كل شي زر كيبورد واسمك مفصول من التأمينات اسف على الاطاله

والله ياقلبي اني رحت للوالد وسالت لك من باب التاكيد والحررص

وفعلا قال لي. انو تقدم بلاغ للتامينات وتشتكيه عشان ينزل اسمها


لانه هو مستفيد بدون علمك او رضاك وحتي فايدتك حارمك منها


حسبي الله



كلام الاخ الي قلبي صح

اشتكي ولاتسكتين عن حقك

الله يوفقكم ويجزاكم خير على ردودكم،
انا مابي مشاكل وهالناس بيني وبينهم رحم، بس ابي اسمي ينشال وراتب الضمان يمشي لي طبيعي واقدم على المقطوعة بعد كم اسبوع زي ما كنت مرتبه قبل ما انصدم بهاللي صار

اخاف يطولون، واخاف ان قالوا انهم شالوا اسمي وقدمت على المقطوعه الضمان يقولون لي انتي موظفة ولا شيء

ابي كل شيء يرجع طبيعي بس اخاف ان الموضوع مو بهالسهولة وان الضرر صار،

سلاماااااااات
لاتسكتي عن حقك
بكيفه هذا يستغل اسمك؟؟؟؟؟؟؟؟؟؟
كلميه وديا مانفع اشتكي

تخلف

ادخلي على موقع التامينات
وقدمي شكوي

وهم علي طول رح يتواصلو معاكي
لاتخافي مارح ينقطع عنك الضمـان

حسبي الله عليه كيف يرضى ياكل حرام..ترى لو درو التامينات عن الوضع راح يعتبرونك مشاركة معه وتجيك مشاكل قانونية قولي له يلغيه فورا او قدمي شكوى لايتبلى عليك