السلام عليكم
جاني اتصال امس من معهد الصناعات الحربية يقول موعدك الاثنين ( صراحة انا ماعرف عنه اي شي )
الي يعرف عنه لا يبخل علي
كم مدة الدراسة ؟
وكم المكافاة وقت الدراسة وبعد التعيين ووش راح يكون اسمك الوظيفي
هل لها مستقبل هل تنصحوني فيها او لا ؟
واللي يعرف عنه شي لا يبخل علينا والمقابلة كيف

وشكرا يعطيكم العافية جميع

يالغالي معهد الامير سلطان يعتبر من افضل المعاهد بعد ارامكو وسابك

تدرس مدة سنتين تتخرج منه معك 3 دبلومات دبلون انجليزي ودبلوم حاسب ودبلوم تخصص

وانت تدرس اذا كنت متميز يرسلونك شهر فالعطلة لماليزيا

واذا خلصت تتخرج بمرتبة سادسة راتبك 8500 الى 9000

واذا كان معدلك فالمعهد ممتاز تدرس سنتين بعد وتاخذ شهادة الهندس وتصير مهندس فالمصانع الحربية

تراه ممتاز وجدا ومستقبلة مضمون وحلو وبعثات الى مالا نهاية

وفيه ناس يدخلونه بالواسطات انا اعرف واحد جايب اعتماد من سلمان عشان يخشه

وبالتوفيق

اخوي عندهم سكن كبير فالخرج اسمة سكن المصانع الحربية

فيه للعزاب وفيه للمتزوجين فلل دور واحد ( لكن تتاخر ماخذت السكن على حسب رقمك )

وفيه ترقيات مثله مثل اي شغلة مدنية ويعطون سيارات للمرتبة التاسعة وفوق

ومكافأتهم 1500 على ماعتقد

ايه كلامي متأكد منه اخوياي يدرسون فيه

وهو طموحي اذا ماقبلتني الكلية العسكرية

هل اختبرت اختبار كفايات ؟

^^ نعم اختبرته وللاسف الاختبار كان صعب وجبت 27

طيب ماهو طبيعة العمل ؟ وين راح يكون التعيين وشكر
ويعطيك العافية تعبتك معي اخوي سلطان بس ماجاوبتني كيف بدلاته وهل فيه زياده سنويا بالراتب ولا يكون ثابت

انا قدمت عليه مدري قبلوني ولالا موقعهم عطلان ولا اتصلو علي ولا ارسلو بريد
ثنوي 95 قدرات73 تحصيلي57


المعهد مرررره ممتاز وماقبلون الا حوالي 150 200 بسسس واذا جاك نصيحه لاتفوتهه


الراتب اول مااتتخرج حول 9 وفيه مميزات كثيره فرص ابتعاث واشياء كثيره