24-10-2013, 03:41 PM
|
 |
عضو سوبر
|
|
تاريخ التسجيل: Jun 2011
الدولة: القويعيه غرب الرياض 165 كيلو
المشاركات: 441
معدل تقييم المستوى: 478
|
|
هل هذه من ضمن صلاحيات مكتب العمل
السلام عليكم
ومساكم الله بالخير جميعا
ابختصر موضوعي
ياطوال العمر انا قدمت على شركه المراعي بوظيفه حارس امن في محافظه تابعه للرياض بعد ما نقل واحد من الحراس الى منطقه اخرى وقالي تعال مكاني
قبل مايجي احد وياخذه (يعني الرجال فزع لي وعلمني بكل شي ) المهم خذت ملفي وعطيته مشرف الموقع (السوبر فايزر) وقالي خلاص ابودي ملفك للرياض عشان يسوو معك مقابله وتوقع العقد معهم ومن يومها يارجال وانا رايح جاي عنده بلا فايده كل شوي اجيه يقولي مارحت او لازم يدقون علي الاداره العامه من الرياض وكل واحد منهم يحذف المسووليه على الثاني ان رحت للرياض قالو لازم المشرف يكلمنى واذا جيت للمشرف قال لازم الاداره بالرياض تكلمنا تعبت منهم الصراحه وبالاخص مشرف الموقع شكله مايبي شي اسمه سعودي
طبعا هو جنسيته تنزاني -غير عربي المهم حاولت محاوله فاشله واخذت رقم مشرف الامن سعودي وكلمته قسم بالله لو تسمعون كطريقته بالكلام تقولون جاي اشحذ عنده مره يقولي انتظر ومره يقول رفعت لك طلب وكل شوي يحذفني يمين ويسار مالك الا تنتظر اتصال منا طبعا هذا الكلام قبل 5 شهور مريت الموقع اليوم وجلست مع الحراس وقالو الوظيفه الى الان شاغره .
وانا بعدها صراحه تعبت كل هذا انتظار وش اسوي معهم يالربع اشكيهم على وزاره العمل ولا وش اسوي بالضبط انا محتااااج الوظيفه لاني ما اقدر اسافر مامعي سياره انا سمعت من واحد مسؤل في شركه الصافي يقول اذا الموقع مافيه سعوديين او ما وظفوك رح اشتك عليهم وارح يعطيك مكتب العمل ورقه وتروح يم الشركه وراح يوظفونك بالغصب ...... انا صراحه ماصدقت كلامه لان شركه المراعي شركه كبيره وفيها ناس من ال سعود ومستحيل انهم يتضررون من واحد مثلي لا حول له ولا قوه
امري بيد الله سبحانه ثم بيديكم شورو علي وعلموني وش اسوي
والسلام عليكم
|
العرض العادي
