مطلوب موظفه لمركز خدمات بلديه

جااامعية · #21 (**permalink**) 17-09-2013, 01:30 AM

2000 ريال !! وين تطبيق الامر الملكي ؟؟
المفروض اقل راتب 3000 تطبيق للنظام يعني انتم كذا مخالفين للنظام
والمفروض الموضوع هذا مخالف ويغلق كمان .. والغريب ردوو المشرفين بدون اي تعليق !!!

ولااحد يقول احنا شعب نبغى فجأة راتب كبير ماضيعنا الا هالكلام
3000 اقل راتب ممكن الواحد يحصل عليه ومن قال انه كبير بالنسبه ل8 ساعات عمل !!
واكيد فيه ناس بيقولون محتاجين .. طيب مو المفروض من اصحاب العمل عدم استغلال احتياجنا غير عن مخالقه نظام العمل !!

ومن وين بجيب وقت لتمويل افكار ومشاريع على قولك اخت ( شمعه وانطفت ) والعمل 8 ساعات
غير اني بصرف منه احتياجاتي هذا اذا بقى منه شي اصلا

للاسف احنا جالسين نخرب على انفسنا لو نوافق نشتغل ونكرف ب1500
اذا نظام العمل ضامن لنا 3000 اقل شي ,, ليش نوافق على القليل ؟؟

الله يوفقك ويوفقنا وجميع المسلمين بوظيفه باحسن راتب بدون ماتسلب حقوقنا

شمعة وأنطفت · #22 (**permalink**) 17-09-2013, 02:21 AM

ياأختي جامعية توقد شمعة خيرا لك من ان تلعن الظلام كلامك على العين والراس وندري انه حق لكن اذا الشخص محتاج وماله الا هالوظيفة ليش لا مايقدم يقدم لين الله يفرجها ماأحد بيسمعه لو عارض وعارض وبالنسبة لي لونها بمنطقتي قدمت احيانا في اشياء مو راضية عنها لكن أعتبريها وسيلة للغاية والله يوفقنا واياك

جااامعية · #23 (**permalink**) 17-09-2013, 02:37 AM

امين الله يوفق الجميع

بس ياختي اذا انا مااشتغلت باقل من 3000 وانتي مااشتغلتي وغيرنا
اكيد راح يجي يوم ماراح تلقين وظايف بهذا الراتب ,, بالذات لمخالفتهم للنظام
يعني لو مثلا مافي نظام صريح وحد للرواتب اقولك معليش

بالنهايه هذي وجهة نظر ,, واتمنى لك التوفيق من قلبي : )

إتش آر · #24 (**permalink**) 17-09-2013, 05:40 AM

راتب ****
المهم : وين مكان العمل؟
وهل هو اختلاط؟

الأملالجريح · #25 (**permalink**) 17-09-2013, 06:10 AM

شمعه انطفت..لا مانبغي راتب كبير وربي راضين ب3000 بس 2000 ظلم صراحه

الله يرزق الجميع

عبير الجداوي · #26 (**permalink**) 17-09-2013, 09:34 AM

اقتباس:

المشاركة الأصلية كتبت بواسطة شمعة وأنطفت

هو صح اه الراتب متدني بس تقدرون تعتبرونه تمويل لأفكار أكثر إنتاجية يعني الراتب الي يطلعلك تقدري تشغليه بشيء ثاني والمنتدى مليء بالأفكار ذات راس المال المقبول <<خصوصا بنات جدة لاتفوتونها
>>بعدين حنا يالشعب نبغى فجأة راتب كبير كل شيء يبدأ صغير وبتفكيرنا وتوفيق الله بيجي كبيير وفهمكم كفاية بالتوفيق.دعواتكم بالوظيفة لي لو 1500

أفكار انتاجيه ( شكلك متأثر بحافز ) طلع المسؤول يقول استثمروا حافز .. نستثمر الفين ريال في ايش ؟؟؟؟؟؟؟؟؟؟؟
فلنفرض !!

نشتري بطاقات شحن ونبيعها بالشارع ولا نشتري اكسسوارات جوال ونعلن عنها بالنت ونمر اخر الظهر على محلات الجوالات

يا اخي حنا شعب مانبي رواتب عاليه ولا طلبنا مستحيل نبي رواتب معقوووووووووووله
ماطلبنا 9000 الاف ولا 20 الف عشان تقول ان الشعب يبغى راتب كبير بطرف عين

وقرارات الدوله واااااااااضحه ادنى حد للرواتب 3000 ريال تسرقون الف وتسرقون من جهد الأجير وين تقوى الله
فلنفرض ان النساء يلزم لهم سواق بالتعاقد عشان الدوام السواق ياخذ 700 وزعلان بعد .. كم يبقى من الألفين نصرف على انفسنا فيه صرفه بالمستوى المتدني ... وكم يبقى من الألفين عشان نستثمره

والله العظيم لو كان الراتب بالمعقول مافضيت كراسي وظيفيه شاغره
2000 ريال ولا بالاحلام

كلامي حق ولا لا ؟

عالعموووووووووووووووووم بالتوفيق لما يحبه الله ويرضاه

م متفائله · #27 (**permalink**) 17-09-2013, 11:11 AM

كلامك كله صحيح أختي عبير بس وين الي الي يسمع !!!!!!!!!!!؟؟؟؟؟؟؟؟؟

الله يغنينا من واسع فضله

شمعة وأنطفت · #28 (**permalink**) 17-09-2013, 09:40 PM

كلن يشوف الموضوع من زاويته والاختلاف لايفسد للود قضية ويمكن الي مو مناسبك يناسب غيرك ’خلوا عندكم مرونة تدرون ان فيه ناس حياتهم ديون يتمنى لو مصروف لأولادة
واذا ع قصة السواق احنا عندنا السواق يوصل لمدة شهر 100 ريال واذا مايعرف اهلك 200ريال