تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
23-06-2008, 02:42 AM
|
||||
|
||||
ديوان الامير محمد بن احمد السديري
حبيت اقتطف لكم اروع قصائد الشاعر المميز الله يرحمه  وهذه بعضٌ من اجمل قصائده ************************* آملا ان تحوز على رضاكم وطامعا في إضافة ماتجود به ذاكرتكم الراقيه تحياتي واحترامي للجميع  الله مـن هـم بروحـي سهجهـا بخافي ضنيني في كنين الحشا لاج احر مـن نـار توقـد وهجهـا منها خطر روحي على سلك ديباج وعينٍ عسى المولى يعجل فرجهـا يفوح ناظرها كما عيـن هـدّاج استرسلت للدمـع ممـا رهجهـا غيظٍ يكظ اعبارها مثل الامـواج كم واحـدٍ لـه غايـةٍ ماهرجهـا يكنها لو هـو للأدنيـن محتـاج يخاف من عوجا طوالٌ عوجهـا هرجة قفا يركض بها كل هـراج يقضب عليك المخطيه من حججها حلوٍ نباه وقلبه اسود من الصـاج الله خلق دنيـا وسابـع فججهـا وعن مايريب القلب لك كم منهاج والرجل وان شطت لياليك سجهـا عسى تواليهـا تبشـر بالافـراج $ 2 $ يقول مـن عـدا علـى راس عالـي رجم طويـل يدهلـه كـل قرنـاس في راس مرجـوم عسيـر المنالـي تلعب به الارياح مـع كـل نسنـاس في مهمه قفـر مـن النـاس خالـي شتاق له من حس بالقلـب هوجـاس قعـدت فـي راسـه وحيـد لحالـي براس الطويل ملابقـه تقـل حـراس متذكـر فـي مرقبـي وش غدالـي وصفقت بالكفين يـاس علـى يـاس اخـذت اعـد ايامـهـا والليـالي دنيا تقلـب مـا عرفنـا لهـا قيـاس كم فرقت مـا بيـن غالـي وغالـي لوشفت منها ربـح ترجـع للافـلاس ياما هفـا بـه مـن رجـال مدالـي ماكنهم ركبو علـى قـب الافـراس ولا قلطـوهـن للكمـيـن المـوالـي ولاصار فوق ظهورهن قطف الانفاس ولارددو صـم الـرمـك للتـوالـي كل يبي مـن زايـد الفعـل نومـاس مـن بينهـم سمـر القنـا والسلالـي مثل البـروق برايـحٍ ليلـة أدمـاس يقطعك دنيـا مـا لهـا اول وتالـي لو اضحكت للغبن تقـرع بالاجـراس المستريح اللـي مـن العقـل خالـي ما هو بلجـات الهواجيـس غطـاس ماهـوب مثلـي مشكلاتـه جلالـي ازريت اسجلهـن بحبـر وقرطـاس حملـي ثقيـل وشايلـة باحتمـالـي واصبر على مر الليالـي والاتعـاس وارسي كما ترسـي رواس الجبالـي ولا يشتكي ضلـع عليـه القـدم داس يابجـاد شـب النـار وادن الدلالـي واحمس لنا يابجاد ما يقعـد الـراس ودقـه بنجـر ياظريـف العيـالـي يجذب لنا ربع على اكـوار جـلاس وزله الـى منـه رقـد كـل سالـي وخله يفـوح وقنـن الهيـل بقيـاس وصبـه ومـده ياكريـم السبـالـي يبعد همومي يـوم اشمـه بالانفـاس فنجـال يغـدي مـا تصـور ببالـي وروابع تضرب بها اخماس واسـداس لاخـاب ظنـي بالرفيـق المـوالـي مالي مشاريـه علـى نايـد النـاس لعـل قصـر مـا يجيلـه ظـلالـي ينهـد مـن عـال مبانيـه للسـاس لاصار مـا هـو مدهـل للرجالـي وملجا لمن هو يشكي الضيم والبـاس بحسنـاك يامنشـي حقـوق الخيالـي ياخالـق اجنـاس ويامفنـي اجنـاس تجعـل مقـره دارس العهـد بالـي صحصاح دوِّ دارس مابـه اونـاس البـوم فـي تالـي هدامـه يـلالـي جزاك ياقصر الخنا وكـر الادنـاس متـى تـربـع دارنــا والمفـالـي وتخضر فياض عقب ما هيب يبـاس نشـوف فيهـا الديدحـان متـوالـي مثل الرعاف بخصر مدقوق الالعـاس وينثر على البيـدا سـوات الزوالـي يشرق حماره شرقة الصبغ بالكـاس وتكبـر دفـوف معبسـات الشمالـي ويبني عليهن الشحم مثـل الاطعـاس $ 3 $ اللي هتف باسمـاه قلبـي ونـاداه حتى الضلوع بوجدها صفقت لـه اللي غرامه تل قلبي مـن أقصـاه وبالدمع عيني خيّلت وامطرت لـه اللي عسفت النفس لاجله ولرضـاه والرجل في سمر الغداري عنت له بيا سبب عهد الهـوا ليـه ينسـاه وينسى تخطي رجلي اللي خطت له الرجل لو هو نازح الدار تنصـاه على حثاث القاع يا ما مشـت لـه أموت من فرقـاه واحيـا بذكـراه والروح خلت جسمه وانتحـت لـه قولو له أنه عـذب القلـب وأدمـاه وحـي يـود لقـاه مالـه بقتـلـه ياكـود والله غيبـة عقـب لامـاه وعيني بكت فرقاه ثم اخجلـت لـه ماصاب قيس بحب ليلـى توطـاه ولوعات قيس وماجرى له جرت له مالاق له غيره من الناس مشهـاه ويعاف كل الخود لو عرضت لـه ان شاف زوله مغرم القلب يبـراه وان غيـر صـد مايلتفـت لــه أغليه لامانسـاه واذكـر سجايـاه لوهو بعيد الدار نفسـي هفـت لـه معذبي بالحـب وان حـل طريـاه اسرار ودي بالضمير اهتفـت لـه لو هو ظهر للناس وابـدى محيـاه كل الخلايق بالجمال اشهـدت لـه عزاه ياقلب على الصبـر ماقـواه لو مابغى الفرقا عصت واخطمت له عزي لمن دمعه على الخد مجـراه ودنياه غيب نورها مااسفـرت لـه قولو لبن سلوم ابـو زيـد ينخـاه يوم ان غارات الهوا صادفـت لـه يتابع الونـات مـن كـود ماجـاه لوكثـر الونـات مافرجـت لــه يهيم مثل مـوده وسـط مضمـاه يذكر سنين بالـوداد ضحكـت لـه ماجت لـه الدنيـا علـى ماتمنـاه وذياب ياسه من حبيبه عودت لـه يكفيه من جور الهوا ربـع ماجـاه وتغيرت دنياه يـوم اوجهـت لـه قلبه من الحرمان فاخـت حنايـاه من يوم باقي ايامها ماصفـت لـه هنيت من حصـل مرامـه بدنيـاه والورق بلحون السعد غـردت لـه هنيت من حصـل مرامـه بدنيـاه والورق بلحون السعد غـردت لـه المولع الي في طريق الهـوا تـاه لومابغاه اشراك دربه سعـت لـه $ 4 $ اهلا عـدد مامـال ريـح بنبنـوب من خاطر هـرج الـردا ماهذابـه أحلى من السلسال في صافي الكوب وألذ من نقـع المطـر مـن ربابـه من خاطر يشفق على كل محبـوب ويجعل رفيقـه دون كـل القرابـة يكن لـه ماكـن يوسـف ليعقـوب ويحمى قفاه بحضربه مـع غيابـه ويذريه ما يشكي عنا كل لا هـوب ويزيد له بالطيب عن ماهقـى بـه العمر من دونه رخيص ومجلـوب ولا يستمع بهروج حي حكـى بـه نفتح له صدور تذرا ورى جيـوب وعن مـا يعيـب منزهيـن شنابـه يا ابن العسيلي مابكم كـل معيـوب حاشـا ولا فـي طيبكـم مايعابـه لكم على الجودا محاريـف ودروب وراسين مثل المعتلي مـن هضابـه ودياركم حامينهـا بكـل مسلـوب وياما دخلتوا دونهـا مـن حرابـة وياما نثرتوا دونها الـدم مسكـوب أروى لعطشان الثرى مـن ترابـه ياهل السبايا اللي لها الأصل منتوب معمقات مـن عصـور الصحابـة سلايل من فوقها حـرب لحـروب دايم علـى الـردات عـوج رقابـه وإن جاء نهار مشعل الحرب مشبوب فأنتم على الطوعات مثـل الذيابـة نعم بكم والسيف مشهر ومقضـوب إن حل بأطراف الجهامـة ضبابـة أعني بني سالم ومسروح ووهـوب ما اقولها بأهـل الـردى والخيابـة وادي الرمة من ولبكم صار مهيوب بـروس البلنـزا مبعديـن رحابـه وليا غزوا يمه غزاة لقـوا شـوب وطبوا على بحـر تلاطـم غبابـه الطيب لأهل الطيب يذكر ومنسـوب وكل علـى طولـه يفصـل ثيابـه والناس في دنياك غالـب ومغلـوب وكل علـى شفـه يوجـه ركابـه واللي من أفعال الردا فيـه شـاذوب هذاك كساب الخنـاء فـي شبابـه اختر رفيق بالقسا يقضـي النـوب وابعد عن المنزوع قل لا هـلا بـه $ 5 $ الصدر ضاق وحاير الدمـع دفـاق من ناظر(ن) من حاير الدمع مرهوق دمع تكبه عيـن عاشـق ومشتـاق ارعد سماها بالغضب ومطر الموق الا سفح من فوق الاوجان وانسـاق يسيل منه معيلـت مرتـع النـوق محدن رحمني يوم الاقـدار غـراق منجور دمعـاتٍ تكسـر بصنـدوق صدر من الفرقاء رمع فيـه دقـاق ووجس معاليق الحشا يشعلن فـوق فاذا بغيت ادلـه تذكـرت الافـراق طفلا على شل المعاليـق مطفـوق طفلا نقل بالزين غضات الاعنـاق عزالله انه طالنـي منـه ملحـوق في مامضا دنياي جتلـي بالاوفـاق وردت عددهن قبل ماهوب مطروق جيت الحبيـب دالـه بالكـرى راق ومجوهرات امبيسمـه ذقتهـن ذوق يوم انتبه لي صاحبي بعـد مافـاق اصبح يعاتبني على الغدر والبـوق يقـول مامثلـك للجـواد ســراق ولاانت على هذا من الناس مسبـوق قلت ارحمو من زاركم ماله ارفـاق ورووس الافاعي بالقدم حطهن سوق ماله رفيق وبـه يضيقـن الافـاق واذا جفيتـو مايبـي كـل مخلـوق فطلق حجاجه وبدل الوجه بشـراق وافتر عن بيضاء تكاشف بها اوراق فنهن سقاني كاس خمـرا بتريـاق زود على ماصار بالغدر مسـروق احباب لحباب تعاطـف بالاريـاق وارواح تحيا بين عاشق ومعشـوق هو حط ذرعانه لي افراش وارواق وانا لويت العضـد لمعنقـه طـوق ثوبه نظيف ولاوطى فيـه عشـاق وثوب الخنا يجوز به كل منطـوق $ 6 $ انبيك يامن هو عـن الحـال نشـاد شف دوك قلبي من محانيـه مفقـود مشيـت بـدروبٍ عتيقـات وجـداد ولقيت بيبـان المـوده بهـن كـود دخلتهن عقب العناء هـو والاجهـاد وقبلي دخلهن ناظـم الـدرع داؤود مابين حام وسام جور الهـوى سـاد في كل قلبٍ شاغل الحـب ماجـود كـلٍ علـى مـاراد صـادر ووراد عـدٍ لكـل الخلـق بيّـن ومـارود الـود قـد هـدّا صليبـيـن الأولاد البيض تشهد به وتشهد بـه السـود لي فيه قرّر صافـي الخـد ميعـاد ودخلت ماميزت للنقـص والـزود صادفت ملهوف الحشا ظبي الأجراد طفلٍ عليه من البهـا ستـر وعقـود طفلٍ نفل بالزين غضـات الأنهـاد به سحر هاروتٍ وماروت منضـود له قلت راع لحالتي يابـن الأجـواد ارفق على قلبٍ من الحب مضهـود لجلج بسودٍ طرفهـن للحشـا جـاد وادي فؤادي عقبهن تقـل مجـرود وخلاني اجرع بالهوى كـل ماكـاد كني بوسط الموج تلعب بـي النـود ونيت من كود العنـا عقـب ماكـاد ونة خالوجـيٍ علـى جلـد مفـرود ماينفـع العشـاق ترديـد الأوجـاد ان شاف من غاليه ميلات وصـدود من عقب فقده حاربت عينـي الـزاد وعيني لها عن لذة النـوم راصـود بغيت اجيب اسمه على روس الأشهاد لولاه يلحقني مـن النـاس منقـود انا ونفسـي عقـب فرقـاه بجهـاد واغضي وكن بناضري يرتكز عود صبرت واثر الصبر يرّث بالاكبـاد وخلا فؤادي خافـق القلـب ملهـود فرقا لطيف الـروح لاعـاد لاعـاد القلب من فرقاه يرعـى بـه الـدود يازبن قلبي فيه جـور الهـوى زاد كنه بما جاء قيس يازبـن موعـود من غـاب عنـي ماتهنيـت برقـاد قلبي لقلب مغيـزل العيـن مشـدود يمشي معه يازبن فـي كـل مـاراد ماله عن الغالي محاريف وصـدود لو ان قلبي من صليب الصخر بـاد ومن المحبه صار به كسـر ولهـود يازبن شفت الكود من جور الأنكـاد وحبٍ دخلت احماه حبٍ بـلا حـدود الله يذكـر مـن فقدنـاه بـجمـاد وانك تلـم الشمـل ياخيـر معبـود $ 7 $ حل الرحيل وفرقوا شمل الاحبـاب ناس على فرقـا الاحبـه مغاليـل غدى لهم مع طلعة الشمس ضبضاب وسالت دموع العين مثـل الهمايـل وقفت اراعي سيد تلعات الارقـاب واغضي وهو يغضي بسود مظاليل بشفاه يظهـر ماتخفـى بالالبـاب وبشفاي افصل له عن الحال تفصيل اسرار ودٍ بين صايـب ومنصـاب نجوى لها باقصى الضماير مداهيل سرايرٍ تنساب من تحـت الاجيـاب لصدورٍ اطهر من قراح الشهاليـل روحي على حبه لهـا كـم جـذاب ويتل قلبي عذب الانيـاب بالحيـل لوان حبه يطعـن القلـب باحـراب ابرى ليا شميـت بيـضٍ معاسيـل على نقـا مانـي بغـادر وكسـاب وبالعرض والله ماندور محاصيـل ماني بمن يجرح عشيره بالاسبـاب ويحط له مع كـل ريـعٍ محابيـل بس الحديث وقرعة النـاب بالنـاب واظهار مكنـون الغـلا والتعاليـل عزي لمن مثلي من الحب منصـاب تارد عليه همـوم قلبـه زعاجيـل اليا رقـا مرقـاب نـاداه مرقـاب بمفارق الخـلان شـاف الغرابيـل الله لايجـزي عريبيـن الانسـاب لو هم على ماقيل سوٍ علـى الخيـل الي سعوا بافراق وضاح الانيـاب وخلوني اجزع من عنا الغبن واشيل فرقا ومنها القلب وسط الحشـا ذاب وعسى هل الفرقا لهم صافي الويـل عسى يصادفهم من الغيـث سكـاب وبله غضب مابيه يمطر لهم سيـل ابيه يجدع مثـل قـلات الاطـواب منها البرد ينمـاز كبـر المخاليـل وصواعقٍ منهـا المواليـد شيـاب والحي منهم ذاهـل العقـل بهليـل بامر الكريم ومن ترجـاه ماخـاب يمطر عليهم مثل ماجا هـل الفيـل الا لطيف الروح يذريـه بحجـاب كنه براس الطور وهمْه ورى النيل ويرجع علينا جادلٍ يزها الاسـلاب من خلقته مانيش عرضه ولا قيـل بـه مايعيبـه للبعيديـن واقـراب حاشا ولا تلقـى عليـه المداخيـل نقي عرض ولا عشق كل نصـاب الجوهر الغالـي رفيـع المناويـل وانا يصارحني بلا سـر وكتـاب وعن حالته يشرح لي العدل والميل هرجه على قلبي كما الشهد ينـذاب وقلبي على قلبـه يـرد المراسيـل كنه بعيني لو غضب كـل عتـاب بدرٍ تعلى كوكب الجـدي وسهيـل طفلٍ سلب مكنون عقلـي والالبـاب عليه اجـاوب نايحـات البلابيـل ياشطون قلبي زجي السـر بكتـاب مني لابو غشـام زبـن المشاكيـل قولي رفيقه من هوى الزين ماتـاب ويرجيه رجو البدو وبل المخاييـل وبالليل ياقف له عن النوم حـراب وكنه يلوج بمـوق عينـه سماليـل $ 8 $ الله مـن قلـب يزيدارتهـاجـه يلعب به الهاجوس من كل فجـي كنه على موج البحر فوق ساجه بعواصفٍ منها البحر مستلجـي الدمع من عيني يزيد انزعاجـه يشدي هماليل السحاب المحجـي على عشيرٍ صار للقلب حاجـه متولعٍ بـه عنـه عيـا يسجـي طفلٍ لوى قلبي على الحب عاجه وقلب الشقا طول عليه الترجـي ان قذني بالعين واسفر حجاجـه سهوم طرفه للظمايـر تخجـي قلبي مريض وشوف خلي علاجه ومشاهـد الغـالـي (00و00) قلت المواجه قال مامن مواجـه الليل قمراء والضـواري تلجـي ياصاحبي رحماك بالوصل فاجه حيٍ حياته عند غيـرك تلجـي ان جيت لك قلبي يزيد ابتهاجـه ولك كل بيبان الظمائـر تهجـي يانور ليلي وانت مشعل سراجـه ياجنتي ماغيـرك احـدٍ يهجـي الحب مابه ياعشيـري لجاجـه وحبٍ ماهو حبي ظـلامٍ مدجـي الرجل تمشي لين تاصل مداجـه بارضٍ سقاها كل مزنٍ مدجـي من رايحٍ برقه يزيـد التعاجـه وبله حقـوق ولا تقفـاه عجـي $ 9 $ قالو تتوب وقلت بالطـرف مصيـوب والله ماتـوب وصافـي الخـد ماتـاب قالـوا تحملـت المواثـيـم وذنــوب قلت الذنـوب لهـا موازيـن وحسـاب قالـوا تـرى مايفعـل العبـد مكتـوب قلت افهم الـي تذكرونـه يالاصحـاب قالوا جهلـت وعقلـك اليـوم منهـوب وكشفت سرك بين ربعـك والاجنـاب قلت الهوى لقلوب الاحبـاب مرغـوب ايات حـبٍ صـورت وسـط الالبـاب قالوا بعقلـك ضايـع الفكـر منكـوب قلـت المـوده ماتداويهـا الاطـبـاب عقلي معي ماني مـن العقـل مسلـوب انا الغريـق وكـل شـيٍ لـه اسبـاب كان انكم تـدرون بالـي شفـى ايـوب وجدٍ سطـى بالقلـب والحـب غـلاب انا غريقٍ مـع هـل الحـب منسـوب في زمرة العشـاق بالحـب منصـاب ماطـف لـي زادٍ ولا اريـد مشـروب الي صفا لي صاحبي عسـل الانيـاب يغضى بعينـه وافهـم العلـم مقلـوب واسـري عليـه بليلـةٍ نورهـا غـاب ويرخص لي الغالي الى حـل ماجـوب وعن القرايب حط لـي ستـر وحجـاب وابعدعن الشكه ولا انـوش لـه ثـوب الا الحديـث وقرعـة النـاب بالنـاب اخاف يصبح زين الاوصاف معيـوب وهو عليه مـن الشـرف كـل جلبـاب وعرضه نضيف ابيض ولا فيه عذرو بولا حكـوا فيـه البعيديـن واقــراب عليـه وجـدي فايـقٍ وجـد يعقـوب وقلبي من اسبابـه بوسـط الحشـا ذاب يلومنـي مـن لاشكـى حـب نبنـوب طفـلٍ قرونـه ماتغطيـه الاســلاب طفلٍ نهب عقلي بضحكـات وعجـوب فتـان لقلـوب العشاشـيـق نـهـاب اصبح هو الغالب وانـا منـه مغلـوب غـدا بعقلـي بيـن شـاري وجـلاب ان كان شفته صفـق القلـب مرعـوب بالصـدر كنـه بيـن لاوي وجــذاب والدمع من مـوق النظيريـن مسكـوب
يخضر ديارٍ ممحلـه عقـب الاجـداب 
|
| أضف رد |
|
(( لا تنسى ذكر الله )) |
|
|
|
|
العرض العادي
