السلام عليكم ورحمة الله وبركاته

عندي بضاعه متنوعه والغالب فيها الشنط بحكم تسويقي محصور في مجال النت

لقيت كشك بسيط بوسط السوق بسعر معقول

الزبدة

اذا حطيت عامل طبعا بدون كفالتي كيف اضمن حقي اخاف ياكل الفلوس ويجحدها لاني ابي اترزق الله في شهر رمضان وللعيد ،،

وابي اهم شي ملاحظاتكم من مر عليه /عليها؟؟

واشهي الاشياء اللي انبه العامل فيها ؟! ابي كل التفاصيل ؟!



وانتظر تفاعلكم الطيب اللي تعوده عليه والله يبلغني ويبلغكم الشهر الكريم

ويجعلنا من صومه وقومة ياارب

عامل ماهو على كفالتك إذا شتغل في محل لك بحسب الأنظمه الجديدة فيها غرامه ومشاكل يعني ابعدي عنها احسن لك.

أنا أقترح والرأي لك.

1/ إذا سعر البضاعة معقول فيك تبيعيها بالجملة على المحلات وبكذا توفرين حق الإيجار طبعاً تشوفين واحد من أخوانك او أقاربك يسوق لك بنسبه له.
2/ إعلان في النت عبر مواقع الإعلانات المبوبة عن وجود بضاعة من نوع كذا بسعر جملة.
3/ إذا عاجبك المحل وتبغيه شوفي شخص عندة سجل تجارة وعنده عامل جاهز لان اجراءات فتح المحل ونقل الكفالة تحتاج وقت وانتي تبغين تشتغلين في رمضان ورمضان باقي له ايام معدوده الله يبلغنا وياكم الشهر الفضيل .

وإن شاء الله الأخوان ما يقصرون

الله يجزاااك الجنه

عامل مو ع الكفالة = مخاطرة عالية
عامل ع الكفالة = امن وامان

تتوجهين لوزارة التجارة وتستخرجين السجل وتتوجهين بعدها للبلدية تستخرجين رخصة للمحل ومن ثم للتئأمينات ومكتب العمل تفتحين ملفات وتسجلين نفسك كسعودية واخيرا اما تستقدمين العامل او تنقلين كفالته لاسمك وتشغلينه

في كل الحالات لو الكشك تبينه لفترة بسيطة زي ماتفضلتي مانصحك بالسجل التجاري والكفالة لانه الغائها فيه مشورة شوي وتتعلقين لين العامل ينقل كفالته و و و .. خذي الكشك وشغلي فيه احد من اهلك بالفترة المسائية افضل وبعد الموسم قبليه واستفيدي من مبلغه ...

انا اقول نزلي موضوع انك تبين مواطن سعودي وتعطينه الي كنتي بتعطين العامل
وهو يبيع لك فالمحل صدقيني كثير يبون يشتغلو
بالتوفيق اختي

اختي ولد البلد اولى من هالعمال
حرام خيراتنا تروح للعماله

اشكركم جميعااا وعلى تفاعلكم الطيب


وبلعكس منو اللي قال لكم انا مابي ولد البلد بس انا دورت بمعارفنا وماحصلت

والله يشهد تعاملت مع اكثر من شخص من هذا المنتدى الطيب وافتخر فيهم وفي التعامل معاهم


ومن هذا الموضوع اطلب اي شاب لديه القدر وتفرغ التام في الفتره المسائية خلال شهر رمضان بمنطقة الطائف .. ياليت يرسل لي رقمه على الخاص ..

وانا اتوصل معاه ..

وشكرررا لكم


والله يبلغنا ويبلغكم الشهر الفضيل

الله يوفقك حبيبتي ويوفق السعودي أي كان اللي بيشتغل معك

ويرزقكم من اوسع ابوابه ويعطيكم خير هالمشروع ويبعد عنكم شره

ولا تنسين جزء بسيط لوجه الله عرفانا بكرمه سبحانه وتعالى

[align=center]نصيحة اذ تبين تترزقين اللة على قولتك امسكي الكشك انتي بنفسك والناس وخاصة الحريم اذ شافو حرمة تبيع

يجون عندهاا اما اذا شافو هندي او مصري او سوري مايجون

ماتدرين يمكن اذا تعبتي ومسكتي المحل بنفسك بيجك رزق من عند ربي وتفتحين محلات بعدهاا

المهم لاتحطين عامل وانتي تقولين بجيب عامل مخالف يعني يقدر يسرق بضاعتك او فلوس المحل وانتي ماتدرين ولا حتي تقدرين تقولين لة شي او تبلغين عنة لانةة ببساطة بيقلون لك هذا مو انتي اللي كفالتة
انتبهييييي تحطين عامل مخالف لانة ابدا مافي ثقة الحين مرة بالناس وخاصة الاجانب

امسكي الكشك انتي ولاتضعين الفرصة رمضان جاي والناس تشتري [/align]

السلام عليكم

اولا انت ما تحتاجين سجل تجاري عشان كشك ابد

عليك باستئجار المحل والتقديم على البلدية

شوفي طلبات البلديه للكشك وجهزيها

لو ما عرفت اي بلدية اسألي اصحاب الأكشاك او مالك المول او وكيل التأجير

هم يدلوك على اللازم لك

مقر البلدية اللي تروحين له وطلبات ترخيص الكشك

احصلي على عامل بعد رخصة البلدية تروحين مكتب العمل

الأن الكثير يبون تصحيح وضع

ومثل ما قال الإخوان في حالة وجود سعودي ما تحتاجين للعمالة

لكن لابد من ترخيص المحل

وهل الكشك فقط في رمضان

لو فقط في رمضان شوفي شروط اكشاك رمضان عن طريق البلدية

لو دائما وهذا المتوقع فالإجراء السابق هو المطلوب ليتم

تمنياتي لك بالتوفيق