بسم الله الرحمن الرحيم
السلام عليكم ورحمه الله
الواحد مايدري من وين يبدا
فتحملوا فضفضتي شوي
انا توظفت كمسوقه الكترونيه من المنزل في شركه خاصه
كان القعد الموقع هو 3 شهور وعليه يتم اما تمديد او الغاء عقد
وقعت العقد بدون مااعرف كم الراتب
لان مكتوب بالعقد الراتب بناء على تقييم الموظفه من الشركه كل شهر
وقبل العقد قالوا لنا الراتب راح يكون من 1500 الى 5000 حسب الجهد
اول راتب نزل برمضان 1000 ريال فقط
والعمل كان 6 ايام بالاسبوع لمده 3 ساعات
وكنت ملتزمه بالوقت
ومن بعد راتب شهر رمضان الى الان مانزل لنا راتب
وهو المفروض ينزل لنا من 4 الى 5 ايام
,,
الشي الثاني
المسؤولين عنا هم فريق التسويق بالشركه
ماكان لهم اي تفاعل معنا
يرسلون لنا الصور ونسوق ولما نستفسر عن شي مايوصل لنا اي رد
كثير زبائن يسألون عن بعض المنتجات اللي حنا مالنا خبره فيها
ولما نرسل للشركه عن استفسار مايوصل اي شي
وفي الاخير يرسلون لنا فشل التسويق
ويحملونا الفشل وعدم الاهتمام
,,
والحل مع هالشركه
اذا اخاف اكبر المشاكل ولما اجي اطلب منهم يسقطون اسمي
من التامينات و وزاره العمل يحطون لي عراقيل

انتظر ردكم

وعليكم السلام

قبل كل شي أختي أحنا هنا لخدمة أخواننا وأخواتنا

لاكن أختي الحد لرواتب السعودين والسعودين لأشتراك التأمينات هو 3 الاف

يعني ماعليكي منهم يقول 1500 الى 5000 الحد الأدنى هو 3 الاف

ثاني شي يفشل التسويق ولا ينجح مايروح تعبك عبث يعني يوصلك راتبك يوصلك

( لاكن أنا أختي أعتقد بأنك تعرضتي لعملية أحتيال ... وتم الأستفاده من خدماتك فترة الموسم

لأكثر الشركات الي هو شهر رمضان المبارك ... وبعد كذ تبدأ الأعذار منهم )

المهم

أتصلي فيهم وأطلبي راتبك ولو مافيه تجاوب أنتي بفترة تجربه يعني يحق لأي من الطرفين أنهاء العقد بدون سابق أنذار

ولازم تأخذي أخلاء طرف ويروح ولي أمرك وينزل أسمك من التأمينات ومكتب العمل

أي أستفسار أنا حاضر

المشكلة هذه الشركات غالبا تكون خارج المملكة وليس لهم عنوان معين
اذا تعرفين مكانهم قدمي استقالتك واذكري اسباب الاستقالة التي ذكرتيها بالموضوع
واطلبيه استبعاد اسمك فورا