بعد سنوات من الدراسة الجامعية والجد والاجتهاد في التحصيل العلمي والعملي من أجل تحقيق الامال الوظيفية تتوقف احلامنا وتصطدم بجدار ظالم يسمى " الغير تربوي "

الجامعيات الغير تربويات ادعموا هذا الهاشتاق للمطالبة بحقوقنا الوظيفية

#الغير_تربويات_وش_ذنبنا

من جد انظلمنا الله ينصرنا ويرزقنا من واسع فضله

ذنبك يوم اهلك يقولون لك ادخلي كلية تربوية احسن لك وانتي تقولين لا لا مابي ابي ادخل الجامعة مع صحباتي الكلية ملل

امزح معك ودي اضحكك شوي لكن فعلا وش ذنبكم حسبي الله ونعم الوكيل فيهم قبل المكرمة كان الكل ماشي توظيفه وبعد المكرمة تفتحت عيونهم
وساروا يفضلون ناس على ناس والمفروض التقدمية والمعدل
والله يوفقكم وكلنا معاكم بالهاشتاق

أختي أبسألكم أنتم نزلتوا تدريب ميداني بالمدارس ؟
اذا اي فمن حقكم انكم تطالبون بالمساواة
أم اذا كان جوابك لا ...فااسمحي لي مو من حقكم ...
ترى التدريس مو تحفظين لك كلمتين وتجين تلقينها
التدريس أصعب مما تتوقعين ...أنا يوم نزلت تدريب ميداني فعلا حسيت بالصعوبة وطلبت المساعدة من كل اللي حولي ...كنت أحسب التدريس شيء سهل وما كنت أبد شايلة هم التدريب الميداني ...لكن عقب ما تزلت عرفت الفرق ومدى الصعوبة ....هذا غير اننا كنا ندرس مواد عن استراتيجيات التدريس وأسس مناهج وعلم نفس تربوي وطرق تدريس وطرق تحضير الدروس وعمل نماذج للتحضير واستخراج الأهداف وأهداف الدرس والأهداف طويلة المدى والأهداف القصيرة والنشاطات اللي كنا نسويها عن طرق التدريس والوسائل التعليمية اللي كنا نصممها والبحوث ..هذا كله يا أختي صدقيني لا يمكن الاستهانة به على الاطلاق

حبيت أقول رأي

أنا ملاحظة في عشوائية بالمطالبة بالحقوق ..كلن يقول أنا لي حق بهذه الوظيفة ...في أبجديات للثقافة الحقوقية لابد للجميع ان يعرفها لكي لا يبخس حق الاخر

أتمنى ان تتقبلي رأيي بسعة صدر
واسفة اذا كنت أزعجتك بصراحتي

ادرسوا دبلوم تربوي وتتحول شهادتكم الى تربويه

في دبلوم تربوي سنه
قريبتي ادرسته
وتصيرو تربويات
والله يوفق الجميع

اي بالضبط

مع احترامي للي يقولون ادرسوا تربوي مب على كيفنا انا مثلا من المنطقه الشرقيه ومالنا الا الجامعه المفتوحه وقبولها صاير بشروط ايش ذنبنا اذا ماانقبلنا وغير اللي تقول انتوا ماطبقتوا بمدارس يعني خريجه التاريخ والجغرافيا ايش ممكن تتوظف محاسبه ولا مهندسه شي طبيعي مالها الا التدريس واذا على التطبيق عندنا خبرات بالمدارس الخاصه مايكفي بتعييننا موجهات ..

ياختي الله يصلحك
ايش نسوي مضطرين
خلاص اخذي تربوي سنه
ولاتذلين عمرك
اذا انتي اخذتي ميداني وماحسبوك تربوي هذي مصيبه!
اما اذا لا
فخلاص اخذي سنه
وارتاحي
وبعدين التربوي مرررره سهله
ياحي ياقيوم اشوف اسمي واسمك واسماء كل الخريجيين في اقرب مفاضله ونتعين عند اهالينا يارب

الحمد لله على حال
من حقكم تطالبو انه يكون مجاني
حالكم ارحم من المنتسبات الله يعوضهم