وجهوني لمدرسة مهجورة

جاتوه · #1 (**permalink**) 01-09-2013, 08:33 PM

السلام عليكم
الله يعافيكم جاوبوني وش اسوي انا تعينت ف القويعية ووجهوني لمدرسه ابتدائية في متعبة وتعبتنا لين عرفنا مكانها وهي تبع الرين ع طريق بيشة المهم رحت لقيتها برااان ماوصلها اسفلت ويوم جيتها لقيتها مجرد اربع بيوت وددسن وحمار مربوط وخمس معزا
لا والمدرسه مسكره وسالنا قالوا اصلا المديرة والمعلمات نقلوا طيب ع اي اساس يوجهوني هناك ادرس المعزا مثلا طيب ورقة المباشرة وش اسوي فيها اردها للقويعية والا مندوبية الرين وهل يااثر التأخير
وبس
ن عنده علم لايبخل بوه

جريح يقوم وويطيح · #2 (**permalink**) 01-09-2013, 08:52 PM

الله يعيييينك

ويسهل عليك

روحي للوزاره وقدمي تقرير يوجهونك لمدرسه افضل

كلًّي أمل · #3 (**permalink**) 01-09-2013, 09:16 PM

انا بالقصيم قرية فيها مدرسة ابتدائية للعيال ووحدة للبنات
وفيها يمكن 3 بيوت بس
طبعا لاادارة ولا طالبات!!
فيه كم معلمة جالسات يهشون ذباب
ووقعت وطلعت ورحت للاشراف تبع المنطقه لان ماعندهم كمبيوتر ولا اختام الله المستعان
وكملت اوراقي عندهم ومشوروا فيني للبنك ثم قالو سلمي الاوراق لادارة الرجال مافيه احد يسلمها لك بالمنطقه

طبعا اول يوم تعب واجهاد ومسافه من بريدة ليست بسيطة

ومافيه اجازات استثنائية والغياب ياثر على النقل
يعني نداوم سنه الله يحيينا حياة طيبه
لان بنهايه الترم الاول تطلع نتيجه الحركة والتوجيه بنهايه الترم الثاني !!!

مدري ليه يحطونا بقرى مافيها طالبات

جاتوه · #4 (**permalink**) 01-09-2013, 09:42 PM

الله ييسر من عنده طيب المهم ورقة المباشرة وش وضعها تقعد لين تجي مديرة او اروح لادارة القويعية وهل ضروري تكون بنفس تاريخ خطاب التوجية

سلافوو · #5 (**permalink**) 01-09-2013, 10:44 PM

جاتوه روحي الاداره بكرره ضروري عشان ترفعين مباشرتك من عندهم وقولي لهم عن الي حصل لك

معلمة للغة عربية · #6 (**permalink**) 02-09-2013, 12:06 AM

ارسلت رسالتك لخوي يرسلها على الدخيني عن طريق التويتر

حسبي الله عليهم

أم جمال · #7 (**permalink**) 02-09-2013, 02:55 AM

أنا توجيهي في قرية نائية مافيها الا مدرسة ابتدائية فيها 30 طالبة ونصهم مابيحضروا
ومافيها مديرة وتبعد 4 ساعات عن مدينتي
تخصصي ادرس سادس ابتدائي بس حصتين في الأسبوع..يعني معقولة أتغرب واتبهدل سفر 8 ساعات عشان 3-4 طالبات في الفصل ..هذا ان لقيت طالبات؟
وبيقولوا القرية دي أساسا مابيعينوا فيها من فترة لانه مابيداوموا الطالبات!

نفسي اعرف آلية التعيين
منهم ماشيين بالنقاط ولا بالرغبات
لانه نقاطي عالية..والقطاع اللي عينوني فيه آخر رغبة كتبتها
إذن على أي أساس ؟؟؟؟؟؟؟؟؟؟؟؟؟؟؟؟؟؟؟؟

معلمةدين · #8 (**permalink**) 02-09-2013, 03:22 AM

على اساس التطفيش والتعقيدانا وجهوني لمدرسة بهجرة نااااائية بعقلة الصقور
والمدارس بالمدن مكتظة بالطالبات ونصاب المعلمات الى ٢٤

ام راكان انجليزي · #9 (**permalink**) 02-09-2013, 03:39 AM

جاتوه الله يكون بعونك.. كلنا حطونا بهجر الله يرحمنا
انا اشوف اول شي تروحي للمندوبية بالرين يمكن يوجهوك مدرسة غيرها وخليهم يختمو مباشرتك من عندهم واذا مافادوك اطلعي للادارة...
الله يسهلك

توفيق الرب · #10 (**permalink**) 02-09-2013, 04:12 PM

هههههههههههههههههه حلوة أدرس معزا
معذرة ع ضحكي لكن يسعد روحك أسلوبك جميييل
أتوقع انتقلوا لمبنى آخر ولو كنتوا سألتوا أحد ممكن ماعنده خبر
والإجابة من مكتب الإشراف طمنينا أول ماتعرفي
وممكن خيرة لك لو طلع توجيهك لمهجورة والأعداد كلها وجهوها فممكن يصدر أمر لمصلحتك..
وأنا كمان تعينت بأبعد قرية تتبع القطاع 150كيلو حلوة الحمدلله عند غيري ..