تبوك كل شي متوفر
حقل ( بحر وحلوه والاحلى العقبه الاردن 7 كيلو
ضباء ( نت وسكن تمام بس صغيره وطفش
تيماء عاديه
الوجه
املج
القريات اشواق شغب الديسه (ما انصحك فيهم النت معدوم )

المهم اي شي تبيه من تبوك وحتى المقابله الشخصيه اذا واجهك شي الخاص مفتوح

هذا ترتيب محافظات تبوك من الاقرب الى الابعد

ضباء(تبوك)ـ180 كيلو متر
حقل(تبوك)ـ200 كيلو متر
البدع(تبوك)ـ250 كيلو متر
تيماء(تبوك)ـ 264 كيلو متر
الوجه(تبوك)ـ325 كيلو متر
املج(تبوك)ـ 400 كيلو متر
قرى وهجر تبوك(تبوك)ـ تتنوع في البعد ولكن خدماتها ضعيفه


طبعا ضبا ساحليه وجوها بالصيف رطوبه وحر ومحافظه صغيره ..طبعا طريق ضبا هو نفسه اللي يوديك للمدينه وجده ووو ... وطريقه من تبوك نصه سيدين والباقي سيد واحد كله لفات وبعضها خطيره

حقل محافظه هاديه وساحليه لكن جوها احلى من ضبا ... طريقها من تبوك ..تقريبا 80 كيلو سيدين والباقي سيد واحد ..وكمان فيه لفات ...يميز حقل ان الاردن قريبه منك عن طريق منفذ الدره حوالي 10 كيلو متر ...

البدع قريبه من اجواء الساحل .. وطريقها من تبوك 150 كيلو متر سيد واحد فيه اكتاف ومرتب لين توصل مكان اسمه شرما وتفرق يمين سيدين تقريبا 080 كيلو لين توصل البدع

تيماء من تبوك سيدين لين توصل لها ... وهي رايقه وهاديه وخدماتها معقوله جدا ..طبعا من طريق تيماء تقدر تكمل ع حايل والقصيم والرياض ..يعني تكون اقرب لك


الوجه واملج تكون بعد ضبا ...يعني ونت رايح لضبا تتعداها عشان توصل الوجه واملج ... وماعندي فكره عن الامكانيات


والقرى والهجر انت وحظك من ناحية المسافه ...بعضها قريب وبعضها مشوار ..


اتمنى لك سنه دراسيه جميله

خريطة المملكة بامكانك ان تحسب المسافه فيها بشكل سهل
http://tourismmap.scta.gov.sa/
الله يوفق الجميع

بيض الله وجيهكم

اشهد انكم رواعي فزعات

على كذا القلب مال لحقل

الله يكتب الي فيه الخير

شباب وش اقرب قرية او محافظة للمدينة المنورة من اللي تابعه لتبوك

الله يشرف مقدارك اخوي والله يسمع منك

لكن ياليت توضح كل قرية او محافظة كم تبعد عن المدينة اذا تقدر

وبالاخص املج كم ؟

الله يبعد الهم عنك يالشنب