السلام عليكم

يسعد لي مساكم


ابارك للجميع المقبولين مبدئياً
في مدينة الملك عبدالعزيز العسكرية للتشغيل والصيانة بتبوك

http://www.kamc.gov.sa/Employment/CandidateLogin.aspx

انشأت هالموضوع من اجل تبادل المعلومات والجميع يستفيد

الي عنده اي معلومات عن المدينة ياليت يفيدنا

موقع المدينة ب اي اتجاه بمنطقة تبوك

كيف شغلهم
وكيف الرواتب

بالنسبة لي
انا قبلوني اخصائي موارد بشرية
المؤهل ماجستير ادارة موارد بشرية
والمطلوب كان بكالريوس
وحسب ما كان بالموقع ان يصنف ضمن اقرب مرتبة تناسب المؤهل مع زيادة 25%
بس هل اصنف ضمن حملة الماجستير او البكالريوس



اتمنى المشاركة من الجميع
وخاصة معلومات المدينة من اهل تبوك


تحياتي والله يوفق الجميع

اخوي مبرو القبول المبدي ماعليك اداره المدينه لها مميزات حلوه
ورواتبهم عاليه تطمن هي بجنوب منطقه تبوك بالمدينه العسكريه
قريبه من حي العليا والجاهز يعني اي واحد يدلك هي قريبه من وسط المدينه
لان تبوك مدينه تبوك متداخله مع بعض اي واحد قله العليا يوديك راح تشوف المدينه
العسكريه على طول راح تصنف حسب الموهل المطلوب للوظيفه يعني كانو طالبين بكالريوس بيصنفوك بالبكالريوس احتمال الماجستير يعطيك افضليه فقط لاكن ليس شرط يعينوك بشهادتك باقي الخط طويل مقابله وفرز واعلان النتائج انا سبق قدمت واختربرت على كاتب وبعدين مشغل حاسب وبعدين مراقب احياء و قاري عدادات واختبرت وما ترشحت والحين مقدم على مراسل وسواق مع ان عندي دبلوم حاسب نشوف هالمره رواتبهم من 3500 وطالع وامكانيه تواجد سكن للموهل وعلاج بمستشفي القوات المسلحه يعني فل ^ ^

الله يوفقك اخوي سفير النوايا

وان شاء الله من المقبولين نهائي

استغفر الله , ولا اله الا الله

ولك بالمثل اخوي وتطمن ان شاء الله الامور سهالات يارب
ونسير زملاء بمكان واحد باذن الله ^ _ ^
بسالك طبعت نموذج التصريح موجود عندك انا يقولي قريبا يتم تنزيل التصريح للطباعه
الحاله قبول مبدئ

الله يااداره المدينه العسكريه عندي قرايب فيها وفيه اغلب موظفينهم عساكر وفيهم فنين واداريين
فيه ضباط حبوبين يعجبوك

حيــاك يالغالي
اتشرف فيك يبعدي
لا ماطبعت تصريح يقول قريباً وانا مقابلتي يوم الخميس يوم 20
والمشكله اني من القصيم حول 1000 كيلو مدري وش الوضع
حتى الطيران عندنا مافي رحلات لـ تبوك

بسئلك

كيف مقابلتهم ’’ هل تعتمد على مادة درستها ولا عامة

لان عقدوني شركات الرياض يبغون تحفظ قانون الدولة كله عشان تكون اخصائي توظيف

ونا اتشرف بعد الله يحيك بتبوك خذ نقل جماعي والله كنت اسافر للرياض من تبوك بالنقل اتصبر كم ساعه عادي
ياخذ معاك تقريبا من القصيم لتبوك 10 ساعات ما بين نوم واستراحه ونت واصل ما بيننا وبينكم الا حايل فقط
تصبر دامه يوم واحد لو ما عندك موتر ....

بالنسبه للاختبار كان فيه اختبار تحريري واللى يعديه يدخل مقابله وبعدين الفرز
ما ادري هالمره من اولها مقابله مستغرب اول مره يمر عليه مقابله قبل الاختبار التحريري
اسئلتهم عامه ما تعتمد على شي محدد اذكر من الاسئله ..
من خازن النار وفيه اربع اختيارات
من العشره المبشرين بالجنه وذكر اربع اختبار منهم
ومن اللى ابدله الله بدال يده جناحين بالجنه وذكر اختيارات
من وظائف الكبد وذكر منهم اختيارات
كذا عشرين سوال ... عامه
والشهاده لله ما كنت اعدي الاختبار التحريري ^ _ ^
بس بالمقابله اكيد بيسالوك عن التخصص
رواتبهم احسن من مراتب الخدمه فيها زياده 25 %
00
الله يوفقك

شباب انت على وش مقدمين انا مقدم مدخل بينات والطلب تحت الاجرا