السلام عليكم ,,,,

إخواني منذ صغري وأنا ميولي عسكرية ....

طبعا دخلت الجامعة كي ألتحق بإحدى الكليات العسكرية طبعا هدفي منذ زمن كان على الكلية الأمنية نسبتي في الثانويةعالية فدخلت مسار علمي في الجامعه طبعا أنا بعد ما اجتزت السنة التحضيرية بمعدل مرتفع كانت فرصة قبولي في الكليات الصحية اكبر مع اني ما احب ادخل طب طبعا في تخصص جديد اللي هو أخصائي إدارة وخدمة مستشفيات تخصص حلو ومضمون الوظيفة بإذن الله بعد التخرج نظرا لندرة التخصص طبعا أنا دخلته ودرست فيه سنة والآن حولت قانون بسبب رغبتي الشديدة في دخول الأمنية ...!


تتوقعون أن تخصص القانون له فرص وظيفية ...! لو ما انقبلت في الأمنية او الكليات العسكرية

أو تشورون عليه ارجع تخصصي ادارة صحية مع العلم اني خايف بس اني لو تخصصت قانون اطيح عاطل اذا ماقبلتني العسكرية.

توجيهكم ومشورتكم وكمان لاتنسو ان الانجليزية عندي ماااش والتخصص الصحي بالإنجليزي

.. وعليكم السلام ورحمه وبركاته

انا اشوف انك تدرس التخصص اللي يعجبك

.. شد حيلك وانا خوك وتخصصك حلو ولا تتعلق بشيء واحد انت ما تدري وش ييصير بعد اربع سنوات حاول تجيب معدل قوي وان شاء الله تقبل


... كل سنة قطاعات الداخلية ترفع احتياجاتها للكلية الامنية ...

وفي كل سنة تتغير الاحتياجات

مثل العام ذي اخذوا شريعة عدد رهيب

والسنة اللي قبلها قسم الحاسب


والتخصصات كلها تطلبها الامنية بس تختلف على حسب عدد المطلوبين منها وهذا يرجع لحاجة القطاعات بوزارة الداخليه لكن فيه تخصصات مطلوبه بشكل كبير من ضمنها الهندسة والحاسب والقانون وعلم النفس وعلم الاجتماع والشريعه والتربية البدنيه وفيه تخصصات الطلب عليها ضعيف جدا مثل الزراعه ..


عشان كذا تخصصك عليه 70% و الباقي عليك من ناحية المعدل و درجة القياس و اجراءات الكلية

(( مقابلة و لياقة وكشف طبي ))

بالتوفـيق

يعطيك العافية ..... وانا ماخلاني ادخل قانون الى اني سمعت ان فرصة القبول أقوى

انا تخصصي قانون مثلك

باذن الله ماتندم

ترى تخصص مطلوب في كل مكان مو بس في الامنيه

بالتوفيق

يعطيكم العافية على المرور والرد

ادخل الي تحبه وله مستقبل

الامنيه كل سنه تغير عدد الاحتياج لكل تخصص
مثل انا دخلت محاسبه واخر 3 سنوات كان طلب كبير على تخصصي وتقريبا اكثر الي يقدمون ينقبلون

هل سنه طلبو عدد اقل مما تتصور ولا انقبلت

بس الحمد لله تخصصي مطلوب ولقيت فرص ثانيه


لاتعتمد على شي واحد ادخل شي مقتنع فيه

واذا ع الامنيه تبي تربيه بدنيه عدد كبير؟ بس لو مانقبلت وش بتسوي

الله يوفقك واختار صح