21-06-2013, 10:55 PM
|
عضو جديد
|
|
تاريخ التسجيل: Jun 2013
المشاركات: 10
معدل تقييم المستوى: 23
|
|
|
الفساد وأصحاب العمل
بسم الله الرحمن الرحيم
كيفكم أخواني وأخواتي أعضاء المنتدى ..
الواحد فينا يمكن يتحمل زميله أو مديره أو أي شخص معه بالعمل إذا كان سعودي نقول منا وفينا وما عليه لكن البلاء لا من جاك صاحب الشركة ولد بلدك يحط أجنبي مدير عليك ويعطيه صلاحيات وامتيازات ما يعطيها لك لو بعد مليون سنة ، وهالأجنبي يتفرعن ويبدأ يمارس سلطته ويتعمد مضايقتك وإهانتك كل ما واتته الفرصة .
موضوعي هذا بأتكلم فيه عن مكتب للإستشارات الصيدلانية , صاحب المركز سعودي يدور مصلحته لو على حساب غيره وما فيه خير ينحاز للأجانب . كل اللي ماسكين المركز أجانب بنسبة 99% وال 1% سعوديين على ورق فقط وجميع اللي موظفهم نساء ماعدا قلة من الرجال اللي ينعدون على الأصابع .
اللي يقهر بالموضوع إنه رافض يوظف سعوديين وموظف قريبتي من ذوي الإحتياجات الخاصة عشانها تعادل 4 سعوديين في نظام العمل والعمال ، المضحك في الأمر إن راتبها 2500 من توظفت ماتغير والأجنبيات اللي عنده أقل راتب 5000 مع البدلات والعمولات .. بالله هالشيء ما يقهر ؟
قبل فترة نزلوا إعلان يبون عاملة نظافة سعودية .. لهالدرجة وصلت فيه قلة المروءة ؟
خلونا من الرواتب والانحياز .. موضوع الاختلاط ما نسمح فيه ولا الأساليب القذرة في العمل واستخدام العنصر النسائي لجذب العملاء والجلوس لساعات مطولة في اجتماعات والمظاهر الخارجية في اللبس وغيره .. ديننا وشريعتنا واضحة تعاليمه ونهيه وتحريمه .
وأخيرا أتمنى إننا نمنع هالأشكال تأخذ أكبر من حجمها والسعودي صاحب المنشأة اللي يجي يطلب إسمك أو يبي يوظفك أو يوظف أحد من أفراد عائلتك بس عشان سعودة أرفض وبشدة يبي يوظفك بإحترام وأدب ويقدرك أهلا وسهلا وإلا تُعساَ له ولأشكاله .
|
العرض العادي
