ارجوا الدخول وافيدوووووني في(مشروووووع بيع اعلاااااااااف)

السلام عليكم ابي استشاره منكم
بفتح باذن مبسط اعلاف برسيم الموقع خارج الرياض بحوالي300كيلوا
وش تنصحوني فيه
وش ابيع مع البرسيم
وش اعلاف جديده ممكن اضيفها مع البرسيم
وش الاجابيات والسلبيات
وهل مشروع ناجح وكم راس المال المتوقع

مالقيت الى تجارة البرسيم !

الشغلة متعبة و تحتاج جهد و تعب !!

.............................................

أقترح تتاجر في التمر فية خير ان شاء الله .. حمل من القصيم وبيع في الرياض

بتحصل خير وبتدعي لي ان شاء الله وترى تجارة التمر مباركة ..

اخوي حمد توكل على الله وافتح المبسط

والبرسيم فيه رزق والله ما احد يعرفه الا الاجانب

وبعدين ما فيه لا تعب ولا شي لانك راح تحط عامل بالمبسط وهو اللي يبيع وانت تحاسبه على كل شي

والحين البرسيم في السوق بـ 14 ريال وراح تشيله من المحور بـ 12 ريال
والتريله تحمل حدود 1000 لبنه وعليك الحساب
واذا عندك اي استفسار تراني في الخدمه..
وبالتوفيق لك

الله يوفقك يارب ويفتحها بوجهك ..

البرسيم ممتاز وعليه طلب كثير

حاول إنك تشوف حبوب أو زرع للدواجن منها تربي دجاج وأكله ببلاش وتبيع عيالها من الفقاسات

والله خير موفق

مشكورين علي الرد
يااخوان هل ممكن اخذ علي اعلاف تسمين من هالشركات
واحاسبهم علي التصريف
ثانيا
وش تشورون علي اضيف على هذه الاعلاف وابيع في المبسط
واحد قال لي بيع بعض الاشياء المتعلقه بالمواشي
كالملح ومعالف الشعير
ابي مشورتكم

كل المشاريع خير وبركة

التمر فيه خير ورزق ومبروك وسهل وبضاعة دارجة ومطلوبة في كل بيت

الرمان كلام سليم سعرة بالرياض ٦٠
بالطائف ٩٠
جدة ٨٠
وفيه خير وافر بس عيب ما يتحمل تتطول لازم تبيعة بددري مو زي التمر والعلف


العلف البالة الوحدة فيها من ٢ الى ٤ ريال مكسب والتريلة تحمل الف بالة

يبغى لك راس مال ٦٠ الف

١٢ الف برسيم
٢٣ الف شعير سعر الكيس مشترى ٣٦ وبيع من ٣٨ الى ٤٠
٢٣ مركز سعر الكيس مشترى ٣٥ او ٣٦ وبيع من ٣٨ الى ٤٠

و٢٠٠٠ ريال لتجهيز الموقع

موفق اخوي والله يرزقنا وياك من واسع فضلة