بالله رجعو الموضوع للصفحه الاولى يامشرفين

انا فقدت الامل ولكن الحمدلله اليوم جاني الايميل منهم على المقابله الشخصيه واللي جاه الايميل يشاركنا

تجمع المتقدمين لبرنامج تدريب الأمن في جامعة الملك عبدالله KSAP 3 :

https://www.btalah.com/t536011.html

انا جاني ايميل بالمقابله الشخصيه اليوم والمقابله يوم التلوت ان شاء الله جتني رساله على الايميل والله مع اني كنت فاقد الامل وربي لكن الحمد الله الحمد الله الحمد الله يارب لك الحمد خلاص سهاله يعيال المقابله سهله زي ماقالي واحد من العيال اسمعو اي سؤال يسالوكم هو قولو اوك ايوه نقدر لاتترددو لو سالك سؤال ورديت واللهي او مدري او يمكن او على حسب انتبهو انتبهو انتبهو اي شيى يسالكم هو قولو نقدر هما بس يسالوك يتاكدو من قوه الشخصيه عندكم وتقبلكم للوظيفه واتمنى للجميع التوفيق

ياخي عندي سؤاال الان في مقابله واختبارات قياس مستوى في الانقلش وفيه اختبار تحديد لياقه يعني الواحد يجيهم مرسم ولا بلبس عادي... تخيل نهرول بالثوب صعبه

صراحة حست وحست الين تعبت ؟؟ يا ريت احد الاخوان الي سجل وتمت عملية التسجيل معاه مضبوط يكتب لنا الخطوات دام التسجيل بالانجليزي ؟؟ وين نروح لما نفتح الرابط ثم ثم ؟ جزاكم الله خير

جزاك الله خير

ابي افيدكم بنقطه


انا راح افيدك بلي اعرفه

عموما

المشوار صحيح متعب للي ساكن بعيد عن العمل وساهر ملغم يعني مايمديك تسرع

الدوام شفتات 7 ايام متواصله في الصباح ويوم اجازه وبعدها 7 ايام ظهر اللين الساعه 10 ويومين اجازه وبعدها 7 ايام في الليل اللين الصبح وبعدها 3 ايام
الاجازات والله صعبه بحكم ضغط العمل والنقص
الدوام 8 ساعات كامله وزد عليها حق المشوار ساعه رايح وساعه جاي ولازم تجي علي الوقت بضبط

الترقيات صعبه في السكيورتي انت سيكيورتي ترا


الترقيات صعبه صعبه جدا جدا

المدراء الشفتات بعضهم نفس راتب السكيورتي لانهم كولهم بتكليف هم اصلن سكيورتي بس مكلفينه بذا العمل
الراتب كبدايه حلو لك لكن قدامك طريق طويل لسا في اشياء يبون ينضموها

يعني مثلا انت تشتغل مع واحد زميلك علي الباب مو نفس الراتب بس لكن العمل واحد

السلام عليكم

الاخوان الي جاهم ايميل بخصوص المقابله الشخصيه يوم الثلثاء غدا بتاريخ 8 /10 / 2013

بالنسبه للحضور يا اخوان تمام الساعه 8 صباحا - الانتضار في مبنى الزوار

الساعه 8:10 في باص مخصص للمرشحين للمقابلات الشخصيه رح ياخذنا للجامعه وسياراتنا رح تضل بره الين نخلص ويرجعنا الباص لمنى الزوار وقت الانصراف

وقت الوصول لهناك رح نبدء اختبار قياس انجليزي الى الساعه 10 صباحا

وبعدها رح يكون في مجموعه من المقابلات الشخصيه مع قسم الموارد البشريه والتدريب في الجامعه من الساعه 10 الى الساعه 5 عصرا

بعد تجاوز المقابلات الشخصيه بعدها بيكون في مرحله مطابقه بيانات وبعدها البدء في برنامج التوظيف .

بالنسبه للاشياء الي تجيبها معاك في المقابله /

1 - سماعات هيدفون عشان اختبار الانجلش ( ضروووووري يا اخوان لا تجي بدونها وتحرج نفسك لان الطلب واضح)
2- صوره شخصيه عشان يحطونها على السيره .

بالنسبه للبس يوم المقابله الشخصيه /

1 - الزي السعودي كامل
2 - بدله رسميه ( قميص - بنطلون - كرفته )

حسب الاختيار الي يناسبك


بالنسبه للاخوان الي استفسرو عن موضوع اختبار اللياقه /

مافي اختبار لياقه ولا اي اختبار جسدي او نفسي فقط الاختبارات الاداريه مثل الانجلش والمقابلات الشخصيه لاغير

نصيحه يا اخوان الحضور في الموعد المحدد يعني 8 بالظبط تكون بانتضار الباص لانك رح تكون خاضع للتتقيم من اول ماتحضر الين تخلص وتتوكل على الله

في حالة القبول النهائي رح يكون في فتره تدريب في البرنامج الخاص فيهم لمدة 6 اشهر الى سنه على حسب مستواك وخبراتك السابقه والانجلش تبعك مع العلم انو فترة التدريب يصرف راتبك مع البدلات وبعد انتهاء فترة البرنامج رح يزيد راتبك وتاخذ جميع مميزات الموظف الرسمي ورواتبهم جدا عاليه وتامين طبي vip ومميزات حلوه

بالنسبه للسكن غالبا مارح يكون متوفر لانو في المقابله الاوليه ركز جدا الموظف على نقطتين ( تقدر تشتغل شفتات - تقدر تداوم يوميا لثول ) فما اعتقد انو السكن متوفر هناك يعني تحسب حسابك يوميا ساعتين او اكثر للطريق فقط غير 8 ساعات عمل بما يعادل يوميا 11 ساعه تقريبا يوميا مخصصه لدوامك والمشوار من والى الدوام.


اي استفسار انا جاهز يا اخواني مع العلم انو معلوماتي موثوقه جداا من موظف في الموارد البشريه
وبالتوفيق لنا جميعا

السلام عليكم ورحمة الله وبركاته

يوم امس كان التجمع الاول للمقبولين مبدئيا في برنامج الكاوست الامني 3 KSAP

حسب ماعرفنا من الموارد البشريه انه عدد الي تم ترشيحهم للبرنامج 70 شخص ذكور واناث
والبارح كان عددنا كامل 42 شخص منهم 6 بنات فقط والباقي شباب
والعدد الباقي لهم موعد يوم ثاني
اخذ الباص المرشحين لمقر الموارد البشريه في الجامعه بعد ماعملو تصاريح في مكتب الزوار وكان في البدايه اختبار تحديد مستوى انجليزي على الكمبيوتر بسيط لاكن احترافي البرنامج يطلع مستواك الفعلي في اللغه وكان شامل للقراءه والاستماع والكتابه بس التركيز كان على الاستماع
بعدها جمعونا كلنا في قاعه مناسبات كبيره في المعرض تبع الجامعه وكان تعاملهم جدا راقي ومحترم في توفبر الطاولات والكراسي وبوفيه الفطور والمشروبات
وبعد نص ساعه تقريبا عملو اكثر من عرض مرئي وشفهي للجامعه والاجهزه الامنيه داخلها ومتطلبات الجامعه للتوظيف بشكل عام والتوظيف الامني بشكل خاص
جميع الاشخاص الي كانو من الاداره الامنيه مدراء ومسئولين ومشرفين ومراقبين جودة
بشكل عام كان التعامل والعناصر الموجوده احترافيه
وكانو تقريبا عارفين كل شي وكل سيره ذاتيه لكل واحد كان موجود في القاعه بشكل رهيب
مديرهم بمجرد ماتعطيه اسمك يتذكر سيرتك الذاتيه والمعلومات الي عبيتها في ابلكيشن النوظيف الي في الموقع مع العلم انو القاعه كان فيها 42 مرشح
بعد العرض اتعرف علينا المدير بشكل جماعي خفيف وكان تعامله محترم جدا بشوش يوصل المعلومه الي يبغاها بشكل مزاح وخلي جو المقابلات جدا مريح وبسيط
وبعدها خرجونا في الانتضار وبدءو يعملو لمقابلات الشخصيه كل واحد لحاله
بالنسبه لي خلصت مقابلتي على الساعه 1 ونص تقريبا وكان باقي عدد كبير ينتضر بره
طبعا سمحو للي انهى المقابله الشخصيه انو يتوكل على الله

البرنامج التدريبي مدته سنتين اجباريه مع دوره عسكريه في الاخير في الحرس الملكي اجباريه وبعدها توقيع عقد التوظيف
ودورة الحرس الملكي اجباريه يعني لو مانجحت عندهم الجامعه تلغي عقد التدريب تبعك ضروري تعدي الدوره العسكريه


بالنسبه للنتايج يا اخوان على حسب كلام الموارد البشريه انو بتكون على يوم 22 او 23 هذا الشهر بالميلادي طبعا بعد اجازة الحج

عدد المتقدمين الكلي 70 مرشح
عدد الوظائف الشاغره في البرنامج التدريبي 20 فقط

الله يسهل وبالتوفيق للجميع