السلام عليكم ورحمة الله وبركاته


الاخوان ماقصروا نزلوا وصف وكروكي الله يجزاهم خير

وحبيت اتأكد من المكان ورحت لهم اليوم العصر وشفت الموقع
افضل طريق وأسهل وصف هو :


وانت بإشارة التخصصي ووجهك جنوب كأنك رايح لمستشفى الملك فيصل التخصصي او كأنك رايح لمرور الناصرية تعدي الاشاره (( خريص + التخصصي )) يجي مستشفى التخصصي يمينك تحصل اشارة صغيرة عند المستشفى تتعداها اول ماتتعداها حاول ماتسرع لأن فيه عامود ساهر يجي يسار بين الشارعين وبتحصل لوحة بين الشارعين كبيرة
مكتوب عليها جامعة الفيصل وشارع الجوهري (( جنبها عامود ساهر ))
المهم اول ماتتعدى ساهر خلك مستمر مع شارع التخصصي وماسك اليمين لحد مايجي نفق اطلع فوق النفق اول ماتطلع فوق تحصل اشاره لف يمين مع الاشاره كذا انت دخلت شارع المعذر ووجهك غرب
خلك سيده لايمين ولايسار تتعدى الاشارات سيده لحد ماتجيك الصالات على اليسار تشوفها واضحه تمشي سيده تحصل دوار في الوجه ارجع مع الدوار تصير الصالات يمينك

(( زبدة الكلام ان صالة رعاية الشباب بشارع المعذر بس اخر شارع المعذر وانت باتجاه الغرب ))

الله يوفقنا وياكم

الي فهمته من الوصف انها مجمع الأمير فيصل بن فهد الأولمبي

الي اختبروا فيه حقين الدفاع المدني

وهذا موقعها بالخرائط

http://wikimapia.org/#lang=en&lat=24...mpoly=12909412

بالتوفيق للجميع

جزاك الله خير يالامير رحت العصر وتم التاكد من الموقع / نهاية الشارع دوار ^^

حمن الهاجري
ماقصر وهذا وصف دقيق بالخريطه

اقتباس:

المشاركة الأصلية كتبت بواسطة حمن الهاجري هذا الوصف الصحيح والدقيق لـ رعايه الشباب بالرياض ... منقول من احد االاخوان بالمنتدى هنا .. بارك الله فيه جزاه الله خيراا ... للاخوه القادمين من شمال وجنوب الرياض يجتمعون في نقطه واحد اللي هي وزراه الداخليه وهذا الكروكي موضح فيه ما اقول ... اضغط على الصوره للتكبيـر ... [BIMG]http://store2.up-00.com/Apr13/j2I56388.jpg[/BIMG] ## هذا الوصف الكتابي للكروكي ## تدخل من عند فندق الانتركونتيننتال يمين اول اشاره تعديه والثانيه تعديه وبعدها نفق ادخله وبعده اشاره الثالثه تعديه وبعدها تجيك الاشاره الرابعه تعديها بعدها بتكون الصاله على يدك اليمين بيكون قدامك دوار قصر الامير عبدالعزيز بن فهد (شارع الديوان ) تاخذ الدوار وترجع بتكون على يدك اليمن ## لمن يسال عن طريق اخر مع الدائري الغربي وطريق مكه ومحافظات الرياض - المزاحميه والدرعيه - الخ .. الطريق الثاني الدائري الغربي بعد الجسر المعلق تدخل يمين بيجيك مخرج ادخل معه بعدين يسار مع الدور بتجيك اشاره رح يمين وامسك الخط كله لحد مايجي قدامك الدور الاول عديه بعدها يجيك الدور الثاني عند قصر الامير عبدالعزيز بن فهد بتكون الصاله على يمينك ادخل مع الدور يمين بتكون صاله يمينك مباشره ===== آسآل الله عز وجل ان يجعلنا من المقبولين في الاخره قبل هذي الدنيا وشقاها وان يسهل علينا الاختبار ويجعل في هذي الوظيفه السعاده والراحه والاستقرار