20-08-2013, 02:10 PM
|
عضو مهم
|
|
تاريخ التسجيل: Apr 2013
المشاركات: 285
معدل تقييم المستوى: 23
|
|
انا 10 سنوات الى الان يمكن 25 شركة اشتغلت فيها أعلى راتب تقاضيته 4500 وكانت دوام 10 ساعات والدوام بالشمس وحسيت اني جالس اخسر صحتي يوم بعد يوم واستقلت وانا اكلمك الان جالس بالبيت بدون عمل
من وجهه نظري المشكلة تكمن بالدولة هي الي لازم توفر بيئة عمل مناسبة ماتطلب من الشركات سعودة وخلاص بستين داهيه !! لازم متابعة من وزاره العمل يعني مثلا مناديب من الوزاره تروح لشركات القطاع الخاص وتتأكد هل فيه ضغوطات على الموظفين ؟ هل الشركة مجبره على السعودة ؟ هل فيه استغلال للأسم كسعودة والموظف مايشتغل يداوم بمكان ثاني وياخذ مبلغ زهيد وتستفيد الشركة من أسمه في برنامج نطاقات والا طالب ويستغل السعوده وهو يدرس ؟ بكذا أخذ فرصه غيره وغيره بدون عمل يعني ما استفدنا شي هذا نظام السعودة لازم يكون فيه متابعه وأهتمام
والمشكلة الثانية الي هي الحد الأدنى للرواتب المفروض لازم يكون مناسب للمواطن السعودي مايكون راتب هندي ماعنده مشكله يصير غني في بلده لازم يكون يكفي احتياجاته ويأهله انه يكون مستقبلة
من خلال السنوات الي أشتغلت فيها بالقطاع الخاص كنت لما ادخل الشركات أحس اني في غربه ما أحس اني في بلدي القطاع الخاص كله أجانب والأجنبي يعامل أحسن مني ب 100 مره هذا السبب الي يخليني كأني مسافر برى وأشتغل ببلد غير بلدي السعودي لازم يمنح مميزات أكثر من الأجنبي والي حاصل العكس
الوظائف الحكومية وسطات يعني الي ماعنده واسطه زي حالاتي لازم يتمرمط بالقطاع الخاص ولا حول ولا قوة وموكل الحكومي راحه وراتب والقطاع الخاص كذلك القطاع الخاص .. انا وصلت مرحله اني خلاص مابي شي لا وظيفة ولا هم محاولات فاشله على مدى 10 سنوات يمكن يجي واحد يقول انت فاشل لكن يمكن ضروفة هو كانت أحسن من غيره القطاع الخاص يستغل السعودي ويحلل راتبه بأي وسيلة يعني ( مشروع السعودة فاشل بكل المقاييس )
الموضوع معقد الدولة تقدر تعطي رواتب وتوفر للمواطنين ولكن ماتبي الشي هذا فيه فساد الله أعلم فيه
كلامي غير مرتب وفيه أشياء كثثثثثثثثثثيره ماقلتها مغبووون مالي خلق أشوف الناس صار عندي حقد على المجتمع والناس أحقد عليهم بدون سبب صرت أجلس بغرفتي عشان ما أعصب على أحد من أهلي واجرحة بكلمة .. سحبت على كل أخوياي بديت أفكر بالألحاد وبديت أحس أن الدعاء مافيه اي نتيجة بذلت كل الأسباب ولكن ومافيه أي نتائج .
التعديل الأخير تم بواسطة عاطل مستاء ; 20-08-2013 الساعة 02:16 PM
|
العرض العادي
