السلام عليكم

مساء الخير اخواني

اخواني حبيت افتح مشروع محل الدونات

ولكن اواجه مشكله في دراسة الجدوي و طريقة تعبيتها

سؤالي هل لابد عمل دراسة جدوي بادق التفاصيل بالرغم ان المشروع صغير جدا

لاني حصلت نموذج دراسة جدوي من الغرفة التجارية بجده ولكن قفل مخي بصراحة حاولت املي الي اعرفه

هل من مساعده

هلا بك ..

شف حبيبنا .. دراسة الجدوى مو واجب مدرسي لازم تجيبه 100% صح.

أعتبر نفسك الحين عندك 300 ألف ريال ..
و ابدأ الحين بتأسيس مشروعك ..
أقعد مع نفسك و اسأل وش الأشياء الأساسية الي أحتاجها ..

مثلا تواصل مع موردين الطحين .. و اسأل عن الأسعار و كاسر ، وشف مثلا كم الاستهلاك .. شف المكائن ، شف الخلاطات .. و على هذا المنوال .. شف كم تكاليف الديكور .. شف أرخص سعر و أغلى سعر .. استكشف كل شي وكأن معك الفلوس.

و اكتب في النت اذا تعرف انجليزي

start up donuts shop
donuts store feasibility study
donuts business plan

و ابدأ نبش ..

ترد دراسة الجدوى صياغتها و إعدادها صعب شوي و متعب .. لكن خلك مرن وشف الي تحتاجه و الي ما تحتاجه .. من البيانات لأن حتى الي أنت بتعرض عليهم دراسة الجدوى ما وصلوا لدرجة الاحترافية في طلب دراسات الجدوى .. أصلا لو تجيب لهم دراسة جدوى احترافية بيتوهقون يمكن مو فاهمينها

هلابك اخوووي

مشكور علي النصيحة

لو اسوي دراسة جدوي يمكن ما تتعدي 6 صفحات لاني بذكر الاشياء المهمة والي احتاج فقط

بنائي للدراسة جدوي فقط للتمويلي فقط لاني محتاج ان يكون لي دعم مادي من قبل رياده

لاني ما املك الا 10 الالف ريال

واحتاج راس مال قوي شوي اقل شي 70 الف علشان ابني هذا المشروع فخاف يروح مني مثل ما راح مني مشروع قبله بسبب تاخيري

فلازم اخذ تمويل من رياده لكي ابني المشروع


وبخصوص الاسعار والمعدات والاشياء الاساسية مسوي جدول بفر محلات بالرياض واشوف الاسعار المعدات

مسوي اعلي سعر واقل سعر ونوع المعدات


بس الي بياخرني هو الجدوي لاني بحاول اخذ التمويل فقط

وشكرا ياعمي علي الرد

1++++

دام انك بتقدم على ريادة لا تشيل هم الدراسة

في البداية تسوي دراسة مبدئية على موقعهم مالها أهمية

بعدين يعطونك دورة لمدة ثلاثة اسابيع يكون معكم دكتور من الجامعة يشرح لكم خطوة خطوة إعداد دراسة الجدوى وكل يوم يقولكم انزلو للسوق واجمعو المعلومات الفلانية علشان تسجلونها في الدراسة

يعني اليوم مثلا يقولكم شوفو المواد الخام للمشروع وعندك مثلا الدقيق والسكر ... الخ وتسجلها

واليوم التالي أسعار المعدات... الخ

وهكذا لمدة ثلاثة أسابيع حتى تصل لدراسة كاملة

اخوي احسب حساب انك تكون قادر على منافسة الشركات العاملة بهذا المجال ...

لازم تجيب جواب كيف تنافسهم ؟ وهم اقدم ولديهم زبائنهم وعندهم خبرة

حبيت انبهك على هالنقطة وبالتوفيق

وين بتفتح محل الدونات ؟
اذا في المدن اللي فيها الشركات مثل دنكن وكرسبي وغيرها ما انصحك
اذا في المحافظات المتحركه تجارياً ومافيها منافس توكل على الله