لاهل الخبره ساعدوني وشورو علي

ابلة نورآ · #1 (**permalink**) 27-08-2013, 03:21 PM

السلام عليكم

يسعد ايامكم ي رب انا جايه وابي مشورتكم وخبرتكم افيدووني جزااكم الله بالخير

انا طال عمركم قدمت بشركة متعاقده مع ارامكو وسويت المقابله اليوم وكان كل شيء تمام وعلى قولتها ننتظر موافقه السوبر فايزور وعلى ضوءها اباشر بالعمل

المهم بنفس اليوم جاني اتصال من مدرسة اهلية طلبوا مني اني اباشر بالعمل عندهم من بكرا

زااادت حيرتي الحين مدري ايش اسوي هل اخلى وظيفة ارامكو واروح للمدرسة
مع العلم ان ارامكو بتوظف فيها ك CLIRK براتب 3000 والمدرسة براتب 5600 طبعا انا محتارة للحين مو عارفه راسي من رجلي

المهم السؤال الاهم من هذا كله الحين انا لا داومت في ارامكو بالمسمى الوظيفي CLIRK هل فيه احتمالية انوو اترقى لقريدات عالية ويزيد راتبي ولا بظل نفسي م راح اتغير و تصير شهادتي مهملة مع العلم شهادتي قوية جدا حاسب الي مع مرتبة الشرف الاولى

CLIRK هو اني اشتغل شغل مكتبي فقط زي السكرتيرة اسوي رسايل تقارير جداول وهيك حسب اللي شرحته لي الموظفه

اتمنى تفيدووووني باقرب وقت لان بكرا المدرسة مواعديني

عبود الروقي · #2 (**permalink**) 27-08-2013, 03:39 PM

شوفي ي قلبي
الشركة يكفي انها متعاقدة مع ارامكو
والكل يعرف ارامكو غنية عن التعريف
اذا كانت للمدرسة حكومية روحي لها بس بشرط انك تكونين موظفه رسمية وبالخدمة المدنية
اذا كانت لا قطاع خاص اجل روحي لشركة
مع العلم ترا الشركة يمكن اختلاط ع عكس المدرسة

و بالتوفيق لك

ابلة نورآ · #3 (**permalink**) 27-08-2013, 04:51 PM

ي اخ عبود مشكووور ع ردك

بس ارامكو متعاقده مع الشركة هذي ومسمى الوظيفة مراسلة كليرك ومدري اذا بيتطور في القريد والراتب ولا بظل ثابته كذا طول م انا شغاله في الشركة وهذا اكيد احباط انا عندي حماسة للشغل مو طبيعيه واخاف هالشيء يكسلني مع العلم للحين م ردو لي الشركة بس اعتبرت مقابلتي اليوم موافقة مبدئية منها

اشراقة ش · #4 (**permalink**) 27-08-2013, 05:01 PM

والله مدري استخيري بس انا طفشششششت من المدارس الاهلية لدرجة نفسيا مو متقبلتها ولاراتبها

يعني انا محتاااااجة بشكل ماتتخيليه للراتب ظروفنا حاليا صعبة بس فضلت قعدت البيت عليها

وبكرة عندي مقابلة في البنك العربي ادعيلي بالتوفيق

ابلة نورآ · #5 (**permalink**) 27-08-2013, 05:55 PM

الله يوفقس ويسهل عليس وتعدي على خير المقابلة اهم شيء وانا اختس الثقة بالنفس مهما كانت الاسئلة وبشرينا

سيرجانت · #6 (**permalink**) 27-08-2013, 06:56 PM

اذا ما كان عندك مشكلة من الوقوف فالمدرسة افضل لان فرق الراتب بينهم يصل تقربياً لضعف

سااري االليل · #7 (**permalink**) 28-08-2013, 12:43 PM

شوفي و أنا أخوك نصيحتي لكي خذي وظيفة المدرسه راتب 5600 حلوه و لا فيه إختلاط أحسن من الشركات إختلاط و راتب 3000 , و أنا موظف في شركة متعاقده مع الرئاسة العامة للرعاية الشباب و الراتب على ما هو عليه 3000 و لا ترسيم يشملني و لاشيء , ولا يغرك أن الشركة متعاقدة مع ارامكو و هذا انا موظف في شركة متعاقده مع (الحكومه) و راتب زفت و كرف
روحي مدرسة احسن لك راتب حلو و ستر أحسن من شركة راتب ضعيف و اختلاط