السلام عليكم ورحمة الله
يا اخوان أنا عاطل بكمل السنه الثانيه
وقدمت في العسكرية وربي ما كتب نصيب الحمد لله على كل حال
فكرت قلت نقدم مدني مع ان الرواتب ماش ما تكفي
الحين انا معي دورة 6 أشهر حآسب و المؤهل ثانوية
وأبي أقدم مدني مثلا في الصحة او البلدية او اي قطاع حكومي
بس أهم شيء تكون وظيفة محترمة
حبيت اسالكم كيف أقدم والراتب كم بيكون
وهل تثبت طوالي على مرتبه او تتأخر مثلا وشاكر لكم

الله يرزقك الوظيفه العالية اللي تسرك

تقدم إذا اعلنوا الجهات الرسمية جرب في قطاع الحرس ، العسكرية
وفيه وظايف لديوان المظالم قبل فترة
ووظايف وزارة العدل
وأنصحك تاخذ البكالوريوس أو دبلووم عشان الفرص تكون اكثر

الله يوفقك

التقديم عن طريق الموقع الألكتروني للجهة التي تريد التقديم عليها
مثلاً .. يوجد الآن وظائف شاغرة في جامعة الملك فهد للبترول والمعادن تناسب مؤهلك على المرتبة الرابعة
بالنسبة للمرتبة هناك ترقيات تخضع للمفاضلة وتختلف من قطاع لقطاع
الله يوفقنا وإياك ويكتب لنا ولك الخير

عليكم السلام

التقديم بالعادة عن طريق المسابقات الوظيفية تقدم
وبعد قبولك تختبر واذا نجحت بيكون فية مقابلة شخصية وبعدها تتعين اذا اجتزتها

ثانوية + حاسب 6 شهور توظفك على المرتبة الرابعة (كاتب)
او المرتبة الخامسة ناسخ اله + او مسجل معلومات .. << وانصحك فيهم لان فيهم بدل 20%من الراتب
طبيعة عمل على الكمبيوتر

الترقية من مرتبة الى مرتبة كل 4 سنوات
وانت وشطارتك ممكن تكمل تعليمك انتساب وتاخذ الشهادة الجامعية وتصعد لمراتب عليا مثل المرتبة السابعة

بشكل عام انا افضل العمل المدني اكثر من العسكري لانه راحة وايضاً الاجازات على عكس العسكري
وبرضوا العلاوة السنوي اكثر من العسكري

بالنسبة للراتب
المرتبة الرابعة حول ال5 الاف

المرتبة الخامسة حول ال6 وشوي اذا كان فيها بدل

وبالتوفيق

اخوي شوف اداره التعليم سوا كاتب او مراسل اهما يفيدونك

كمل بكالريوس انتساب

ترى القبول جدا سهل خصوصا في جامعة عبدالعزيز ومنحه بعد


وحده اعرفها ثانوي وكملت انتساب ادارة اعمال وتوظفت بمستشفى وكملت ماستر والآن مديرة الطواري ماشاء الله

وعلى فكره تخرجت من البكالريوس وعمرها يمكن ٤٢ قبل اقل من خمس سنوات وتوظفت بعدها بسرعه


سبحانه الرازق

وان للانسان ما سعى

يعطيكم العافية جميع
والله يكتب الي فيه الخير