السلام عليكم


الله يحقق للكل مبتغاه ويسعده يارب


ولو سمحتوا ممكن استفسار

اللحين المتعينه الجديده متى يحق لها النقل الخارجي طبعا غير شروط المرض والضروف اللي تحصل للمعلمه كفانا الشر والمسلمين

مع العلم اني مطلقه بدون اطفال وابوي كبير واخواني بالابتدائي




هل الشي هذا يشفع لي عند وزارتنا الموقره واغامر واقدم مناطق بعيده والا ممكن اتوهق


وهل فيه حل اني في حال نزل لي تعيين اقدم مثلا معروض على ضروفي اللي فوق ويجيني نقل استثنائي قبل المباشره>يحلموون يحلموون😁
:

يجي من يفيدك

موفقه

وعليكم السلام ..

هذا الرابط فيه شروط النقل للظروف الخاصه الجديد .. اللي عرفته انه ينقلونك على حسب ظروفك اللي تصير لك بعد التعيين والمباشره بالعمل مو قبل .. يعني احتمال طلاقك مايأخذونه بالاعتبار وابوك لازم تقارير تثبت انه مو قادر على تربيه اخوانك او يحتاج مساعده .. على العموم شوفي شروطهم وانتي ادرى بظروفك والله يسهل عليك و يوفقك يارب

http://www.6423084.com/Tameem/spc_1433.pdf


..

اخوي زلزال اشكرك على رفع الموضوع

ام ردينه مشكوره ع الرد ربي يرد النار عن وجهج

لكن الحمدلله الضروف اللي بالرابط ماتنطبق علي

ابي اتاكد طيب هل فعلا يحق لي التقديم ع النقل الخارجي بعد سنه وكم فرصة قبولي فيه خلال هالسنه

ياعمري يحق لك طلب النقل الخاجي
في شهر ١١هجري بيفتح النقل الخارجي
قدمي وانشاءالله تنقلين

يعني لو كتب ربي لك تعيين في شهر عشره
شهر ١١تقدمين نقل وفي شهر اربعه تطلع الاسماء
واخر السنه تاخذين اخلاء طرف
يعني تداومين سنه كامله
اما الظروف الخاصه للاسف يقولون لايحق لك
الابعد سنه من المباشره

امل الله يرزقج من واسع فضله ياااااارب


يعني معقوله اقدر اقدم نقل خارجي خلال شهر من المباشره


يدبر الامر تتكلم عن التبادل يعني بالله احد يفيدني هل يحق لي البدل خلال السنه الاولى اذا لقيت معلمه تبادل معي للمنطقه اللي ابيها

وشلون الطريقه

النقل الخارجي يفتح كل شهر ١١ من كل سنه وتدخلينه حتى لو متعينه جديد بس ماتخلين طرف الا بعد سنه

واول سنة تعيين اللي هي سنة التجربة في جميع الوظائف الحكومية مافيها نقل الا بعد تمام السنة حتى لو بالظروف الخاصه

يعني حطي في بالج ان لازم تداومين اول سنة حتى لو طلع لج نقل خارجي

وفي الغالب الجدد نسبة النقل ضعيفه جدا

فاذا بتقدمين بعيد عملي الحساب ان من سنتين فمافوق وعلى حسب التخصص

شوفي يا قلبي..

صحيح كاتبين لنافي شروطهم ... لا يحق لنا طلب النقل الا بعد سنة من التعيين ولكنه كلام في الهواء
زميلاتنا اللي تعينوا العام الماضي بشهر 10 أول مافتح النقل الخارجي نهاية الشهر قدموا وطلعت نتائج النقل بنهاية شهر 3 وماشاء الله تبارك الرحمن اغلب المنقولات من مدرستي من المتعينات بشهر 10 والقدامى اللي لهم كم سنة مانقلوا..
طبعا لما تطلع نتائج النقل لو اسمك منهم تكملين عامك الدراسي في مكان تعيينك ثم تنقلين من العام الدراسي الجديد لمقرك الجديد

أما النقل للظروف الخاصة يحق لك طلب النقل من يوم ماتباشرين إذا ظروفك مطابقة لشروطهم تنقلين وإذا مو مطابقة يرفض نقلك الا لو كالعادة عندك واسطة
ومو لازم تكملين السنة الدراسية في مكان تعيينك

اللي مايحق لك طلبه في سنة التجربة هو الاجازة الاستثنائية ومع ذلك في بنات اعطوهم هي طبعا واسطات