نبدأ بمبلغ بيسط مايتعدى 1000ريال
س1 كم عمولة البنك سمعت أنها 12 ريال عند الشراء و 12 عند البيع
س2 هل يخصمون 12 او 24 من حسابك عند الشراء او 12 عند الشراء و12 عند البيع
س3 هل يوجد رسوم غير العمولة لان ما عد فيها ربح
س4 هل يوجد محافظة مجانية أو لزم تنتظر تكتتب حتى يتاح لك الشراء والبيع
س5 ماهي افضل وسيلة للبيع والشراء هل هي الهاتف او الانترنت او الحضور الشخصي للبنك
الفكرة هي زيادة لراس المال القليل تعبة من التفكير حتى انفجر جزء من عقلي ولم اجد فكرة لزيادة راس المال وحيث اني اعمل فترتين في الصباح والمساء ولا اجد وقت لكي ابيع واشتري في التمور مثلا او اي شي عندي دوام الصباح والمساء والاسهم هي الفرصة المناسبة لزيادة راس مالي القليل
وليس لدي مانع من الربح القليل لطلما انه مستمر بإذن الله لو احد عند فكره فليسعدني مشكور

والله وانا اخوك

انا دخلت الأسهم وربحت شوي وطمعت وتالي خسرة بسبب انه ليس لدي صبر على العموم

اوصيك بالأبتعاد عن الأسهم المحرمه والتأمين بشكل عام

وادخل بالأسهم التي اسهمها الحره قليله نوعاْ ما وعليك ايضا بالأسهم التي لم تحظو بالأرتفاع بعد يعني صارلها مدة وهي ثابته مع انها جيده وابتعد عن الأسهم التي يطبلون لها في المنتديات

وبالنسبه للعموله عند كل صفقه تتفاوت عند البنوك بنسبة 0.12% بقيمة الصفقه سواء بيع او شراء يعني انت معك 20 الف ريال وشريت بسهم يخصمون منك 24 ريال لأن 20,000*0.0012 =24

دخلت وخسرت وطلعت افضل طريقه تستثمر ربعي كل ثلاث اشهر

عندك موقع ساري للاسهم حيفيدك بعد تجربه الله يوفقك

والله الاسهم فيها مخاطرة كبيرة لكن سمعت ان فيه اسهم زي سابك و المراعي و ارامكو
وكذا تقدر تحط فيها مبلغ وبعد سنة يمكن يطلع لك زيادة بسيطه فيه
ياليت احد يشرح لنا هذي الطريقة

راح اعطيك طريقه مستحيل تخسر فيها فلوسك اللي هي اي مبلغ عندك زايد خله في جيبك وﻻ تورط في اﻻسهم في ظرف كم سنه تلقاه kبدون اي خساير

انا بحياتي ما سمعت احد تجر او اغتنى من الاسهم
بدايه بسيطة ومن ثم زيادة المبلغ ثم الخساره محاولة التعويض الموت
كثير ما اسمع فلان من الناس باع بيته وخسر كل اموالة
نصيحة لك اخي العزيز

اذا كنت مبتدى لا تدخل امر تجهله وخاصة اذا كان البحر طبعة غدار
وعندنا السوق السعودي باي لحضة ينزل يتاثر باتفه الاسباب

لزوم تعرف محلل اقتصادي مضمون
ولا تدخل ابد بكامل المبلغ
سمعت ان طريقة
وهي تشتري من الشركه الفلانية مثلا 500 سهم لو قدر الله وتغير اتجاه السهم للاسفل تشتري مره ثانية 1000 سهم
هذا يسمى التعويض لان لو ارتفع شي بسيط تقدر تجيب راس مالك


هذا تفكيري حاليا واتمنى الاخوان ما يقصرون
وبالتووووفييق والله يكتبلك الخير يارب

٩٥% من المتداولين في السوق خسرانين و ال٥% الربحانين هم البنوك و الشركات الاستثماريه فأنت لا أنت بنك ولا انت شركه استثماريه فلوسك خلها بجيبك لما تلقى لك مشروع تربح و حطها اما شغل اسهم ما ينفع للاسف الشعب السعودي كسول يبي يحط فلوسه بالاسهم و يحلم يصير مليونير تبي تصير مليونير تقدر أبدأ من الحين جمع و حطها بعقار و لكن ما راح تشوف المليون الا بعد فتره غالبا من ١٥ الى ٢٥ سنه هذي المشكله كانك بتصبر و بالتوفيق

نصيحه ابتعد عن الاسهم
والله اني احد ضحاياها والخساير كبيره والى الآن اعاني منها
ابتعد نصيحه لوجه الله.

نصيحة ابتعد عن الاسهم فهي خسائر منذو الانهيار في 2006 الى الان في انخفااظ وخسائر

الله يرزقك

الأسهم ماعاد فيها ارباح مثل أول وبعد التجزئة المبالغ الصغيره ماراح تربحك شي
والي بيدخل لازم مايقل عن مية الف علشان يطلع بشي يسوا وممكن بعد يخسر خسارة تعور القلب
واذا حاب تجرب الشغله ادخل صناديق الاستثمار أقلها راح تكون فلوسك بيد ناس عارفه تديرها
على خبري اقل مبلغ تقدر تدخل فيه 7ونص مدري اذا صار تغيير او لا